Morgunblaðið - 24.05.1998, Blaðsíða 14

14 SUNNUDAGUR 24. MAÍ 1998
MORGUNBLAÐIÐ
ÍÞRÓTTIR
Kaup Arsene Wenger á Marc Overmars voru gagnrýnd en nú efast enginn um að þau voru rétt
Maðurinn
sem hafði
verið af-
skrifaður
HVAÐ er franski hagfræðingurinn að hugsa? Kaupa leikmann
sem hefur verið frá keppni í nærri því ár vegna meiðsla og
enginn veit hvort nokkurn tíma nær bata. Einhvern veginn á
þennan hátt hugsuðu margir áhugamenn um knattspyrnu er
Arsene Wenger fékk Hollendinginn Marc Overmars til liðs við
Arsenal fyrir um 600 milljónir snemma sl. sumar. Upphæðin
hefur þó aldrei fengist staðfest en talið er að hún sé nærri
lagi. Enginn efaðist um að hæfileikarnir væru fyrir hendi en
Overmars hafði ekkert leikið með félagi sínu, Ajax í Amster-
dam, keppnistímabilið á undan
OLL Evrópa hafði afskrifað
hann vegna meiðslanna,“ segir
Wenger. „Overmars var ekki á
sama máli og vildi gjaman leika í
Englandi og hrekja raddir efasemd-
armanna sem sögðu að hann myndi
ekki jafna sig af meiðslunum og þó
það takist myndi hann aldrei ná upp
þeim hraða sem hann hafði yfir að
ráða áður en kom að meiðslunum."
Ekld þarf að fara mörgum orðum
um frammistöðu Overmars á liðinni
leiktíð og raddir efasemdarmann-
anna eru fyrir löngu hljóðnaðar.
Wenger er að sjálfsögðu í sjöunda
himni og segir framgöngu hans hafa
farið fram úr vonum. „Enginn
útheiji hefði skorað 16 mörk á
fyrsta keppnistímabih sínu í
Englandi og það sem meira er hann
skoraði í öllum mikilvægu leikjun-
um,“ segir Wenger og bendir á máli
sínu til stuðnings, sigurmarkið á
Manchester United í mars, tvö
mörk í leiknum við Everton, þar
sem meistaratitilinn var innsiglað-
ur, og síðast en ekki síst; markið
sem kom Arsenal á bragðið í úr-
slitaleik bikarkeppninnar á dögun-
um. „Overmars er einstakur, öll
félög óttast þá staðreynd að geta
ekki komið böndum á hann.“
Gríðarlega fljótur
Wenger segir ennfremur að
Overmars hafi í upphafi átt í erfið-
leikum með að laga sig að skyldum
þeim er fylgja því að leika sem
miðvallarleikmaður og hafa ekki
eins mikið frjálsræði og hann hafði
sem útherji hjá Ajax. „Eftir því
sem sjálfstraustið jókst hjá honum
sinnti hann hlutverki sínu betur,
náði betra sambandi við félaga sína
og lagði gríðarlega mikilvægt lóð á
vogarskálina í keppni okkar um
sigurlaunin í deildinni og bikar-
keppninni."
Overmars er mjög fljótur á
sprettinum og hafa andstæðingar
hans svo sannarlega fengið að
finna fyrir því. Sagt er að hann
hlaupi 100 metra sprett á 10,3
sekúndum en það er tími sem flest-
ir spretthlauparar gætu verið full-
sæmdir af. Eins og Wenger segir
þá hefur hann að fullu sætt sig við
að þurfa að uppfylla skyldur sínar
sem miðjumaður þó að hann kunni
eftir sem áður best við sig í gamla
hlutverkinu. Þá hikar hann ekkert
við að berjast við andstæðinga sína
af fullum þunga um knöttinn, lætur
minninguna um slæm meiðsli ekki
hafa áhrif á sig enda væri slíkt ekki
líklegt til framdráttar. Þá skorar
hann mikið af mörkum sem spillir
að sjálfsögðu ekki fyrir.
„Með framgöngu sinni er hann
öðrum leikmönnum fyrirmynd,"
vegna slitinna krossbanda.
segir Wenger. „í öllum stórleikjum
vetrarins lét hann óspart til sín
taka, Overmars er leikmaðurinn
sem gerir út um leikinn."
Lét ekki stöðva sig
Markið sem hann gerði í úrslita-
leik bikarkeppninnar á dögunum
undirstrikar hæfileika hans, fæmi
og áræði. Hann tók fullkomlega á
móti hárri sendingu félaga síns,
Emmanuels Petits, og lék and-
stæðinginn í vöminni, Alessandro
Pistone, upp úr skónum og skaut
hnitmiðuðu skoti milli fóta Shays
Givens, markvarðar Newcastle,
sem sótti að honum. Pistone átti í
mestu vandræðum með að verjast
Overmars allan leikinn og víst er
að frammistaða hins fyrmefnda í
leiknum var ekki til þess að
tryggja honum áframhaldandi vist
í herbúðum Newcastle. Sóknd-
irfska og ákveðni Overmars hristi
upp í vörn andstæðinganna. Hann
var stöðvaður nokkmm sinnum
hressilega, en lét það ekki á sig fá
heldur hélt ótrauður áfram allt þar
til flautað var af.
