Morgunblaðið - 04.07.1997, Qupperneq 49

MORGUNBLAÐIÐ
FRETTIR
FÖSTUDAGUR 4. JÚLÍ1997 49
í LUNDI í Öxarfirði er starfrækt heilsusetur og sumarhótel.
Lundur í Öxarfirði
Ræktun líkama og sálar
í LUNDI í Öxarfirði er rekið
heilsusetur og sumarhótel þar
sem boðið er upp á lengri eða
skemmri dvöl. Gestum gefst kost-
ur á að fara í jógaleikfimi, hug-
leiðslu, líkamsrækt, svitahof,
gufubað og nudd.
Á staðnum er einnig sundlaug.
I sumar munu gestakennarar
heimsækja Lund með námskeið
af ýmsum toga. Um miðjan júlí
kennir Finnbogi Gunnlaugsson
fólki að bregðast við álagi með
æfingum og hugleiðslu. Á sama
tíma verður Elisabet Valgeirs-
dóttir með blómaskreytingar-
námskeið í Lundi.
Námskeið Valgerðar Bjarna-
dóttur fyrir konur sem vilja vaxa
verður haldið í lok júlí. Á nám-
skeiðinu verður unnið með
drauma og goðsagnir og það not-
að til að spegla innri vöxt.
Á Lundi er lögð áhersla á að
njóta náttúrunnar og meðal fastra
liða eru skipulagðar gönguferðir
og fuglaskoðunarferðir á Mel-
rakkasléttu.
Leikir og
leikföng í
Arbæjar-
safni
ÁRBÆJARSAFN verður opið frá
kl. 10-18 helgina 5.-6. júlí og
verður sunnudagurinn helgaður
börnum, leikjum þeirra og leikföng-
um.
Milli kl. 13 og 14 verður teymt
undir börnum við Árbæinn. Kl. 14
og 15 verður farið í leiki við Klepp.
Þar verða rifjaðir upp gamlir og
góðir barnaleikir eins og að stökkva
yfir sauðalegg, að reisa horgemling
og Völuspá. Kl. 16 verða sýndir
þjóðdansar við Dillonshús. Fjöl-
skylduratleikur verður í boði en þar
þurfa ungir og aldnir að vinna sam-
an við að svara léttum spurningum.
Dregið verður úr réttum lausnum
og fá vinningshafar send verðlaun.
Auk alls þessa eru húsdýrin allt-
af vinsæl hjá yngstu kynslóðinni,
haninn og hænan vappa hér um,
heimalingurinn fær að drekka úr
pela, í girðingu eru þrílemburnar
Sara og Surtla ásamt Arnhöfða.
Kýrin okkar er svo handmjólkuð
kl. 17.
Einnig verður hefðbundin dag-
skrá eins og harmonikkuleikur,
roðskógerð og lummubakstur í
Árbæ, gullsmíði í Suðurgötu 7 og
úrsmiður í Þingholtsstræti 9.
Árbókarferð
Ferðafélag’sins
FERÐAFÉLAG íslands efnir til
ferða á slóðjr nýútkominnar árbók-
ar sinnar „í fjallhögum milli Mýra
og Dala“ nú um helgina.
Brottför er kl. 8 á laugardag og
verður deginum eytt á slóðum sem
Guðrún Ása Grímsdóttir ritaði um
í árbókina eða svæðinu upp af
Mýrum. Sama dag gefst einnig
kostur á dagsferð í Hítardal. A
sunnudaginn verður farið í Dalina
sem Árni Björnsson ritaði um.
Gist verður í svefnpokaplássi í
góðum tveggja manna herbergjum
á Hótel Bifröst.
Skráning í ferðirnar er á skrif-
stofu Ferðafélagsins, Mörkinni 6.
Skógræktar-
ferð Heimdallar
HIN árlega skógræktarferð Heim-
dallar verður farin laugardaginn
5. júlí.
Heimdallur hefur í tugi ára séð
um lund í Heiðmörk og þangað
verður farið. Þar verða gróðursett-
ar sjötiu plöntur sem Fulltrúaráð
Sjálfstæðisfélaganna í Reykjavík
gaf Heimdalli í tilefni 70 ára af-
mælis félagsins í vetur. Heimdallar-
lundurinn er við Heiðarveg, efst
og austast í Heiðmörk og þar munu
menn hittast kl. 14.30.
