Morgunblaðið - 11.04.1997, Blaðsíða 2

2 FÖSTUDAGUR 11. APRÍL 1997
MORGUNBLAÐIÐ
FRÉTTIR
Kærunefnd og fjármálaráðherra telja borgina bótaskylda gagnvart Sumitomo
Lög og reglur EES brotin
frá og með opnun útboða
FJÁRMÁLARÁÐHERRA hefur
staðfest þá niðurstöðu kærunefnd-
ar útboðsmála að grunnreglur út-
boðslaga og meginreglur EES
samningsins um jafnræði bjóðenda
og gegnsæi í opinberum innkaup-
um hafi verið brotnar við meðferð
Innkaupastofnunar Reykjavíkur-
borgar á útboðsmáli vegna hverfla-
samstæðu fyrir Nesjavallavirkjun.
Vegna þessa sé Reykjavíkurborg
bótaskyld gagnvart Bræðrunum
Ormsson, umboðsaðila Sumitomo
Corp.
Bræðurnir Onnsson kærðu
framkvæmd útboðsins til fjármála-
ráðuneytisins þann 26. mars si. og
vísaði ráðuneytið málinu til kæru-
nefndar útboðsmála. Þess var kraf-
ist að úrskurðað yrði að meðferð
borgarinnar við útboðsfram-
kvæmdina hefði verið ólögmæt og
að nefndin ákvæði að tilboð Sumi-
tomo Corporation hefði verið
lægsta og hagkvæmasta tilboðið
og því skyldi tekið. Jafnframt að
útboðsframkvæmdin yrði stöðvuð
þar til niðurstaða lægi fyrir, auk
þess sem gerður var fyrirvari um
fjárkröfur, kröfur fyrir dómstólum
og kröfur um aðgerðir Eftirlits-
stofnunar EFTA.
Ámælisverður formgalli
Kærunefnd útboðsmála skilaði
álitsgerð í fyrradag og í gær kvað
ráðherra upp fyrrgreindan úrskurð.
Kröfum um stöðvun útboðsfram-
kvæmda og að tilboð Sumitomo
verði lýst lægst og hagkvæmast
var hafnað. Hins vegar er niður-
staðan sú að reglur hafi m.a. verið
brotnar með því að við opnun til-
boða hafi þess ekki verið gætt að
öll tilboð væru lesin upp svo sem
skylt sé samkvæmt lögum um
framkvæmd útboða. Þetta sé
ámælisverður formgalli. Jafnframt
kemur fram að Mitsubishi hafi
lækkað tilboð sitt um 1 milljón
dollara eftir að tilboð voru opnuð.
Þar með hafi komið fram nýtt til-
boð frá Mitsubishi og hafi það með
þessum hætti farið niður fyrir til-
boðsupphæð Sumitomo. Eins og
fram hefur komið hefur Reykjavík-
urborg gengið til samninga á
grundvelli útboðsins við Mitsubishi.
Karl Eiríksson, forstjóri Bræðr-
anna Ormsson, sagði í samtali við
Morgunblaðið í gær að Bræðurnir
Ormsson væru búnir að taka þátt
í öllum tilboðum og útboðum við
rafvæðingu landsins frá því að fyr-
irtækið var stofnað árið 1922. „Við
höfum aldrei séð ástæðu til að finna
neitt að þeirri aðferð sem höfð
hefur verið við úrvinnslu útboða
fyrr en núna. Þessi mikli hraði sem
var settur á þetta mál var óþarfur,
það var eitthvað sem lá á að gera
sem við ekki skildum," sagði Karl.
Aðspurður hvort fyrirtækið mundi
láta reyna á þá niðurstöðu ráðu-
neytisins að borgin væri bótaskyld
vegna málsins sagði Karl Eiríks-
son: „Þetta mál fór í gang til þess
að það verði farið rétt með þessa
hluti. Við höfum ekkert hugsað út
í bótaskyldu."
