Morgunblaðið - 16.12.1997, Blaðsíða 31

MORGUNBLAÐIÐ
ERLENT
ÞRIÐJUDAGUR16. DESEMBER 1997 31
Loftsteiim
féll til
jarðar
STÓR loftsteinn féll til jarðar á
Grænlandi í síðustu viku. Þónokkur
vitni urðu að því er steinninn
steyptist til jarðar með miklum
ljósagangi en í upphafi var talið
að hann hefði lent í sjónum. Þetta
kom fram í frétt Jyllands Posten.
Síðar hefur komið í ljós að
steinninn er á Suðaustur-Græn-
landi og grúfir átta kílómetra hátt
ský yfir honum.
Verður hlutaður sundur
Lars Lindberg, vísindamaður við
Tycho Brahe stjörnuathugunar-
stöðina, segir að þótt stórir loft-
steinar hafi fundist á Grænlandi
sé þetta að öllum líkindum stærsti
steinn sem menn hafi séð falla þar
til jarðar. Tvær flugvélar voru
sendar á staðinn til að athuga að-
stæður í gær. Steinninn, sem er
talinn vega um 60 tonn, verður
hlutaður sundur og fluttur til
byggða, þegar veður leyfir, þar
sem hann verður rannsakaður.
Reuters
Vetur í Mexíkó
BÖRN í borginni Chihuahua í norðurhluta Mex-
íkó leika sér í snjó og 15 stiga frosti. A.m.k. 12
manns hafa látist í kuldum sem gengið hafa yfir
norðurhluta landsins að undanförnu og búist er
við að skólar verði lokaðir fram í miðja viku
vegna lélegrar húshitunar.
Vanná
vitlaust
númer
Helsingfors. Reuters.
ÞRÍTUGUR Finni vann 1,4
milljónir fínnskra marka, hátt
í 19 milljónir króna, í lotteríi -
á rangt númer.
Sjónvarpskynnir, sem las
upp tölur kvöldsins í beinni
útsendingu í síðustu viku, las
eina af tíu vinningstölunum
rangt. Dagblaðið Ilta-Sanomat
sagði frá þessu fyrir helgi.
Svo vildi til að talnarunan,
sem þannig var lesin rangt
upp, var á lottómiða Janne
Moksunen. Stjórnendur hins
ríkisrekna lotterís uppgötvuðu
ekki mistökin fyrr en daginn
eftir og ákváðu að Moksunen
fengi að halda vinningnum.
Aðspurður hvort hann hygð-
ist launa sjónvarpskynninum
greiðann sagði hinn kampakáti
Moksunen: „Ef hún skyldi reka
inn nefið einhvern tímann
myndi ég splæsa á hana bjór.“
Reuters
BORÍS Jeltsín, forseti Rússlands, og kona hans, Naína, mæta á
kjörstað til að taka þátt í kosningum til þings Moskvuborgar á
sunnudag. 35 menn eiga sæti á þinginu og stuðningsmenn borg-
arstjórans, Júrís Lúzhkovs, gamals bandamanns Jeltsíns, fóru
með sigur af hólmi í kosningunum.
Jeltsín á
Moskvu. Reuters.
BORÍS Jeltsín, forseti Rússlands,
starfaði í gær á heilsuhæli skammt
frá Moskvu og var á batavegi eftir
að hafa orðið fyrir veirusýkingu í
öndunarfærum, að sögn talsmanns
hans.
„Helsta markmið forseta Rúss-
lands núna er að ná sér,“ sagði
talsmaður forsetans, Sergej Yastrz-
hembskí. Hann bætti við að Jeltsín
væri með eðlilegan hita og héldi
áfram að starfa.
Forsetinn talaði í sjónvarpi á
sunnudag í fyrsta sinn frá því hann
var lagður inn á heilsuhælið á mið-
vikudag í vikunni sem leið. Hann
kvaðst starfa í fjórar klukkustundir
á dag og fylgjast grannt með þróun
mála í Rússlandi. Forsetinn var
rámur en sagði að veirusýkingin
væri ekki alvarleg og hann myndi
ná sér á tíu dögum.
Veikindi Jeltsíns komu ekki í veg
fýrir að Viktor Tsjemomyrdín for-
batavegi
sætisráðherra héldi til Tyrklands í
opinbera heimsókn í gær. Hann er
hæst setti embættismaður Rúss-
lands sem heimsækir Tyrki frá hruni
kommúnismans fyrir sex árum.
Verulegum hagvexti spáð
Anatolí Tsjúbajs, fyrsti aðstoðar-
forsætisráðherra, sagði í gær að
umrótið á fjármálamörkuðum heims
síðustu vikur hefði haft lítil áhrif á
efnahag Rússlands og að flest benti
til þess að spá stjórnarinnar um 2%
hagvöxt á næsta ári myndi rætast.
Þetta yrði í fýrsta sinn sem veruleg-
ur efnahagsbati yrði í Rússlandi í
tæpan áratug, en talið er að hag-
vöxturinn í ár verði 0,2%.
Bjartsýnin á efnahagshorfurnar
í Rússlandi einskorðaðist ekki við
stjórnina í Moskvu því Efnahags-
og framfarastofnunin (OECD) spáði
því að hagvöxturinn yrði 3% á
næsta ári og 5% árið 1999.
Fiskur fastur
í nefi veiðimanns
Moskvu. Reuters.
FLYTJA þurfti óheppinn veiði-
mann á sjúkrahús í Rússlandi til
að spenna upp kjaftinn á grimm-
úðugri geddu sem hafði bitið sig
fasta í nef mannsins.
Hann var að vonum stoltur
þegar hann sýndi félögum sínum
fenginn en stoltið breyttist fljótt
í skelfingu þegar geddan beit
manninn af alefli í nefið.
Félagarnir reyndu að koma
manninum til aðstoðar og hjuggu
búkinn af haus geddunnar en það
dugði ekki til, því hún hafði bitið
sig svo fasta að flytja varð mann-
inn á sjúkrahús þar sem voru
nógu öflug tæki til að losa fisk-
inn.