Morgunblaðið - 21.07.1998, Blaðsíða 14

14 ÞRIÐJUDAGUR 21. JÚLÍ 1998
MORGUNBLAÐIÐ
LANDIÐ
Morgunblaðið/Hallfríður
SMIÐIRNIR á myndinni eru (f.v.) Björgvin Kristjánsson
og Hólmar Karl Þorvaldsson.
Hafnarhúsið á Reyðar-
fjarðarhöfn stækkað
Sumarhátíð í Grundarfirði !
Reyðarfirði - Byggingafyrirtækið
Trévangur vinnur nú við að stækka
hafnarhúsið á Reyðarfirði. Byggt er
glerhýsi framan á núverandi hús
sem auðveldar hafnarverði að fylgj-
ast með allri umferð um höfnina. Að
sögn Aðalbjöms Schevings, sem nú
leysir hafnarvörðinn, Rúnar Sigur-
jónsson, af kemur þetta sér sérstak-
lega vel þegar verið er að vigta.
Grundarfirði - Stofnuð hafa verið
ný samtök í Grundarfirði er hafa
það markmið að efla byggðina.
Samtök þessi bera nafnið Félag at-
vinnulífsins í Grundarfirði. Starf-
semin fer fram í nokkrum ráðum
þar sem hvert ráð hefur sitt svið:
menningarráð, sjávarútvegsráð,
umhverfisráð, verslunarráð og
tækifæraráð. Margir aðilar standa
að þessum samtökum sem hafa
skammstöfunina FAG. Gunnar
Kristjánsson er starfsmaður FAG í
hlutastarfi.
Á vegum FAG haf verið skipu-
lögð hátíðahöld á þessu sumri og
verða þau helgina 24.-26. júlí. Há-
tíðahöldin bera yfirskriftina „Á
góðri stund í Grundarfirði“ með
undirtitilinn „Fjörðurinn, fjöllin,
fólkið."
Dagskrá hátíðarinnar er fjöl-
breytt og þar er að finna eitthvað
við allra hæfi. Tónleikar, sýningar,
siglingar, sérstök dagskrá á hafn-
arsvæði, keppni í íþróttum og síð-
an má nefna harmonikkuball á
föstudagskvöldi, unglingadansleik
og stórdansleik á laugar-
dagskveldi.
Á sunnudeginum verður sérstök
dagskrá þar sem Jón Böðvarsson
mun ganga á söguslóðir Eyr-
byggju á Eyrarodda við Urthvala-
fjörð sem nú heitir Kolgrafarljörð-
ur. Á meðan Jón Ieiðir menn um
þennan vettvang Eyrbyggju verð-
ur sérstök dagskrá fyrir börnin,
leikir og jafnvel verður þeim boðið
að fara á hestbak. Þá verður sr.
Karl V. Matthíasson með helgi-
stund í tengslum við fræðslu Jóns,
en þarna er að finna rústir einnar
elstu kirkju í íslenskri kristni. Há-
tíðinni lýkur svo með varðeldi þar
sem allir eiga saman ánægjulega
stund.
Héraðshátíð V-Húnvetninga
Bjartar nætur í Hrútafirði
Hvammstanga - Einn þáttur Hér-
aðshátíðar Vestur-Húnvetninga,
Bjartar nætur, fór fram í Hrúta-
firði á sunnudagiun. Gestum var
boðið upp á siglingu á björgunar-
bát út í Hrútey, sem liggur
skammt norðan Reykjaskóla. Rifj-
aðar voru upp gamlar heyverkun-
araðferðir við Byggðasafnið, sleg-
ið með orfi og ljá, rakað í garða,
saxað upp og borið í sátur og
bundið til flutnings á hesti. Þarna
mátti sjá kunnugleg og fumlaus
handtök eldri bænda og fylgdist
yngra fólkið vel með. Hesturinn
virtist ekki sáttur við aðferðina, en
róaðist brátt og gekk um meðal
áhorfenda með spekingssvip. I
Byggðasafninu söng kvennahópur-
inn Sandlóur nokkur lög við harm-
onikkuundirleik. Kaffihlaðborð
var einnig í Staðarskála.
Þetta er fimmta sumarið sem
Bjartar nætur eru haldnar. Ymis-
legt hefur verið í boði þetta sumar,
hlaðborð, grillveisla, tónlistarhátíð
heila helgi með myndasýningum og
að áliðnum ágúst verður Grettis-
vaka og Hálandaleikar í Miðfirði.
Framkvæmdanefndin hefur gefið út
einskonar viðburðadagatal frá vori
til hausts fyrir héraðið og er það
nýmæli og hefur mælst vel fyrir.
Legsteinn á
leiði sr. Vig-
fúsar Bene-
diktssonar
Hnausum - Halldóra Gunnarsdóttir
og Gísli Jóhannsson settu nýlega
legstein á leiði sr. Vigfúsar Bene-
diktssonar, forföður Halldóru, sem
var jarðaður hér við Langholts-
kirkju.
Sr. Vigfús var prestur á Stað í
Aðalvík, Einholti á Mýrum og
Kálfafellsstað í Suðursveit. Sam-
kvæmt þjóðsögum átti sr. Vigfús að
vera göldróttur og þá ekki síður
kona hans, Málfríður Jónsdóttir.
Hefur líklega ekki þótt einleikið að
sleppa lifandi úr harðbýli Horn-
stranda.
