Morgunblaðið - 11.04.1997, Blaðsíða 4
4 FÖSTUDAGUR 11. APRÍL 1997
FRETTIR
MORGUNBLAÐIÐ
Rannsóknarnefnd sjóslysa óskar
frekari sjóprófa vegna Dísarfells
Mörgiim
spurningum
talið ósvarað
SAMGÖNGURÁÐUNEYTIÐ hefur
ákveðið að fara fram á framhaldssjó-
próf vegna skips Samskipa, Dísar-
fells, sem fórst í byijun mars. Rann-
sóknarnefnd sjóslysa hefur þegar
ritað Héraðsdómi Reykjavíkur bréf
þar sem óskað er eftir að rannsókn
verði haldið áfram.
Halldór Blöndal samgöngnráð-
herra segir ráðuneytið sammála fé-
laginu um að nauðsynlegt sé að
rannsaka málið betur.
Frekari athugun nauðsynleg
„Rannsóknanefnd sjóslysa hefur
fylgst með málinu og óskar nú frek-
ari upplýsinga. Við teljum frekari
rannsókn nauðsynlega, bæði til að
athuga forsögu málsins, hvert
ástand skipsins hafi verið og hvort
fullnægjandi viðgerð hafi farið fram
á því, auk þess sem við viljum að
reynt verði að skýra tildrög slyssins
betur,“ segir Halldór.
Ragnhildur Hjaltadóttir formaður
Rannsóknamefndar sjóslysa segir
að f erindi nefndarinnar til héraðs-
dóms segi m.a. að mjög mörgum
spurningum sé ósvarað eftir fyrra
sjópróf. Hún leggur þó áherslu á að
_ Fjöl-
skyldan á
batavegi
HJÓN úr Hafnarfirði og sex
ára gamall sonur þeirra sem
slösuðust alvarlega í hörðum
árekstri á Reykjanesbraut 31.
mars síðastliðinn, eru á bata-
vegi samkvæmt upplýsingum
frá Sjúkrahúsi Reykjavíkur.
Ekki þykir lengur ástæða til
að hafa drenginn á gjörgæslu-
deild og hefur hann verið færð-
ur á barnadeild sjúkrahússins,
en foreldrar hans liggja enn á
gjörgæsludeild.
Þau eru þar til eftirlits og
munu gangast undir skurðað-
gerðir vegna áverka sinna á
næstunni. Þau eru ekki úr
hættu, en bjartsýni ríkir um
framhaldið, samkvæmt upplýs-
ingum frá sjúkrahúsinu.
með þessu sé nefndin á engan hátt
að gefa í skyn að eitthvað sé málum
blandið við sjóslysið.
„Starfsmaður nefndarinnar gerði
fyrirvara við lok fyrri sjóprófa, um
að nefndin myndi kannski halda
málinu áfram, og í ákvörðun okkar
felst ósk um að sjóprófum verði
haldið áfram og þeir verði kallaðir
fyrir sem þurfa þykir og þeir yfir-
heyrðir," segir hún.
Ragnhildur kveðst ekki reiðubúin
til að greina frá hvaða spurningar
hafi vaknað, sem ekki hafi fengist
svör við. „Oft eru teknar lögreglu-
skýrslur áður en sjópróf eru haldin,
þannig að rannsóknarnefndin og
aðrir sem mæta í sjópróf geti undir-
búið sig fyrir þau, en í þessu tilviki
voru ekki gerðar skýrslur heldur
farið beint í sjópróf. Þetta er fremur
óvenjulegt, en fyrir vikið eru sjópróf-
in því frumyfirheyrsla og því er eðli-
legt að spyija þurfi aðila málsins
betur,“ segir hún.
Sjaldgæf málsmeðferð
Ragnhildur segir það ekki eins-
dæmi að nefndin óski eftir endurupp-
töku sjóprófs en það sé þó mjög sjald-
gæft. Nefndin fer fram á að sjópróf-
um verði haldið áfram 16. eða 18.
apríl.
