Morgunblaðið - 21.08.1998, Side 6

6 FÖSTUDAGUR 21. ÁGÚST 1998
MORGUNBLAÐIÐ
FRÉTTIR
Samkeppni um stækkun Flugstöðvar Leifs Eiríkssonar auglýst á næstunni
MIKIL örtröð myndast í flugstöðinní á álagstímum og langar biðraðir myndast.
Brýnt að stækka og
fjölga landgöngubrúm
ÖRTRÖÐ verður á stundum í
Flugstöð Leifs Eiríkssonar á
Keflavíkurflugvelli þar sem far-
þegafjöldi eykst hröðum skrefum
og ferðum fjölgar. Pétur Guð-
mundsson flugvallarstjóri segir
stækkun brýna þar sem stöðin sé í
raun sprungin og eigi það bæði við
innan sem utan dyra. Á næstu dög-
um verður stækkun á flughlöðum
boðin út og auglýst samkeppni
meðal arkitekta um stækkun
stöðvarinnar.
Hulda Hauksdóttir, aðstoðar-
stöðvarstjóri Flugleiða, segir oft
mikið púsl að koma flugvélum að
hliðum og landgöngubrúm og
stundum þurfi ein og ein vél að
leggja spölkoim frá flugstöðinni og
farþegar að ganga frá borði og inn
í stöð. Sex ranar eru nú í flugstöð-
inni og einn raninn getur einnig
þjónað stæði við enda flugstöðvar-
innar. Flugleiðir sjá um afgreiðslu
véla en auk Flugleiðavéla eru þot-
ur Atlanta og leiguþotur með
reglulegar ferðir frá Keflavíkur-
flugvelli.
Þotur komast
ekki að rönum
I fyrrakvöld varð þota að bíða
um stund eftir lendingu eftir því að
komast að rana meðan lokið var við
að undirbúa brottfór þotu sem þar
var. Þá sagði Hulda að farþegar
hafi þurft að ganga um borð í eina
þotu Flugleiða við brottför síðdegis
í gær. Hún segir að reynt sé að láta
það koma jafnt niður á öllum flug-
félögum þegar leggja þarf vélum
án þess að tengjast rana en oft sé
einnig farþegafjöldi um borð látinn
ráða. Hulda segir að þetta hafi
bjargast sæmilega í sumar þar sem
tíð hafi verið góð en ekki sé heppi-
legt að þurfa að láta farþega fara
upp og niður stiga og ganga eftir
flugstæðunum, ekki síst þá sem í
hjólastólum eru.
Hún segir að á sumrin þegar
ferðir eru svo margar sé það nán-
ast daglegt brauð að ein vél komist
ekki að rana en telur að svo verði
ekki í vetur þegar ferðum fækkar.
Ástandið gæti hins vegar orðið enn
verra næsta sumar ef ferðum fjölg-
ar enn. Flestar brottfarir eru milli
sjö og átta árdegis og síðdegis eru
þær flestar milli klukkan 16 og
16.40. Hulda segir ógerlegt að
breyta brottfarartímum vegna
samhengis við tengiflug á áfanga-
stöðum austan hafs og vestan.
Fjölgað í 13 rana
árið 2000
Ríkisstjórnin hefur samþykkt
1.900 milljóna króna fjárveitingu
til næsta áfanga við uppbyggingu
flugstöðvarinnar. Er það annars
vegar bygging nýrra flughlaða eða
stæða sem vænst er að taka megi í
notkun á næsta sumri. Hins vegar
er um að ræða nýja byggingu með
sjö hliðum og eru verklok áætluð
árið 2000. Verða ranar þá orðnir
13 samtals og segir Pétur flugvall-
arstjóri ekki veita af því.
Pétur Guðmundsson segir mikil
þrengsli innan dyra á háannatíma,
flugstöðin sé hönnuð fyrir um eina
milljón farþega en þeir verði trú-
lega 1.200 þúsund í ár. Fjölgað var
innritunarborðum en Pétur segir
það ekki nóg og þrengsli séu í bið-
sölum þegar fólk er þar flest. Tekið
var rými af mötuneyti starfsmanna
og eldhúsi og biðsalur stækkaður
með því. Hægt er að hafa þrjú toll-
hlið opin eftir að farþegar hafa
skráð sig til flugs en sjaldnast
nema tvö notuð.
Eins verður stundum biðröð
þegar farþegar koma úr flugi og
eru á leið í land en þar hafa biðrað-
ir við vegabréfaskoðun og Lands-
bankann stundum blandast. Segir
Pétur að því mætti eflaust stýra
betur. Flugvallarstjórinn segir að
vel hafi tekist til með breytingu á
verslunarháttum í flugstöðinni og
að það hafi gefið mjög auknar tekj-
ur sem hafi verið brýnt.
Utanríkis-
ráðherra
fordæmir
hryðjuverk
HALLDÓR Ásgrímsson utanríkis-
ráðherra fordæmdi í gær hryðju-
verkin, sem framin hafa verið í
Kenýa, Tansaníu og Norður-írlandi
undanfarið. Utanríkisráðuneytið
sendi frá sér eftirfarandi jdirlýs-
ingu:
„Utanríkisráðherra fordæmir þá
illvirkja sem standa að baki hryðju-
verkum er heimsbyggðin hefur orð-
ið vitni að í Kenýa, Tansaníu og nú
síðast á Norður-Irlandi.
Utanríkisráðherra sendir þeim
fjölmörgu, sem eiga um sárt að
binda, innilegustu samúðarkveðjur.
