Morgunblaðið - 24.05.1998, Blaðsíða 23

MORGUNBLAÐIÐ
SUNNUDAGUR 24. MAÍ 1998 23
Morgunblaðið/Sverrir
FYRIR framan fyrsta háþrýstiklefann sem Calcendonio Gonzales (t.v.) færði íslendingum árið 1993. Við
hlið hans standa Roy Meyers sérfræðingur í háþrýstilækningum, Einar Sindrason yfirlæknir og Magni
Jónsson lungnasérfræðingur.
áhuga þinn. Mér skilst að þú jiafir
algjörlega verið mótfallinn Italíu
en nú sé vart hægt að finna
nokkurn, sem er eins hallur undir
landið og menninguna og þú?
„Ja-á,“ svarar hann kankvís.
„Það er gaman að þú skulir segja
þetta núna, því einmitt í gær var ég
beðinn um að verða svaramaður
hjá vini mínum Calcedonio Gonza-
les í haust þegar hann ætlar að
giftast íslenskri konu. Það var hon-
um sem ég kynntist á ráðstefnunni
í Selva Gardena og hefur sú vinátta
breytt miklu í lífi mínu.
En fyrst ætla ég að segja þér frá
því af hverju ég var svona mótfall-
inn Italíu og Itölum. Þegar ég var
við nám í Danmörku keyrðum við
hjónin með elsta barnið okkar nið-
ur Evrópu. pkkur gekk alls staðar
vel nema á Italíu. Það þýddi ekkert
að tala við helv... Italina. Þeir
skildu ekkert. Ég var sæmilega
talandi á frönsku, ég talaði þýsk-
una ágætlega og ensku, en ekkert
gekk. Mitt mottó var: Aldrei aftur
Italía!
Nokkrum árum eftir að við kom-
um heim ætluðum við Daníel
Guðnason háls-, nef- og eyrnalækn-
ir ásamt konum okkar til Ítalíu á
skíða-ráðstefnu. Þannig vildi til að
Daníel forfallaðist en konan mín,
Kristín Árnadóttir hjúkrunar-
fræðingur, og ég héldum okkar
striki, enda var tekið fram á ráð-
stefnunni að þar væri töluð enska,
þýska og ítalska,“ segir Einar
hlæjandi.
„Ég þekkti ekki kjaft á ráðstefn-
unni, en við opnun hennar sá ég tvo
góðlátlega menn, gekk að þeim og
sagðist vera frá Islandi. Þeir gátu
pínulítið bjargað sér á ensku, en
annar þeirra varð svo hrifinn af því
að ég kom frá Islandi, að hann
sagðist mundu bjóða okkur í mat
daginn eftir og hafa með sér túlk.
Það er skemmst frá því að segja,
að þessi túlkur var bráðfalleg ung
kona og það fór svo vel á með okk-
ur, að alla ráðstefnuna vorum við
með þessu fólki þegar færi gafst.
Um haustið fengum við bréf um að
þau ætluðu að gifta sig og koma til
Islands í brúðkaupsferð. Þannig
upphófst okkar vinátta," segir Ein-
ar, en bætir við að því miður hafi
samband þeirra ekki gengið upp
vegna þess hversu ólík þau voru.
Hann var mjög opinn, „út um allt
og í öllu“, en hún ætlaði sér að
verða nunna.
Nú læri ég ítölsku!
Allt frá árinu 1988 eða ári eftir
að ráðstefnan var haldin hefur Ein-
ar verið með annan fótinn á Ítalíu.
Vinur hans var áhrifamaður í Pal-
ermo og fékk Einar til að halda
fyrirlestra. „Fyrst varð að túlka
íslendingar þurfa
mun seinna að fá
heyrnartæki en
Danir, sem tala
mjög óskýrt. Dan-
ir byrja að nota
heyrnartæki við
20 desibel en ís-
lendingar þurfa
þau ekki fyrr en
við 30-40 desibel.
allt sem ég sagði, því ég talaði bara
