Morgunblaðið - 21.10.1997, Qupperneq 10

10 ÞRIÐJUDAGUR 21. OKTÓBER 1997
MORGUNBLAÐIÐ
FRÉTTIR
Umræður um frumvarp jafnaðarmanna um uppboð
á veiðiheimildum úr norsk-íslenska síldarstofninum
Morgunblaðið/Þorkell
ÞINGMENNIRNIR Einar Oddur Kristjánsson og ísólfur Gylfi Pálmason fylgjast með umræðum.
Stjórnarliðar ekki
fylgjandi frumvarpinu
TIL snarprar umræðu kom á Al-
þingi í gær eftir að Sighvatur Björg-
vinsson, þingflokki jafnaðarmanna,
hafði mælt fyrir frumvarpi til laga
um breytingu á lögum um fiskveiðar
utan lögsögu íslands. Sighvatur
sagðist m.a. í framsögu sinni eiga
von á því að frumvarpið yrði sam-
þykkt þar sem sú skoðun hefði kom-
ið fram hjá þingmönnum og ráðherr-
um stjómariiðsins eins og til dæmis
Einari Oddi Kristjánssyni, þing-
manni Sjálfstæðisflokks, Þorsteini
Pálssyni sjávarútvegsráðherra og
Halldóri Ásgrímssyni utanríkisráð-
herra á undanfömum dögum að til
greina kæmi að skoða þá aðferð að
bjóða út veiðiheimildir úr norsk-
íslenska síidarstofninum. Einar Odd-
ur og Þorsteinn vísuðu þessu hins
vegar á bug og höfnuðu hugmynd-
um framvarpsins.
Megintilgangur framvarpsins sem
lagt var fram í gær er, að sögn Sig-
hvats, að leggja til að sú stefna
verði mótuð varðandi veiðar úr
norsk-íslenska síldarstofninum að
ákveðið verði í lögum, að í stað veiða
með ókeypis aðgangi tiltekinna
veiðiskipa og með úthlutun ókeypis
aflakvóta í framtíðinni, verði veiði-
heimildimar seldar á fijálsum mark-
aði til útgerðarfélags skipa sem síld-
veiðar geti stundað.
Þá er í frumvarpinu gert ráð fyr-
ir því að allar tekjur sem ríkið kynni
að hafa af útboðinu renni til að
greiða kostnað í þágu sjávarútvegs-
ins sjálfs og sjómanna þ.e. til haf-
og fiskirannsókna og slysavama sjó-
manna, þar á meðal til rannsókna
sjóslysa.
Þorsteinn Pálsson sjávarútvegs-
ráðherra tók það fram að hann hefði
talið það koma til álita að bjóða
varanlega veiðiheimild út á á upp-
SNYRTISTOFAN
GUERLAIN
REYKjAVÍK
._!■ .
1 ■ 'u |: ri :■ 'É:| IjíÍíj öl ':!■•; ■ j- SMM
ALÞINGI
boði. Sú leið hefði komið til greina
við undirbúning núgildandi laga um
fískveiðar utan lögsögu íslands en
sátt hefði ekki náðst um hana. „En
sú hugmynd er reyndar alls óskyld
þeirri sem háttvirtur flutningsmaður
var að gera hér grein fyrir og mæla
fyrir um. Þar er verið að gera ráð
fyrir árlegri skattlagningu með ár-
legu útboði veiðiheimildanna sem er
allt annar hlutur og ég hélt að hátt-
virtum þingmanni væri það vel
ljóst,“ sagði hann.
Samkomulag við LÍÚ
Þorsteinn taldi m.a. að framvarp
jafnaðarmanna væri ekki i samræmi
við samkeppnisstöðu íslenska sjávar-
útvegsins, en með framvarpinu væri
verið að leggja á hann nýja skatta
þegar hann stæði í harðri sam-
keppni á erlendum vettvangi við
fyrirtæki sem njóti mikilla ríkis-
styrkja. Þorsteinn gerði ennfremur
að umtalsefni niðurstöðu Rögnvalds
Hannessonar prófessors um að veiði-
leyfagjald myndi að stóram hluta
koma niður á launum sjómanna og
spurði Þorsteinn hvort þetta væra
skilaboð jafnaðarmanna til sjó-
manna á meðan kjarasamningar
væra lausir.
Svanfríður Jónasdóttir, þingflokki
jafnaðarmanna, sagði að þegar nú-
GRAM Á GjAFVERÐI
KÆLISKÁPUR
GERÐ KF-265
H: 146,5 cm.
B: 55,0 cm.
D: 60,1 cm.
Kælir: 197 I.
Frystir: 55 I.
TILBOÐ
Aðeins kr.
54.990,- stgr.
BjÓÐUM 20 GERÐIR GRAM KÆLISKÁPA
/panix
HÁTÚNI6A REYKJAVÍK SÍMI552 4420
gildandi löggjöf um úthafsveiðar
hefðu verið undirbúin hefði í fyrstu
verið inni ákvæði þess efnis að heim-
ilt væri að bjóða upp veiðiheimildir.
