Morgunblaðið - 04.07.1997, Side 19

MORGUNBLAÐIÐ
FÖSTUDAGUR 4. JÚLÍ 1997 19
Morgunblaðið/Eyjólfur M. Guðmundsson
HLÖÐVER Kristinsson með
hin merku gögn.
Merk gögn
finnast í
Vogum
Vogum - Merk skjöl úr atvinnusögu
Voga hafa fundist við framkvæmdir
í húsnæði sem frystihúsið Vogar hf.
starfaði í um áratuga skeið.
Að sögn Hlöðvers Kristinssonar,
núverandi eiganda húsnæðisins,
fundust skjölin uppi á háalofti en
þau komu í ljós þegar var verið að
vinna að breytingum á húsnæðinu.
Skjölin eru allt frá upphafi reksturs
frystihússins, sem var um langan
tíma stærsti atvinnurekandi í Vogum
með fiskverkun og útgerð. Hann
segir aðeins lítinn hluta skjalanna
hafa verið skoðaðan en komið hafi
í ljós að þarna leynist merkileg gögn.
Hlöðver sagði ástæðu til að varð-
veita skjölin en ekkert safn er í
Vogum svo ekkert er vitað um fram-
vindu málsins.
LANDIÐ
Nýtt stefnumótunarverkefni í undirbúningi
Akranes í upphafi nýrrar aldar
Akranesi - Að undanförnu hefur starfshópur
unnið að stefnumótunarverkefni sem nefnist
„Akranes í upphafi nýrrar aldar“, sem er lið-
ur í því að undirbúa kaupstaðinn vegna þeirr-
ar byltingar sem Hvalfjarðargöngin komi til
með að hafa á samgöngumál bæjarins, sam-
keþpnisstöðu og byggðaþróun.
A vegum starfshópsins hefur starfað stýri-
nefnd sem hefur skoðað sérstaklega stefnu-
mótun í ferðaþjónustu, verslun og afþreyingu
á Akranesi til ársins 2005. Þessi stýrihópur
ásamt ferðamálafræðingunum Bjarnheiði
Hallsdóttur og Sigríði Þrúði Stefánsdóttur
hefur nú skilað áfangaskýrslu, þar sem sett
eru fram markmið og leiðir að þeim. At-
hygli stýrihópsins beinist einkum að jákvæð-
um og neikvæðum áhrifum Hvalfjarðarganga
og gert er ráð fyrir að framkvæmdaáætlun
sem væntanlega verður gerð í framhaldi af
þessari skýrslu muni hafa það að leiðarljósi
að draga úr neikvæðum áhrifum og ýta und-
ir hin jákvæðu.
Hverjir ferðast
með Akraborg?
í skýrslunni kemur m.a. fram að könnun
hafi verið gerð meðal farþega í Akraborg
vegna þessa stefnumótunarverkefnis og hafi
megintilgangur þess verið að kanna í hvaða
erindagjörðum Akurnesingar og aðrir Vest-
lendingar ferðist til Reykjavíkur og í hvaða
erindagjörðum fólk frá öðrum landshlutum
ferðast til Akraness. Niðurstöður þessarar
könnunar eru um margt athyglisverðar. 87%
aðspurðra bjuggu á Akranesi eða á höfuð-
borgarsvæðinu. Langstærstur hluti Akurnes-
inga fer til Reykjavíkur í erindum tengdum
viðskiptum eða vinnu eða 53%. Annað algeng-
asta erindi Akurnesinga til Reykjavíkur er
nám, 11%. Niðurstöður eru svipaðar hvað
snertir farþega frá Reykjavík til Akraness,
sem búsettir eru annars staðar en á Akra-
nesi. Stærstur hluti þeirra ferðast tii Akra-
ness vegna viðskipta eða vinnu eða 42% og
næstflestir eru á leið annað og hafa einung-
is stutta eða enga viðdvöl á Akranesi, 23%.
