Morgunblaðið - 07.03.1998, Blaðsíða 1
96 SIÐUR B/C
STOFNAÐ 1913
55. TBL. 86. ÁRG.
LAUGARDAGUR 7. MARZ 1998 PRENTSMIÐJA MORGUNBLAÐSINS
Rússar taka harða
afstöðu með Serbum
sjálfsforræði, eins og það hafði til
1989, hafa engan árangur borið.
Jevgení Prímakov, utanríkisráð-
herra Rússa, sem eru bandamenn
Serba frá fornu fari, ætlar raunar
ekki að mæta sjálfur á fundinn í
London, heldur senda Níkolaj
Afanasjenko, einn aðstoðarutanrík-
isráðherranna.
Ekki er sennilegt, að refsiaðgerð-
ir gegn Serbíu verði ræddar á fund-
inum á mánudag, a.m.k. ekki að
sinni, en sérfræðingar segja, að
endurnýjaðar refsiaðgerðir myndu
gera út af við það, sem eftir er af
júgóslavnesku efnahagslífi, á einum
mánuði.
Hvatt til fundar
í öryggisráðinu
Albanska stjómin sagði í gær, að
herinn hefði verið settur í við-
bragðsstöðu vegna ástandsins í
Kosovo en ekki er talið líklegt, að
honum verði beitt þar. Hefur hann
ekki til þess neina getu og stjórnin
gerir ekki meira en að ráða yfir sínu
eigin landi.
Jacques Chirac, forseti Frakk-
lands, sagði i gær, að bregðast yrði
við af hörku og ákveðni í Kosovo-
málinu og Klaus Kinkel, utanríkis-
ráðherra Þýskalands, hvatti til
skyndifundar í öryggisráði Samein-
uðu þjóðanna. ínterfax-fréttastofan
rússneska hafði það hins vegar eftir
heimildum í rússneska utanríkis-
ráðuneytinu, að Rússlandsstjórn
myndi ekki fallast á slíkan fund.
Haft var í gær eftir Javier Solana,
framkvæmdastjóra Atlantshafs-
bandalagsins, NATO, að hugsan-
lega yrði Felipe Gonzalez, fyrrver-
andi forsætisráðherra Spánar, feng-
inn til að hafa milligöngu í Kosovo-
deilunni.
Vara vestræn ríki við íhlutun
vegna ástandsins í Kosovo
Moskvu, London, Tirana. Reuters.
RUSSNESKA stjórnin sagði í gær, að hún ætlaði sér ekki að
þola það, sem hún kallaði „hótanir vestrænna ríkja um beina
íhlutun í júgóslavnesk innanríkismál vegna ástandsins í
Kosovo“. Albaníustjórn sagði í gær, að vegna spennunnar í
Kosovo hefði stjórnarhernum verið skipað í viðbragðsstöðu og
mikið hefur verið um mótmælafundi þar og meðal fólks af al-
bönskum ættum í Makedóníu og sums staðar í Vestur-Evrópu.
í tilkynningu frá rússneska utan-
ríkisráðuneytinu sagði, að Rússar
gætu alls ekki sætt sig við yfirlýs-
ingar sumra vestrænna fulltrúa um
hugsanlega, beina íhlutun í Kosovo
eða nýjar refsiaðgerðir gegn Júg-
óslavíu. I tilkynningunni vom
einnig fordæmd „hryðjuverk svo-
kallaðs Frelsishers Kosovos" en
stjóm Slobodan Milosevics, forseti
Júgóslavíu, kennir honum um
ástandið í Kososvo.
Talið er, að 50 manns að minnsta
kosti hafi fallið í aðgerðum
júgóslavneska eða serbneska hers-
ins síðustu vikuna og hugsanlega
eru þeir miklu fleiri. Haft er eftir
óstaðfestum heimildum, að fjöldi
manna hafi týnt lífi í árás hersins á
þorp í Kosovo í fyrradag.
Prímakov mætir ekki
Reuters
UM 20.000 manns, fólk af albönskum ættum, komu saman í gær í Skopje, höfuðborg Makedóníu, til að mót-
mæla aðförum serbneska hersins gegn albanska þjóðarbrotinu í Kosovo.
Utanríkisráðherrar Fimm-ríkja-
hópsins svokallaða, Bandaríkjanna,
Bretlands, Frakklands, Rússlands
og Þýskalands, ætla að koma saman
til fundar um ástandið í Kosovo í
London á mánudag. Er búist við, að
þar verði rætt um leiðir til að koma
á viðræðum milli Serba og albanska
þjóðarbrotsins í Kosovo en tilraunir
til að fá Milosevic til að veita því
Blair ekki á leið
úr kirkjunni
London. The Daily Telegraph.
NYLEGA sást til Tonys Blairs,
forsætisráðherra Bretlands,
þar sem hann var að biðjast
fyrir í kaþólskri kirkju og hef-
ur það vakið vangaveltur um,
að hann hyggist snúast til kaþ-
ólskrar trúar. Talsmaður Blairs
neitar því og segir, að hann
muni aldrei yfirgefa ensku
biskupakirkjuna.