Að lokinni gróðurvinnunni verð-
ur grillað. Allir Heimdellingar og
annað Sjálfstæðisfólk er hvatt til
að láta sjá sig.
Gönguferðir og
barnastundir á
Þingvöllum
Á ÞINGVÖLLUM bjóða landverðir
upp á gönguferðir og barnastundir
og af nógu verður að taka um helg-
ina.
Á laugardag kl. 13 verður geng-
ið að eyðibýlinu Skógarkoti í Þing-
vallahrauni og fjallað um sögu
lands og lýðs á Þingvöllum. Kl. 15
verður svo litað og leikið með börn-
um í Hvannagjá. Á sunnudag kl.
13 verður gengið um gjár og forn-
ar götur i Hrauntún og hugað að
náttúrufari og sögu. Þá verður á
sunnudag messað í Þingvallakirkju
kl. 14 og að því loknu kl. 15 verð-
ur gengið frá kirkjunni um hinn
forna þingstað undir leiðsögn land-
varðar. Allar nánari upplýsingar
veita landverðir í þjónustumiðstöð
þjóðgarðsins.
Lifandi tónlist
í Búðarkletti
Á VEITINGAHÚSINU Búðar-
kletti, Borgarnesi, verður boðið upp
á lifandi tónlist um helgina.
Á föstudagskvöld leika þau Sig-
rún Eva og Stefán fyrir dansi til
kl. 3 og á laugardagskvöldinu tekur
við dúettinn KOS sem skipaður er
þeim Evu Ásrúnu og Kristjáni.
{tilefni Landsmóts UMFI í Borg-
arnesi býður veitingastaðurinn upp
á sérstakan matseðil frá kl. 12-22
aila daga, segir í fréttatilkynningu.
Fleiri vínbúðir
opnar á laugar-
dögum
FLEIRI verslanir ÁTVR verða opn-
ar á laugardögum í júlí og ágúst
en voru opnar í fyrra.
í október 1995 var reglugerð
dóms- og kirkjumálaráðuneytis um
sölu áfengis breytt. Ákvæði um
lokun vínbúða á laugardögum var
samræmt ákvæðum áfengislaga
sem segja að útsölustaðir ÁTVR
skulu vera lokaðir frá kl. 12 á há-
degi á laugardögum. í kjölfar þess-
ara breytinga voru 2 verslanir
ÁTVR í Reykjavík og vínbúðin á
Akureyri opnar á laugardögum frá
kl. 10-12.
Fyrir nokkrum vikum bættust 2
verslanir, þ.e. í Reykjavík og
Hafnarfirði, í hóp þeirra sem opið
hafa á laugardögum.
Nú hefur verið ákveðið að
mánuðina júlí og ágúst fjölgi þeim
verslunum ÁTVR sem opnar eru á
laugardögum frá kl. 10-12. Þær
eru Vínbúðin, Borgarnesi, Vínbúð-
in, Egilsstöðum, Vínbúðin, ísafirði,
Vínbúðin, Keflavík og Vínbúðin,
Selfossi.
Ennfremur hefur afgreiðslutími
vínbúðarinnar á Húsavík í júlí og
ágúst verið færður fram til kl. 10
en afgreiðsla hófst áður kl. 12.30
mánudaga-fimmtudaga.
Ný tækni til
hjálpar börnum
N ORÐURLANDARÁÐ hyggst
taka í notkun nútíma samskipta-
tækni í pólitískri umræðu. Vinnu-
hópurinn um málefni barna á
grannsvæðunum opnar nú eigin
heimasíðu á netinu. Formaður
vinnuhópsins er sænski þingmaður-
inn Margareta Israelsson.
„Við viljum ná til almennings.
Með notkun internetsins vonumst
við til þess að ná til enn fleiri sem
fást við málefni barna,“ segir Isra-
elsson.
Á nýafstöðnum fundi vinnuhóps-
ins fór fram umræða, þar sem m.a.
tóku þátt umboðsmaður barna á
íslandi, Þórhildur Líndal, og Ágúst
Þór Árnason frá mannréttinda-
skrifstofu íslands. Vefsíðurnar á
heimasíðum Norðurlandaráðs og
Norrænu ráðherranefndarinnar
(www.norden.org.) eiga að vera
vettvangur gagnvirkra umræðna.