„Framhaldið ræðst vitaskuld tals-
vert mikið af þeim upplýsingum sem
koma munu fram, þ.e. hversu mikilla
gagna þarf að afla til viðbótar og
hve miklu er ósvarað, því þetta er
náttúrulega afar stórt mál.“
Samskip hf. sendu í gær frá sér
yfirlýsingu þar sem segir að fyrirtæk-
ið muni eftir sem áður gera það sem
í valdi þess stendur til að verða að
liði við að varpa ljósi á orsakir slyss-
ins. Ekkert hafi komið fram sem
hafi getað varpað ljósi á orsakir
umrædds slyss. „í sjóprófum voru
lögð fram gögn sem staðfesta að
Dísarfell var í góðu ásigkomulagi við
upphaf ferðar sem endaði með slysi,“
segir í yfirlýsingunni. Einnig er sagt
að fullyrðingar sem fram hafi komið
hjá fulltrúum Sjómannafélags
Reykjavíkur og Alþjóða flutninga-
verkamannasambandsins, um að
skipið hafi verið orðið gamalt og úr-
elt, standist ekki.
Samskip segja ennfremur hafa leg-
ið fyrir að sjóprófum væri ekki form-
lega lokið og rannsókn enn í gangi.
DACSKRA
12.04.
Tajknival Skcifunni
kl. 10.30-11.30:
HeimasiÖugerð
upprifjun
Tðiiknlval Hafnarflrði
kl 12.3013 30:
Heimasiðugerð
upprifjun
Binnlg, adains i Hafnnrf.,
kynning n Heíniabdnkn
Spttrisjóda Hnfnnt ijn rda r.
YeriO velkomin!
Halló! Líttu inn á
laugardaginn,
við rifjum upp
heimasíðugerðina
Lj í Tæknival
Skerfunnl 17 Reykjavfkurvegi 64
108 Reykjavik 220 Hafnarf if fti
Sfml 550 4000 Slmi 550 4020
Netfang: Netfang:
mottaka®taeknival.is fjordurtttaeknival.b
Morgunblaðið/Jón Svavarsson
FJÓRTÁN ára skíðamaður var fluttur með þyrlu á slysadeild þar sem áverkar hans eftir óhapp á
skíðasvæðinu í Skálafelli voru taldir alvarlegir.
Tveir slösuðust á skíðum
TVEIR unglingar voru sóttir á
skíðasvæðið í Skálafelli eftir að
hafa meiðst á skíðum í gær, og var
þyrla Landhelgisgæslunnar send
eftir öðrum sökum þess að meiðsl
hans voru talin alvarleg
Lögreglan í Reykjavík var kölluð
til skömmu eftir hádegi í gær upp
á skíðasvæðið þar sem unglingur
hafði dottið á skíðum og fótbrotn-
að, og var hann fluttur með lög-
reglubíl á slysadeild.
Fluttur með þyrlu
Nokkru síðar, eða laust eftir
klukkan 14, var óskað eftir aðstoð
þyrlu vegna annars slyss sem varð
í skíðabrekkunum. Þyrlan fór í loft-
ið skömmu síðar og sótti 14 ára
dreng sem hlotið hafði áverka á
baki og hálsi í skíðabrekkunum.
Sjúkrabifreið var þá á staðnum,
en varasamt þótti að fara landleið-
ina með piltinn. Hann var einnig
fluttur á slysadeild Sjúkrahúss
Reykjavíkur og lenti þyrlan þar um
fimmtán mínútum fyrir klukkan
þijú. Samkvæmt upplýsingum frá
sjúkrahúsinu reyndust meiðsl hans
vera minniháttar.
Réttarhöldum í einu af málum Sophiu Hansen enn frestað
Halim A1 vantaði
lögfræðing
Hassip Kaplan, lögmaður Sophiu Hansen,
er að búa sig undir að fara með forræðis-
mál vegna dætra hennar og Halims Als frá
hæstarétti í Tyrklandi til mannréttindadóm-
stólsins í Strasborg á sunnudag. Elín Pálma-
dóttir er í Istanbúl og fylgist með réttarhöld-
um í málum vegna brota Halims Als, en
einum slíkum var frestað öðru sinni í gær.