Síðan hefði ákvæðið horfið úr text-
anum og sagði Svanfríður að það
hefði verið gert að höfðu samkomu-
lagi fulltrúa stjórnarflokkanna við
framkvæmdastjóra LÍÚ. Hún spurði
í framhaldi af þessu hvort búið væri
að gera frekara samkomulag um
þetta mál við LÍÚ. Þorsteinn Pálsson
hafnaði þessu og sagði svo ekki vera.
Steingrímur J. Sigfússon, formað-
ur sjávarútvegsnefndar, sagðist ekki
vera stuðningsmaður framvarpsins
í óbreyttu formi og taldi að með því
væri mörgum spumingum ósvarað.
Sagði hann m.a. að menn þyrftu að
átta sig á því hvort hér væri ætlun-
in að leggja til varanlega aðferð eða
aðferð sem eingöngu ætti að gilda
meðan veiðireynsla væri að myndast
yfir eitthvert tiltekið tímabil.
Ekki ævarandi Iagasetning
Steingrímur sagðist ennfremur
telja að sú aðferð að bjóða veiðiheim-
ildamar árlega skapaði óvissu um
það hveijir myndu fá veiðiheimild-
imar hveiju sinni og dragi þar með
úr möguleikum manna til að skipu-
leggja sig og sinn rekstur þannig
að þeir geti hámarkað verðmætin.
Sighvatur tók aftur til máls og
sagðist ekki vera að leggja til „ævar-
andi lagasetningu", heldur lagasetn-
ingu sem yrði í gildi þar til henni
yrði breytt.
Einar Oddur Kristjánsson, þing-
maður sjálfstæðisflokks, tók fram
að hann styddi ekki frumvarpið og
sagði að það hefði ekkert í för með
sér nema kostnað og væri íþyngj-
andi fyrir greinina.
Hann sagðist ennfremur, af gefnu
tilefni, vera þeirrar skoðunar að það
ætti að skoða uppboð á veiðileyfum
á norsk-íslensku síldinni mjög gaum-
gæfilega. En hins vegar sagðist
hann ekki hafa í hyggju að leggja
fram neinar tillögur um það. „Eg
vil að sjálfsögðu ekki leggja til tillög-
ur um veiðileyfí hér og nú vegna
þess að það er eðlilegt að ég sem
stjómarþingmaður hafi samráð við
sjávarútvegsráðherra og þá ríkis-
stjóm sem ég styð,“ sagði hann.
Guðný Guðbjömsdóttir, þingmað-
ur Kvennalista, fagnaði frumvarpinu
en sagði það vonbrigði að hugsan-
legum arði yrði eingöngu varið til
sjávarútvegsins. Hún vildi að þar
yrði gengið lengra og að arðurinn
rynni til þjóðarinnar til dæmis sem
framlag til mennta- eða heilbrigðis-
mála.
Alþingi
Breyting á lögum um stjórn
fiskveiða
GUÐMUNDUR Hallvarðsson, þingmaður Sjálfstæðisflokks,
mælti fyrir frumvarpi til laga um breytingu á lögum um stjórn
fiskveiða á Alþingi í gær.
Frumvarpið hefur þann tilgang að afnema að mestu leyti
heimildir til framsals veiðiheimilda samkvæmt
núgildandi lög>im um stjórn fiskveiða. Gert er
ráð fyrir að þeim veiðiheimildum sem ekki
nást á fiskveiðiárinu verði skilað til Fiskistofu
og þeim síðan úthlutað til annarra skipa gegn
umsýslugjaldi. „Markmið frumvarpsins er að
einfalda og auka skilvirkni gildandi kerfis um
sljórn fiskveiða og renna þannig stoðum undir
almennari þjóðarsátt þar um,“ segir í greinar-
gerð frumvarpsins.
Þar segir ennfremur að erfitt sé að mæla
hreinan ávinning í sjávarútvegi af framsali
veiðiheimilda. Hins vegar bendi ýmislegt til
að framsalið leiði til aukins kostnaðar fyrir greinina og þjóðar-
búið í heild. „Ef heldur áfram sem horfir með óbreytt kerfi um
stjórn fiskveiða má búast við vaxandi ósætti meðal þjóðarinnar
í afstöðu hennar til kvótakerfisins. Við slíkar aðstæður verður
ekki unað til langframa og er þvi nauðsynlegt að lögum um
stjórn fiskveiða verði breytt þannig að sem flestir geti sætt sig
við þau.“
Lífsiðfræðiráð verði stofnað
LÖGÐ hefur verið fram á Alþingi tillaga til þingsályktunar um
að stofnað verði lífsiðfræðiráð til að fjalla um siðfræðileg álita-
efni sem tengjast erfðabreytingum á lífverum og einræktun.
Flutningsmaðurinn, Hjörleifur Guttormsson, leggur til að líf-
siðfræðiráðið fylgist með þróun í líftækni innan lands og erlend-
is, veiti stjórnvöldum ráðgjöf og miðli fræðslu til almennings.