Tony Blair er trúaður maður
og sækir kirkjuna si'na vel, ým-
ist með fjölskyldunni eða einn.
Hefur hann oft komið sam-
starfsmönnum sínum á óvart
með því að byrja daginn á því
að fara til messu.
Ahugi Blairs á kristinni trú
jókst mjög á námsárum hans í
Oxford fyrir 25 árum en þar
kynntist hann Peter Thomson,
áströlskum guðfræðistúdent.
Kom Thomson honum í kynni
við skrif skoska heimspekings-
ins Johns Macmurrays um
„kristilega jafnaðarstefnu“ en
áhersla hans á samfélagið hafði
mikil áhrif á Blair.
Varfærnislegt íj árlagafrumvarp í Kína
Efast um að
fjárlögin örvi
hagvöxtinn
Peking. Reuters.
Reuters
FRÁ fundi kínverska þingsins í gær þegar umræða hófst um þau
áform sijórnarinnar að fækka ráðuneytum og starfsmönnum þeirra til
að draga úr skriffinnsku og afskiptum ríkisins af atvinnulífinu.
KINVERSKA þingið hóf í gær um-
ræður um þau áform stjórnarinnar
að fækka ráðuneytum og æðstu ráð-
um ríkisins um fjórðung og starfs-
mönnum þeirra um helming til að
draga úr skriffinnsku og afskiptum
ríkisins af atvinnulífinu. Stjórnin
kynnti ennfremur nýtt fjárlaga-
frumvarp en þar er ekki gert ráð
fyrir eins miklum opinberum fram-
kvæmdum og búist var við.
Dregið hefur úr útflutningi Kín-
verja vegna fjármálakreppunnar og
útflutningsvörur samkeppnisland-
anna eru orðnar ódýrari. Kínverskir
hagfræðingar hafa hvatt til þess að
vandamálið verði leyst með miklum
fjárfestingum í stíflum, vegum,
brúm og öðrum mannvirkjum eins
og gert var í Bandaríkjunum til að
binda enda á kreppuna miklu á
fjórða áratugnum.
Samkvæmt frumvarpinu verður
ekki ráðist í eins miklar fram-
kvæmdir og þeir vildu en Liu
Zhongli fjármálaráðherra sagði að
heildarútgjöld ríkisins myndu
aukast um 10,3% og fjárlagahallinn
minnka um 17% miðað við síðasta
ár.
Búist við andstöðu skriffinna
Stjórnin lagði í gær fram skýrslu
um áform hennar um að leggja nið-
ur fimmtán af 40 ráðuneytum og
æðstu ráðum landsins og stofna
fjögur ný „stórráðuneyti" sem eiga
að taka við hlutverki nokkurra
þeirra. í skýrslunni kemur fram að
stefnt er að því að starfsmönnum
ráðuneytanna fækki um helming á
árinu. Vestrænn stjórnarerindreki
spáði því að aðallega yrði fækkað í
starfsliði útibúa og sérfræðingaráða
ráðuneytanna.
Luo Gan, aðalritari ríkisstjómar-
innar, sagði að markmið breyting-
anna væri að minnka afskipti ríkis-
valdsins af atvinnulífinu, sem væru
alltof mikil, draga úr spillingu og
spara fé sem sóað heftir verið í
óskilvirkt ríkisbákn.
Líklegt er að áformin mæti
harðri andstöðu skriffinna, sem
tókst að koma í veg fyrir svipaða til-
raun á síðasta áratug.
Ellefu far-
ast í lest-
arslysi
Helsinki. Morgunblaðið.
ELLEFU manns fómst og 39 slös-
uðust í lestarslysi í finnsku borg-
inni Jyváskyla síðdegis í gær. Það
var hraðlest frá hafnarborginni
Turku (Ábo) sem fór út af sporinu
rétt áður en hún kom inn á brautar-
stöðina.
Sjónarvottar telja að lestin hafi
verið á óvenjumiklum hraða. Viður-
kenndu yfirmenn finnsku járn-
brautanna í gær að lestarstjórinn
hefði verið að reyna að vinna upp
seinkun. Hann lést er dráttarvagn-
inn rakst í burðarsúlu undir hrað-
brautarbrú.
Farþegar segja slysið hafa átt
sér stað rétt eftir að tilkynnt hafði
verið að lestin væri að nema stað-
ar. Tveir vagnar ultu en farþegar í
hinum sátu kyrrir um stund áður
en þeir fóm út um glugga og dyr.
Alls vom um 500 farþegar í lest-
inni en flestir sluppu ómeiddir.
Slys þetta telst næstmesta lest-
arslysið í Finnlandi á friðartímum.
Mannskæðasta slysið varð árið
1957 en þá létust 26 manns.