Alfreð Þorsteinsson, formaður
stjórnar Veitustofnana borgarinnar
sagði að það sem hann teldi bera
hæst í úrskurði nefndarinnar og
ráðuneytisins væri það að helstu
kröfu kærenda um stöðvun útboðs-
framkvæmda og að tilboð Sumi-
tomo verði metið það hagstæðasta
væri hafnað. „Þessi niðurstaða er
í fullu samræmi við kröfur Reykja-
víkurborgar."
Hefur ekki lögsögu
Alfreð sagðist ekki mikið hafa
um „þessa lögfræðiritgerð kæru-
nefndarinnar" að segja á þessu
stigi. „En ég minni á að Reykjavík-
urborg viðurkenndi ekki og viður-
kennir ekki enn að fjármálaráðu-
neytið hafi haft lögsögu í þessu
kærumáli. Satt að segja er maður
hissa á því örlæti fjármálaráðherra
að taka upp þá nýbreytni að gefa
einstaklingum og fyrirtækjum
ókeypis lögfræðiaðstoð á kostnað
skattborgaranna."
Alfreð sagði að álit kærunefndar
væri enginn dómur. „Við erum
ekki sammála þessu áliti og ef
umboðsaðili Sumitomo vill fara í
mál þá mun koma í ljós hver niður-
staðan verður."
15 mánuð-
ir fyrir að
binda konu
ognauðga
HÆSTIRÉTTUR staðfesti í
gær dóm Héraðsdóms Vestur-
lands yfir 27 ára gömlum
manni um 15 mánaða fang-
elsi og greiðslu 350 þúsund
króna skaðabóta til 42 ára
gamallar konu sem talið er
sannað að maðurinn hafi
nauðgað.
Maðurinn bar fyrir sig
minnisleysi um atvik en með
framburði konunnar, vitna
sem hún talaði við eftir at-
burðinn og læknis sem skoð-
aði hana er talið sannað að
maðurinn hafi nauðgað kon-
unni eftir að hafa bundið hönd
hennar og fót.
Fólkið var fyrrverandi
vinnufélagar og fór saman í
samkvæmi ásamt annarri
konu á heimili hennar eftir
að hafa hist á veitingastað í
júní á síðasta ári.
I dómi Hæstaréttar þar
sem héraðsdómur er staðfest-
ur kemur fram að þar sem
ríkissaksóknari hafi ekki
krafist þess komi ekki til álita
að þyngja refsingu mannsins.
Flugleiðir
Afpantan-
ir vegna
boðaðs
verkfalls
VERKFALLSBOÐUN Félags ís-
lenskra atvinnuflugmanna hjá
Flugleiðum hefur nú þegar haft
áhrif. Segir Einar Sigurðsson full-
trúi forstjóra Flugleiða að bæði
hafi einstaklingar og hópar afpant-
að flugferðir, fyrst og fremst út-
lendingar.
Eins og fram kom í frétt
Morgunblaðsins í gær samþykktu
94% flugmanna ofangreinda verk-
fallsboðun og skal áréttað að hún
nær aðeins til Flugleiða enda hefur
FÍA samið við ýmsa aðra flugrek-
endur. Á kjörskrá vegna þessarar
verkfallsboðunar voru 168 flug-
menn.
Samningafundur á mánudag
Boðað er þriggja daga verkfall
frá næsta föstudagskvöldi og síðan
frá 25. apríl hafi þá ekki samist.
Næsti samningafundur er ráðgerð-
ur á mánudag.
Morgunblaðið/Golli
ÁHÖFN varðskipsins Ægis, ásamt mönnum frá björgunarsveitum í Hafnarfirði og Reykjavík og köfurum frá Slökkviliði Reykjavík-
ur, tókst skömmu eftir hádegi í gær að koma festingum á flak TF-CCP og hífa það um borð í skipið.