Jafnframt leggur hann til að endurskoðað verði núverandi kerfi
ráðgefandi nefnda hjá hinu opinbera á þessu sviði og stefnt að
einföldun þess og samræmingu.
„Hörð viðbrögð víða um lönd við fregninni um einræktuðu
sauðkindina Dollý er skýr vísbending um að margir telji að vís-
indamenn séu nú komnir lengra en góðu hófi gegnir með inngrip
í náttúruleg lífsferli," segir í greinargerð með tiliögunni. „Mikils-
vert er því að samstaða takist sem víðast um skipuleg viðbrögð,
bæði innan þjóðríkja og á alþjóðavettvangi, með það að mark-
miði að móta sameiginlegar reglur og viðmiðanir. Afar brýnt
er að litið sé heildstætt á þetta stóra viðfangsefni og siðfræðileg
gildi fái aukinn sess við mat á því hvert skuli stefna. Þeirri til-
lögu, sem hér er flutt um stofnun lífsiðfræðiráðs, er ætlað að
vera lóð á þá vogarskál," segir ennfremur í greinargerðinni.
Aðgerðir til að mæta mismunandi
þörfum drengja og stúlkna
LÖGÐ hefur verið fram á Alþingi tillaga til þingsályktunar um
aðgerðir til að mæta mismunandi þörfum drengja og stúlkna í
grunnskólum. Fyrsti flutningsmaður tillögunnar er Svanfríður
Jónasdóttir, þingflokki jafnaðarmanna.
í greinargerð með tillögunni segir að ólík staða drengja og
stúlkna í skólakerfinu hafi lengi verið til umræðu meðal skóla-
manna. Hafa menn einkum haft áhyggjur af því að erfiðleikar
og fyrirferð margra drengja bentu til þess að skólinn kæmi
ekki nægjanlega til móts við þarfir þeirra og hefðu jafnframt
neikvæð áhrif á félagslega stöðu og sjálfsvirðingu stúlkna.
Þá er þess m.a. getið i greinargerðinni að drengir taka mun
meira af tima kennarans en stúlkur og að menn hafi af því
áhyggjur. Samkvæmt tölfræðilegum upplýsingum eru drengir
yfir 70% þeirra nemenda sem taldir eru þurfa sérkennslu í
grunnskólunum og er hlutfall kynjanna svipað þegar litið er til
þeirra sem nota ráðgjafar- og sálfræðiþjónustu grunnskólanna.
Því er mælst til þess að Alþingi álykti að fela menntamálaráð-
herra að skipa nefnd fagfólks í uppeldis- og kennslumálum sem
geri tillögur um hvaða uppeldis- og kennsluaðferðum skuli beitt
í grunnskólum til að mæta betur mismunandi þörfum drengja
og stúlkna.
Atvinnusjóður kvenna endurskoðaður
DRÍFA Hjartardóttir og Arnbjörg Sveinsdóttir, þingmenn Sjálf-
stæðisflokks, hafa lagt fram á Alþingi tillögu til þingsályktunar
um að félagsmálaráðherra skipi nefnd sem endurskoði og geri
tillögur um framhald á starfi atvinnusjóðs kvenna.
Frá árinu 1991 hefur félagsmálaráðherra veitt 20 milljónum
króna á ári til styrktar atvinnumálum kvenna og segja flutnings-
menn tillögunnar að styrkur úr sjóðnum hafi vafalaust komið
mörgum konum vel. Síðan sjóðurinn hóf störf hafa ýmsar að-
stæður hins vegar breyst bæði hvað varðar atvinnu- og byggða-
þróun og því „er rétt að endurmeta úthlutunarreglur sjóðsins
með tilliti til þess,“ segja flutningsmenn.
Alþingi
Dagskrá
ÞINGFUNDUR Alþingis hefst
kl. 13.30 í dag. Eftirfarandi
mál eru á dagskrá:
1. Lögmenn. Framhald 1. um-
ræðu. (Atkvæðagr.)
2. Skaðabótalög. Framhald 1.
umræðu. (Atkvæðagr.)
3. Meðferð og eftirlit sjávaraf-
urða. Framhald 1. umr.
(Atkvgr.)
4. Fiskveiðar utan lögsögu ís-
lands. Frh. 1. umr. (Atkvgr.)
5. Umgengni um nytjastofna
sjávar. Frh. fyrri umr.
(Atkvgr.)
6. Stjórn fiskveiða. Frh. 1. umr.
(Atkvgr.)
7. Háskólar. 1. umr.
8. Kennara- og uppeldisháskóli
Islands. 1. umr.
9. Örnefnastofnun íslands. 1.
umr.
10. Bæjanöfn. 1. umr.
11. Aðgerðir til að draga úr
ofbeldisdýrkun. Fyrri umr.
12. Framhaldsskólar. 1. umr.
13. Aðgangur nemenda að tölv-
um og tölvutæku námsefni.
Fyrri umr.