Vissulega var áhætta
Wenger segir að einn tilgangur
sinn með kaupunum á Overmars
hafi verið sá að létta aðeins af
landa hans, Dennis Bergkamp,
sem sumir ætluðust til að léki við
hvum sinn fingur í hvert eitt sinn.
Overmars hefur blómstrað en það
gerði Bergkamp einnig og var m.a.
valinn knattspymumaður ársins í
Englandi í vor, bæði af
fjölmiðlamönnum og leikmönnum
sjálfum.
Bergkamp átti drjúgan þátt í að
Overmars kom til Highbury. Hjá
landa sínum fékk Overmars upp-
lýsingar um það hvernig lífið gengi
fyrir sig á þeim bæ. Arsenal hafði
áður borið víurnar í leikmanninn
en ekki haft erindi sem erfiði. „Eg
hafði ekki mikinn tíma til að velta
kaupunum fyrir mér því ég óttaðist
að hann færi annað, hvað sem allri
umræðu um heilsu hans viðkom,"
segir Wenger. „Vissulega vai' ein-
hver áhætta fólgin í því að festa
kaup á honum vegna þess að hann
hafði lítið leikið í talsverðan tíma
og ekki náð að sýna sinn fyrri
styrk. Eftir að hann aftur á móti
komst í gegnum undirbúningstíma-
bilið án þess að missa út eina æf-
ingu var ég rólegur, ég sá að
ákvörðun mín var rétt.“
f fyrstu leikjunum gekk honum
ekki vel og margir stuðningsmenn
Arsenal voru ekki sáttir við þennan
nýja liðsmann, en Wenger var
sannfærður og hann lét gagnrýn-
ina sem vind um eyru þjóta. Hann
Reuters
HANN hafði svo sannarlega unnið fyrir þvi að fá að jafnhatta bikarinn sem sigurvegarinn i elsta
knattspyrnumóti heims, ensku bikarkeppninni, eftir frábært keppnistímabil.
vissi hvað í Overmars bjó. Berg-
kamp bað stuðningsmenn liðsins
um að sýna landa sínum þolin-
mæði, hann þyrfti tíma til að venj-
ast enskri knattspyrnu. Eins og
með ýmis önnur leikmannakaup
franska hagfræðingsins, sem vakið
hafa upp spurningar á meðal
stuðningsmanna, hefur svai- feng-
ist við þeim. Engum dettur í hug
að efast um þau í dag, kaupin á
Overmars er ekki eina dæmið.
Dagskráin rofin til
að kveðja goðin
MILLJÓNIR Brasilíumanna
fylgdust með sjónvarpsútsend-
ingum frá brottför brasiliska
landsliðsins í knattspymu til
Frakklands í fyrrakvöld og um
1.200 manns voru á flugvellin-
um í Rio de Janeiro til að
kveðja goðin. Sjónvarps-
stöðvarnar rufu dagskrár sínar
til að geta sýnt beint frá flug-
takinu og liðinu fylgdu bestu
kveðjur. „Góða ferð, Brasilía"
kom á skjáinn hjá Globo sjón-
varpsstöðinni þegar vélin fór í
loftið og flugmaðurinn, sem á
17.000 flugstundir að baki,
sagði að flugið væri hápunkt-
urinn á starfsferlinum.
Flugvélin var máluð í þjóðar-
litunum og sætin voru merkt en
að þessu sinni fékk Romario
gluggasæti. Fyrir íjórum árum
þurfti hann að sitja á milii
tveggja félaga sinna og var ekki
ánægður með það. Vélin tekur
250 manns en með í för að
þessu sinni voru 32, þar af 17 af
22 leikmönnum, nokkir blaða-
menn og sérstakir gestir. Vam-
armaðurinn Andre Cmz varð
strandaglópur, þar sem seinkun
varð á flugi hans frá Sao Paulo
vegna þoku, en Ronaldo, Cafu,
Aldair og Roberto Carlos komu
til móts við hópinn í gær frá lið-
um sínum í Evrópu.
Heimsmeistararnir töpuðu
1:0 fyrir Argentínu í síðasta
leik fyrir brottförina en
sjálfstraustið er í lagi „Það er
alltaf erfítt að verja titilinn,"
sagði miðjumaðurinn Leon-
ardo, „og því fylgir mikil
ábyrgð að vera sigurstrang-
Iegastur." En íbúar í Brasilíu
búa sig líka undir Heims-
meistarakeppnina og gera
það á hefðbundinn hátt. Götur
hafa verið málaðar og
skreyttar og byrjað er að
hengja upp bláa, græna og
gula borða til stuðnings liðinu
sem stefnir að því að verða
heimsmeistari í fímmta sinn.