EINU af málum Sophiu Hansen
vegna brots Halims Als á umgengn-
isrétti hennar sem kom fyrir dóm
hér í Istanbúl í annað sinn var í
gær frestað til 13. júní nk. Nú af
því að dómurinn vildi fá öll máls-
skjölin úr fyrsta dómnum um for-
ræðið og að beiðni Halims A1 til
að fá tíma til að útvega sér lögfræð-
ing sem hann mætti ekki með. Þetta
er eitt af mörgum brotum sem
kærð hafa verið vegna vikulegra
brota á umgengnisrétti hennar um
helgar.
Það er með ólíkinum hvernig
málið gekk fyrir sig og býsna fróð-
legt að verða vitni að því. Þetta er
í annað skiptið sem þetta brot er
tekið fyrir. í fyrra skiptið mætti
Halim A1 ekki og var málinu frest-
að formlega til 10. apríl kl. 11 f.h.
Úrskurðaði dómarinn að þá yrði
hann sóttur til að koma fyrir sem
var gert.
Þegar blaðamaður mætti kl. 11
í fylgd íslenska konsúlsins hafði
málið verið fært til kl. 10 án þess
að tilkynnt væri um það og lög-
manni Sophiu ekki gert viðvart.
Hún mætti með lögmanni sínum
kl. 10.30 og þá var verið að slíta
réttarhaldinu því hún var ekki
mætt. Halím sem var að fara var
kallaður inn aftur, réttur settur og
málinu frestað sem fyrr sagði. Ha-
lim kvaðst ekki hafa vitað af þessu
réttarhaldi og því ekki haft með sér
lögmann og bað um frest til að
útvega sér iögfræðing. Þó virtist
hann vera sá eini sem vissi af
breyttum fundartíma.
Ekki var um annað að ræða en
ryðja sér aftur braut niður stigana
gegnum þvögu af fólki sem á öllum
hæðum beið eftir einum eða öðrum
réttarhöldum. Í dómshúsinu virðist
vera mikið um að vera.
í gangi eru mörg kærumál frá
Sophiu vegna umgengnisréttar-
brota og fleiri ókærð. Hefur Halim
fengið sektardóm og fangelsisdóm
og ætti hvert dæmt brot að safna
glóðum elds að höfði hans. En hann
sagði við blm. Morgunblaðsins dag-
inn áður að hann væri reiðubúinn
til að fara ! fangelsi en það væri
hægt að áfrýja og fresta og eftir
tvö ár væru dætumar sjálfráða.
Næsta réttarhald í slíku máli er 25.
apríl.
Til mannréttindadómstólsins
Hassip Kaplan, lögmaður Sophiu,
er að búa sig undir að fara með
forræðismálið frá hæstarétti til
mannréttindadómstólsins í Stras-
borg á sunnudag og sýndi blaða-
manni dómskjölin á tyrknesku, en
hann hefur látið þýða þau yfir á
ensku til vonar og vara. Þau Sop-
hia eru líka að safna saman öllum
gögnum. Kaplan er öllum hnútum
kunnugur í Strasborg því hann hef-
ur verið með 302 mannréttinda-
brotamál þar og unnið 21 þeirra
þegar, þó eru tvö óstaðfest.
Mál Sophiu er þó það fyrsta af
þessu tagi gegn tyrknesku réttar-
kerfi og því er áformað að efna til
blaðamannafundar á mánudag í
Strasborg til að vekja athygli á
því. En hann sagði að slík forræðis-
mál væru fyrir dómstólum frá öðr-
um löndum. Væri fylgst með henn-
ar máli af áhuga í Tyrklandi, þar
sem mörg hundruð konur bíða úr-
slita þess til að geta reynt að koma
sínum málum áfram og einnig til
að fá skipaða nefnd fyrir svona
mál til lagabreytinga.
Það sem máli skiptir er að fá því
hraðað því annars gæti það tekið
2-3 ár. En hann sagði þetta svo
alvarlegt mál að hann kvaðst von-
góður um að því verði flýtt og vitn-
aði í grein í lögum dómstólsins þar
sem það á við. Nú væri bara að
drífa það í gang. Aðspurður kvaðst
hann lengi hafa stefnt að þessu.