Takmarkið er að fræðast um hin
alvarlegu vandamál sem steðja að
börnum í baltnesku löndunum og
norðvestur Rússlandi. Kall á inter-
netinu er liður í markmiði vinnu-
hópsins til þess að komast í sam-
band við aðila sem tengjast málefn-
um bama. Almenningur getur þann-
ig einnig komið skoðunum sínum á
framfæri. Upplýsingar sem þessu
tengjast verða vistaðar og gerðar
aðgengilegar á vefsíðunum. Vinnu-
hópurinn stefnir að því að skila
skýrslu með tillögum um samnorr-
ænar hjálparaðgerðir-og verður hún
kynnt á Norðurlandaráðsþinginu í
Helsinki í nóvember nk.,“ segir í
fréttatilkynningu frá vinnuhópnum.
Gömul hand-
brögð í
Sjóminja-
safninu
FYRRVERANDI sjómenn sýna
ýmis handbrögð við sjómennsku í
Sjóminjasafni Islands, Vesturgötu
8, Hafnarfirði, laugardaginn 5.
júlí kl. 13-17.
Meðal annars verður beitt í bjóð,
trogmyndað ílát sem notað var
undir lóð fyrr á öldinni fyrir daga
lóðabalanna. Gestum gefst kostur
á að æfa handtökin. Þetta er ann-
að sumarið sem boðið er upp á lif-
andi starfsemi í safninu.
í forsal Sjóminjasafnsins stend-
ur nú yfir sýning á 20 olíumálverk-
um eftir Bjarna Jónsson. Um helm-
ingur þeirra er frá þessu og síð-
asta ári og eru öll til sölu.
Það sem af er þessu ári hefur
aðsókn verið góð. Fjöldi safngesta
í júní jókst um 20% miðað við sama
tíma í fyrra.
Nýtt dagblað
á alnetinu
í DAG hefur göngu sína nýtt dag-
blað, Xnet Vefurinn, en það verður
aðeins hægt að lesa á alnetinu.
Þorsteinn Eggertsson er ritstjóri
Xnet Vefsins en það er alnetsfyrir-
tækið Xnet sem annast útgáfuna
á slóðinni www.xnet.is.
„Ekki er ætlunin að fara í frétta-
slag við aðra fjölmiðla landsins en
reynt verður að nýta kosti alnets-
ins til hins ýtrasta. Fjölmarga
efnisflokka verður að finna á síðum
blaðsins sem enn hvílir leynd yfir,“
segir í frétt frá Xneti.
Xnet hóf starfsemi fyrir mánuði
og rekur m.a. alnetskaffihús og
tölvuskóla í Nóatúni 17.
Sumarlest Esso
á Húsavík og
Akureyri
SUMARLEST Esso verður á Húsa-
vík föstudaginn 4. júlí kl. 16-18
og á Akureyri laugardaginn 5. júlí
kl. 14-16. Á Akureyri hefst rat-
leikur kl. 13.30 og er gasgrill í
verðlaun.
Eins og undanfarin ár verður
heilmargt um að vera þar sem
Sumarlestin kemur við hvetju
sinni. Grillveisla verður í boði Af-
urðarsölunnar í Borgarnesi, ís frá
Emmessís, sælgæti frá Mónu og
gos og snakk frá Ölgerðinni. Loftk-
astali og fleiri leiktæki verða fyrir
yngri kynslóðina, vöruuppboð og
aðrar óvæntar uppákomur.
Þá verða aðalvinningar í stimpil-
leik Vegabréfs Esso og Ferðamála-
ráðs íslands til sýnis, VW Polo frá
Heklu og Easy-Camp Petit tjald-
vagn frá EVRÓ, en Vegabréfið er
hægt að fá á bensínstöðvum Esso
um allt land og á upplýsingamið-
stöðvum ferðamála.
Pödduveiðar
í Alviðru
í FRAMHALDI af Veiðidegi fjöl-
skyldunnar, Sólstöðugöngu og
Jónsmessuhátíð býður Umhverfis-
fræðslusetrið Alviðra upp á
fræðsludagskrá nk. sunnudag kl.
14-18.
Fjallað verður um pöddur í ís-
lenskri náttúru á láði og legi og
farið í gönguferð um nágrenni
Alviðru þar sem gestum verður
boðið upp á pödduveiðar. Farið
verður með fengiun heim í Alviðru
og pöddurnar greindar og flokkað-
ar. Að lokum verður boðið upp á
pastarétt.