Sr. Vigfús Benediktsson fæddist
á Felli 1731 og dó 1822 á Hnausum í
Meðallandi, hjá sr. Jóni Jónssyni
bróður Steingríms biskups, hefur
sennilega dáið þar í fjósinu, sem er
enn uppistandandi. Aðalíbúðarhúsið
var þá skáli, rifinn 1927, en á
fjósloftinu var unnið við tóvinnuna,
þar var nógur hiti.
Niðri er fjósið eins og það var,
Morgunblaðið/Vilhjálmur
HALLDÓRA Gunnarsdóttir og Gísli Jóhannsson við leiði sr.
Galdra-Fúsa, sem svo var nefndur í þjóðsögunum.
engir stallar og var gefið í básana.
Engin súð var á þekju, aðeins raftur
og melur, sem var tyrft yfir. Sex
rúðu gluggi var á framstafni en
fjögra á gaflhlaði. Pallur (gólf) var
yfir fjósinu og þiljað upp að brúnás-
um. Rúm voru vestanmegin og eitt
að austan, innst. Að lokinni kvöld-
göngu treysti gamalt og lasburða
fólk sér ekki til að fara í köld bæjar-
húsin, til að sofa, og það dó þarna í
gamla fjósinu, allt fram á þessa öld.
Og margir Strandamenn munu hafa
notið þar hlýjunnar í þessu eld-
gamla húsi sem enginn veit aldur á.
En hin lága sandströnd Meðal-
landsins var mesti strandstaður ís-
lands, þar til sjálfvirki dýptarmælir-
inn kom, á fjórða tug þessarar ald-
ar.
Morgunblaðið/Alfons
SKIPSTJÓRINN á Blika SH, Guðmundur Kristjónsson ásamt áhöfn
sinni hampar hér golþorskum. Áhöfnina skipuðu Stefán R. Haf-
steins, Kristín Þorgeirsdóttir og Hildur Eðvaldsdóttir, sem veiddi
stærsta þorskinn á mótinu sem vó 18,2 kg.
Fjölmenm a opnu
Sjóstangaveiði-
móti í Olafsvík
Ólafsvík - Árlegt opið mót Sjó-
stangaveiðifélags Snæfellsness var
haldið í Ólafsvík 16.-18. júlí sl.
Þátttakendur voru 63 frá átta fé-
lögum víðsvegar af landinu. Var ró-
ið á 18 litlum bátum og var afli alls
15,6 tonn eftir báða dagana.
Aflahæsti einstaklingur mótsins
var Skarphéðinn Asbjörnsson úr
Sjóstangaveiðifélagi Siglufjarðar
og veiddi hann 644 kg. I kvenna-
flokki sigraði Sigurbjörg Kristjáns-
dóttir, Sjóstangaveiðifélagi Snæ-
fellsness og var jafnframt aflahæsti
innanfélagsmaður úr Sjósnæ. Hún
veiddi 498 kg. í sveitakeppni
kvenna sigraði sveit Sigurbjargar
Kristjánsdóttur, Sjósnæ, en í karla-
flokki sveit Þorsteins Jóhannesson-
ar, Sjósigl. Hæsti meðalafli á stöng,
485 kg var á bátnum Geisla HS,
skipstjóri Hjörleifur Guðmundsson.
Stærsta fisk mótsins veiddi Hild-
ur Eðvarðsdóttir frá Sjóskip, Akra-
nesi og var það þorskur sem vó 18,2
kg. Sólveig Guðlaugsdóttir, Sjósnæ,
mun samkvæmt upplýsingum
fróðra manna hafa veitt fisk af teg-
und sem ekki hefur áður veiðst á
stöng við Island og heitir lýr. Fisk-
ur þessi hefur einkenni sem minna
sterklega á ufsa og ýsu. Hann vó
3,7 kg.
Veður mátti heita gott báða daga
mótsins þó nokkur vindbára væri
fyrri daginn en á móti kemur að
hér er ekki langt til miða.
Svokölluð makaferð var farin á
ms Brimrúnu til hvalaskoðunar og
tókst hún vel. Þá var boðið til grill-
veislu í Fiskmarkaði Snæfellsness
og Útvarp Sjósnæ var starfrækt
báða dagana.
Mótinu lauk svo með glæsilegu
lokahófí í Félagsheimilinu Klifi þar
sem vel var vandað til alls. Sigurð-
ur Arnfjörð, formaður Sjósnæ, og
mótsstjóri afhenti þar verðlaun en
veislustjóri var sr. Friðrik J. Hjart-
ar, félagi í Sjósnæ, sem hafði tekið
þátt í mótinu og fiskað 420 kg. Er
skemmst frá því að segja að á svið-
inu á Klifi dró sr. Friðrik hlátra-
sköll og lófaklapp á bæði borð svo
sem vænta mátti af honum.
Þátttakendur og gestir þeirra
luku lofsorði á framkvæmd móts-
ins. Þetta mót er fastur liður í bæj-
arlífinu og gestirnir setja mikinn
svip á bæinn og eru kærkomnir.
Margir keppendur koma hingað ár
eftir ár og eiga orðið marga kunn-
ingja, t.d. í hópi skipstjóranna á
bátunum. Sjóstangaveiðifélagið
hefur átt gott samstarf við eigend-
ur bátanna en án þess góða sam-
starfs yrði mótið ekki svo gott sem
raun ber vitni.
)
)
)
)
)
|
)
)
)
í
*
)
í
I