Afstaða til
Hvalfj ar ðarganga
Almennt er afstaða til Hvalfjarðarganga
jákvæð og stærstur hluti þeirra sem tóku
afstöðu til þess hvaða áhrif göng undir Hval-
fjörð myndu hafa á ferðahegðun þeirra sagði
að ferðahegðun myndi ekki breytast eða
65%, tæplega 31% sagðist hinsvegar koma
til með að ferðast oftar. Einungis 4% þeirra
sem tóku afstöðu má flokka sem neikvæða
gagnvart Hvalfjarðargöngum, enda töldu
þeir að með tilkomu ganganna myndu ferða-
lögum þeirra á þessari leið fækka. Göngin
koma til með að hafa mest áhrif á ferðahegð-
un Akurnesinga, því 40% þeirra segjast munu
ferðast oftar milli Akraness og höfuðborgar-
svæðisins eftir að göngin verða opnuð. Af
þátttakendum búsettum annars staðar en á
Akranesi ætla einungis rösk 20% að ferðast
oftar eftir að göngin verða opnuð, en 73%
álíta að ferðahegðun breytist ekki. Af öllum
þátttakendum þessarar könnunar álitu aðeins
5% að þeir komi til með að ferðast sjaldnar
eftir opnun ganganna.
Akraborg hættir
siglingum
Með tilkomu Hvalfjarðarganga hættir
Akraborg siglingum á milli Akraness og
Reykjavíkur. I skýrslunni kemur fram að 32%
aðspurðra telja Akraborg hafa verið helstu
ímynd Akraneskaupstaðar í hugum þeirra
sem ekki búa þar og þar á eftir koma 27%
sem segja að knattspyrna sé helsta ímyndin.
Gera má ráð fyrir að göngin öðlist einhvern
sess sem ímynd þegar þau verða tekin í notk-
un og verði jafnframt aðdráttarafl. Skýrslu-
höfundar segja það nauðsynlegt að byggja
upp ímynd Akraness og segja að niðurstöður
kannana bendi á jákvæða þætti sem byggja
megi á þ.e. íþróttir, umhverfi og Langasand.
Og auka þurfi hlut sjávarútvegs í ímyndinni.
Samvinna ferðaþjónustu og útgerðar er kjör-
in leið til þess. Það vekur nokkra athygli að
í niðurstöðum könnunarinnar kemur fram
að landsmenn tengja Akranes ekki við sjávar-
útveg. Eins kemur fram að almenningur á
íslandi hefur ekki fastmótaða skoðun á Akra-
nesi sem bæjarfélagi. Þó ekki hafi verið spurt
beint um viðhorf til Akraness sem ferða-
mannastaðar má ætla að Islendingar líti í
raun ekki á Akranes sem ferðamannastað.
Almennir þættir
Til að framtíðarsýn Akraness verði að
veruleika er stefnt að því að Akraneskaup-
staður nái forskoti í samkeppni um fjárfest-
ingu fyrirtækja, vinnuafl og búsetuval lands-
manna. Með tilkomu Hvalfjarðarganga á at-
vinnulíf og mannlíf að eflast. Arsverkum
verði fjölgað um 700 og íbúum fjölgi um 2%
á ári fram til ársins 2005. Stefna á að því
að skapa Akranesi sérstöðu meðal kaupstaða
á íslandi og tengja sérstöðuna beint undir-
stöðuatvinnugreinum í bænum. í skýrslunni
eru einnig nefndar hugmyndir varðandi at-
vinnumál, byggðamál, fegrun kaupstaðarins,
samgöngur, umhverfismál, markaðskynn-
ingu og gæði veittrar þjónustu svo nokkuð
sé nefnt.
I
SUMARTILBOD Á SHELLSTÖÐVUNUM
t Doritos snakk Landman kolagrill
og 0,51 appelsín j QQQ frípunktar
f 1 lOkr.
k Engjaþykkni
Júmbó-samlokur 49kr.
199..

Matvara ■ sérvara
50 fríkortspunktar
tyrirhverjar lOOOkr.
Nizza 3 9kr.
Ferðabók
Gunna og Felix
fyigir með kassa
af Hi-C
mmaamumammmmamaamaa
Shellstöðvarnar