Þátttaka er öllum heimil og
gestum að kostnaðarlausu.
Messa og ljós-
myndasýning
í Viðey
Á HELGARDAGSKRÁNNI í Við-
ey eru nú gönguferð, staðarskoð-
un, messa og ljósmyndasýning.
Auk þess eru hestaleigan og veit-
ingahúsið með sína starfsemi.
Gönguferðin er á laugardags-
morgun. Þá er farið úr Sundahöfn
kl. 10. Gengið verður af Viðeyjar-
hlaði, framhjá Klausturhól, um
Eiðið og yfir á Vesturey. Þar eru
„súlurnar hans Serra“, hið þekkta
umhverfislistaverk, sem verður
skoðað og útskýrt.
Þarna eru einnig steinar með
merkilegum áletrunum, ból lunda-
veiðimanna, rústir gamalla sauða-
húsa og auk þess margt að skoða
í nágrenni eyjarinnar. Ferðin tekur
rúma tvo tíma. Kostnaður er eng-
inn annar en feijutollurinn sem er
400 kr. fyrir fullorðna og 200 kr.
fyrirbörn. Kl. 14.15 á laugardegin-
um er svo staðarskoðun heima við.
Hún tekur um klukkutíma. Þá
skoða menn kirkjuna, Stofuna,
fornleifagröftinn og annað í næsta
nágrenni húsanna.
Á sunnudag kl. 14 messar sr.
Jakob Ág. Hjálmarsson í Viðeyjar-
kirkju. Eftir messu verður aftur
staðarskoðun. Sérstök ferð verður
með kirkjugesti kl. 13.30.
Ljósmyndasýning í Viðeyjar-
skóla er opin kl. 13.15-17.10. Þar
getur að líta góða heildarmynd af
lífinu í þorpinu sem var á Sund-
bakka í Viðey á árunum 1907-
1943. Hestaleigan er einnig opin
frá kl. 13 og veitingahúsið í Viðeyj-
arstofu kl. 14. Bátsferðir eru á
klst. fresti frá kl. 13.
Landbúnaðar-
sýning hefst á
Hvanneyri í dag
HALDIN verður landbúnaðarsýn-
ing á Hvanneyri í Andakílshreppi,
Borgarfirði, dagana 4.-6. júlí.
Sýningin er haldin í tengslum við
Landsmót UMFÍ sem stendur í
Borgarnesi dagana 3.-6. júlí.
Nokkrar keppnisgreinar lands-
mótsins fara fram á Hvanneyri.
Þessar greinar eni dráttavélaakst-
ur, að leggja á borð, jurtagreining,
brids og hluti keppninnar í knatt-
- spyrnu.
Um 40 aðilar kynna starfsemi
sína á sýningunni. Innflytjendur
og framleiðendur véla og tækja
fyrir landbúnaðinn sýna á útisvæði
við Bútæknideild Rala, stofnanir
landbúnaðarins kynna sína starf-
semi í „Gamla skóla“, fyrirtæki
t.d. matvælafyrirtæki kynna starf-
semi sína og framleiðslu í barna-
skólanum (Andakílsskóla), í Rann-
sóknarhúsi kynnir Bændaskólinn á
Hvanneyri rannsóknir sínar og
Landgræðsla ríkisins kynnir starf-
semi sína og Rannsóknastofnun
landbúnaðarins kynnir starfsemi
sína í húsi Bútæknideildar Rala.
Keppni í starfsíþróttum hefst í
dag kl. 13.30 á Hvanneyri. Land-
búnaðarsýningin verður opnuð kl.
14. Á laugardag verður svæðið
opnað kl. 11 og kl. 12 á sunnu-
dag. Aðgangur er ókeypis.
LEIÐRÉTT
Bragi var höfundur
NAFN Braga Ásgeirssonar féll nið-
ur við grein hans í blaðinu í gær,
Myndlist og miðaldabækur. Beðizt
er velvirðingar á því.
Nöfn féllu niður
I FRÉTT í gær um íslenzkar bók-
menntir á bókastefnunni í Gauta-
borg í haust féllu niður nöfn þeirra
Guðbergs Bergssonar og Ingibjarg-
ar Haraldsdóttur. Beðizt er afsök-
unar á þeim mistökum.