ensku. Síðan fór ég að reyna að
tala við þessa lækna, en enginn
talaði ensku,“ segir Einar og slær
hnefanum í borðið til áherslu.
„Ekki kjaftur. Þetta er ótrúlegt!
Svo ég hugsaði með mér. Nú læri
ég ítölsku eða þetta er bara búið.
Ég var svo heppinn að Paolo
Turchi var að koma til landsins og
varð ég fyrsti nemandi hans. Ég
fékk þessa dellu og var hjá honum í
fimm vetur. Nú er mitt aðaláhuga-
mál að lesa ítölsku og ég er með
Rai Uno, Rai Due, Rai Tre og Evro
News heima og hlusta á þetta allt á
hverjum degi,“ segir hann, stendur
upp og nær í ítalskar bókmenntir,
sem leynast inn á milli fræðirit-
anna og ítalsk-enskrar orðabókar,
til að sýna blaðamanni.
Vin Einars, Calcedonio Conzales,
þekkja íslendingar af því að hann
færði Borgarspítalanum að gjöf
háþrýstiklefa ásamt ársstarfsemi
við klefann. Að þessu ári liðnu bauð
hann samstarfsverkefni til þriggja
ára, þar sem íslendingar borga ann-
an helminginn og Italir hinn. Eftir
þessi fjögur ár var þörfin orðin svo
mikil að Calcedonio útvegaði stærri
klefa og nýjan samstarfssamning til
fimm ára. Munu Islendingar eign-
ast þann klefa að þeim tíma liðnum.
„Hvað heldurðu annars, að
margir ítalskir læknar séu búnir að
vera hér á undanförnum árum í
sambandi við klefann?" spyr hann
og svarar sjálfur: „Fjörutíu og
fimm læknar og tæknimenn!
Undanfarin ár hefur Einar unnið
hluta af sumarfríum sínum á Italíu
við háþrýstiklefalækningar. Þar
varð hann vitni að því að gömul
kona, sykursýkissjúklingur, kom í
100. sinn í klefann. Hún og var á
góðum batavegi. Upphaflega hafði
verið ráðgert að taka af henni fótinn
vegna opinna sára en hún vildi fyrst
prófa háþrýstimeðferð.
Annar maður var að byrja í með-
ferð sem búið var að höggva annan
fótinn af og hann sá fram á að missa
hinn. „Með því að fara í klefa áður
en skaðinn er skeður geta menn
komið í veg fyrir aflimun til dæmis,
en það tekur bara svo ótrúlega
langan tíma að koma vitneskjunni
frá sér.“ Einar segir lítið af
vandamálum af þessu tagi meðal Is-
lendinga því heilbrigðiskerfið sé
ótrúlega gott.
Þegar hallar undir lok samtalsins
forvitnast ég um hvernig svo önnum
kafinn maður slakar á. Að þessu
hlær Einar en segist gera það með
því að spila á píanó og á fiðlu. „Ég
lærði svolítið á fiðlu sem krakki en
hætti því vegna þess að ég fékk út
það mikla stríðni. Það er nokkuð
síðan ég dró hana fram aftur og nú
nýt ég þess að spila á hana.“

Allt frá 46 fm
stúdíóíbúðum til
130 fm 4ra herbergja
lúxusíbúða
Byggingaraðili:
■
FASTEIGNASALA / LEIGUMIÐLUN
HARRI EHF.
SÍMI 588 8787 - FAX 588 8780
SKIPHOLT 9
Loksins hefur þú
tækifæri til að eignast
nýja glæsilega
fullbúna íbúð á besta
stað í Reykjavík á
frábæru verði. Allar
íbúðirnar afhendast
fullbúnar með fallegum
innréttingum, parketi á
gólfum og vönduðum
heimilistækjum.
Skemmtilegur lokaður
inngarður er við húsið.
i i'
<A M iB :S!
jflHHl

■ S!8