Þótt aðstæður í Naíróbí, Dar es
Salaam og Omagh séu mismunandi
eiga hryðjuverkin það sameiginlegt
að þau bitnuðu á saklausum borgur-
um sem áttu sér einskis ills von.
Hér er því um að ræða glæpsamlegt
athæfi, fjöldamorð, sem aldrei er
hægt að réttlæta.
Island mun styðja hertar alþjóð-
legar aðgerðir gegn hryðjuverka-
mönnum sem miða að því að koma í
veg fyrir hryðjuverk, en jafnframt
að því að þeir sem að þessum morð-
um stóðu verði látnir sæta ábyrgð."
-----------------
Vatnið á Selfossi
hreint á ný
Óhrein-
indi komust
í tank
KARL Bjömsson bæjarstjóri á Sel-
fossi segir að fullmikið hafi verið
gert úr því að of mikið gerlainnihald
hafi verið í neysluvatni á Selfossi.
Hann segir að orsökin hafi legið í
lagnakerfinu og of mikið gerlainni-
hald hafi aðeins komið fram í einni
mælingu.
Hann segir að lagnakerfið hafi
verið hreinsað strax og neysluvatn
sé gott á Selfossi. Hann segir að
umfjöllunin hafi leitt til þess að
margir Selfyssingar hafi ekki talið
sér óhætt að drekka vatnið. Margir
hafi einnig soðið vatn til neyslu.
„Þetta mældist í einni lögn og að-
eins í einn dag í einu hverfi hér á
Selfossi. Orsökin var sú að óhrein-
indi komust inn í kerfið vegna þess
að miðlunartankur tæmdist," segir
Karl.
Varðskipsmenn í könnunarleiðangur til Kolbeinseyjar
Stórt
stykki féll
úr eyjunni
í vetur
KOLBEINSEY hefur talsvert lát-
ið á sjá eftir síðasta vetur og hefur
stórt stykki fallið úr milli klettsins
sem er austast á eynni og þyrlu-
pallsins. Kletturinn sjálfur er
einnig að hverfa í sæ og þá hefur
nokkuð kvamast úr pallinum.
Að sögn Sigurðar Steinars Ket-
ilssonar skipherra á Tý, en hann
ásamt áhöfn sinni var þar um miðj-
an júlí, hafa ísjakar átt þar stærst-
an hlut að máli en einnig hefur
brimrof haft sín áhrif. Hann segir
að frá því að pallurinn var byggður,
árið 1989, hafi mátt sjá nær árlegar
breytingar og að innan fárra ára
muni Kolbeinsey hverfa alveg. Við
það skapist hætta fyrir sjófarendur
þar sem sker á opnu hafi geta verið
stórvarasöm, sérstaklega þeim sem
EKKI gátu varðskipsmenn tekið land í eynni sökum sjógangs en þó
mátti sjá að mikið fuglalíf er þar enn.
em ókunnugir á þessum slóðum.
Eftir að ísland, Danmörk og
Grænland náðu samkomulagi um
afmörkun hafsvæðisins norður af
Kolbeinsey sumarið 1996 gegnir
hún ekki lengur hlutverki sem
grannlínupunktur. Því era engin
áform um frekari styrkingu hennar
og þá þykir nær ógerlegt að koma
fyrir siglingamerki sem staðist
gæti veður og brim á þessum slóð-
um.
Sigfús Johnsen hlýtur
æðstu viðurkenningTi á
sviði jöklarannsókna
Kaupmannahöfn. Morgunblaðið.
SIGFÚS Johnsen pró-
fessor, sem hefur í mörg
ár tekið þátt í umfangs-
miklum rannsóknum á
Grænlandsjökii, hlaut í
vikunni viðurkenningu
Alþjóðajöklarannsóknar-
félagsins. Viðurkenningin
er sú æðsta sem veitt er á
sviði jöklarannsókna og
er kennd við G. Seligman,
sem stofnaði félagið 1936.
Félagið er til húsa í Scott-
heimskautastofnuninni
við Cambridge-háskóla.
Sigfús var einn af drif-
kröftunum í Grænlands-
jöklarannsóknunum og
hefur farið í yfir tuttugu
leiðangra upp á jökulinn. Framlag
hans fólst meðal annars í að hanna
bor, sem notaður var til að bora í
gegnum þriggja kílómetra þykka
jökulhettuna. Það var ekki síst að
þakka snjöllum hugmyndum Sigfús-
ar og lausnum að borunin tókst eins
vel og raun ber vitni.
Niðurstöðurnar hafa
varpað nýju ljósi á veð-
urfarssögu jarðar og
enn er verið að vinna úr
þeim. Sigfús og borinn
hans hafa einnig komið
við sögu í borunum víð-
ar. Sigfús hefur ekki
aðeins lagt sitt af mörk-
um til tilrauna og bor-
ana, heldur einnig verið
afkastamikill á fræði-
lega sviðinu og hefur í
rúma þrjá áratugi lagý
mikið af mörkum til
kenninga- og módela-
smíðar um hreyfingar
jökulmöttulsins á
Grænlandi og Suðurskautinu, segir í
áliti dómnefndar.
Sigfúsi var veitt Seligman-viður-
kenningin við hátíðlega athöfn á ráð-
stefnu Alþjóðajöklarannsóknarfé-
lagsins í Kiruna í Norður-Svíþjóð,
sem staðið hefur þessa vikuna.
Sigfús
Johnsen