Markaðssetning FI hafði
þegar farið fram erlendis
ÁFRAM héldu í gær fundahöld hjá
forráðamönnum Flugleiða og Flug-
félags Norðurlands til að meta stöð-
una eftir ákvörðun Samkeppnisráðs
um skilyrði fyrir rekstri Flugfélags
íslands. Alllangt er síðan tekið var
að markaðssetja áætlun FÍ meðal
erlendra ferðaskrifstofa en eins og
önnur mál er það nú í biðstöðu.
Verra fyrir FN en Flugleiðir
„Við höfum unnið allan febrúar
og mars við að kynna fyrirtækið,
gera samninga og ráðstafanir til að
geta hafið flug undir þessu nýja
nafni 1. júní og þess vegna er erfitt
að fá á sig skilyrði sem eru svona
ströng, svo ströng að við erum jafn-
vel að velta fyrir okkur hvort hægt
sé að halda áfram,“ sagði Sigurður
Aðalsteinsson framkvæmdastjóri FN
í samtali við Morgunblaðið í gær-
kvöld. Hann sagði jafnframt að skil-
yrðin væru flókin, meta þyrfti hver
þeirra væru alvarleg og hver eðlileg.
„Ef endanleg niðurstaða yrði sú að
þessi skilyrði væru óaðgengileg þá
er áfaliið miklu meira fyrir Flugfélag
Norðurlands en Flugleiðir. Þarna er
allur rekstur okkar undirlagður en
aðeins lítill hluti af rekstri Flugleiða
þó það fyrirtæki myndi einnig líða
eitthvað fyrir þetta. Við værum
kannski allt í einu svipt trausti og
tiltrú markaðarins svo þetta er hið
alvarlegasta mál fyrir okkur.“
Ráðgert var að leiðakerfi Flugfé-
lags íslands yrði að mestu svipað
núverandi áætlunarkerfí Flugfélags
Norðurlands og Flugleiða innan-
lands. „Við höfðum hugsað okkur
betri þjónustu á suma staðina, nota
minni vélarnar eftir því sem bókanir
og sætaþörfin krefur," sagði Páll
Halldórsson forstöðumaður Flug-
leiða innanlands. Hann sagði hinn
nýja rekstur bjóða uppá meiri sveigj-
anleika en verið hefði. Þannig mætti
búast við að Metró-vélar, sem taka
19 manns, yrðu stundum sendar á
ísafjörð eða Egilsstaði ef fyrirsjáan-
legt væri að Fokker, sem tekur 50
manns, væri óþarflega stór.
Afráðið var að kaupa tvær notað-
ar Metró-vélar fyrir FÍ en þau kaup
eru nú í biðstöðu. Samningar höfðu
ekki verið undirritaðir.
Flak TF-CCP og lík þeirra sem fór-
ust flutt til Reykjavíkur
Hífð þremur dögum
eftir að hún fannst
LIÐI manna frá Landhelgis-
gæslunni, Slökkviliði Reykjavík-
ur og björgunarsveitum tókst
skömmu eftir hádegi í gær að
koma festingum á flak flugvél-
arinnar TF-CCP, sem fórst á
laugardaginn var.
Hífð í einu lagi
Flak vélarinnar fannst á rúm-
lega 30 metra dýpi á mánudags-
kvöld, um tvo kílómetra norður
af álverinu í Straumsvík. Vélar-
innar hafði þá verið leitað síðan
á laugardag.
Hún lá á réttum kili en með
nefið niðri og mikið brotin. Kaf-
að var að vélinni á mánudags-
kvöld og tilraun gerð til að hífa
hana upp, en hún reyndist ár-
angurslaus og einnig tilraunir á
þriðjudag og miðvikudag, aðal-
lega sökum veðurs.
Klukkan 15 í gær hifði varð-
skipið Ægir flakið upp og náðist
það í einu lagi, með lík mann-
anna tveggja, sem fórust, um
borð. Skipið sigldi síðan til
Reylyavíkur og kom með flakið
og líkin til hafnar á fimmta tím-
anum í gær.