Morgunblaðið - 08.10.1998, Qupperneq 18

18 FIMMTUDAGUR 8. OKTÓBER 1998
LANDIÐ
MORGUNBLAÐIÐ
RKI heiðrar
tíu sjálf-
boðaliða
Húsavík - Aðalfundur Rauða kross
Islands 1999 var haldinn á Húsavík
um síðustu helgi undir kjörorðinu
Sjálfboðin þjónusta.
Anna Þrúður Þorkelsdóttir, for-
maður RKÍ, setti fundinn með
ávarpi. Hún gat þess að Rauði
krossinn starfaði í 175 löndum og
teldi 122 milljónir meðlima. Hún
sagði hugsjónir starfseminnar há-
leitar, sem félagið vildi og væri að
sýna í verki.
A fundinum voi-u 10 sjálfboðalið-
ar víðsvegar að af landinu heiðrað-
ir fyrir mikil og fómfús störf, þar
af fjórir Húsvíkingar.
Húsavíkurdeildin 40 ára
Fundurinn var að þessu sinni
haldinn á Húsavík vegna þess að
Húsavíkurdeildin er 40 ára á þessu
ári. Færði formaður RKí deildinni
að gjöf fundarhamar sem nota
skyldi á þessum fundum.
Kristjóna Þórðardóttir, formað-
ur deildarinnar, veitti hamrinum
móttöku. Hún sagði frá ýmsu í
starfsemi félagsins, en mikill þátt-
ur í því væri að sjá um rekstur
sjúkrabifreiða. í tilefni afmælisins
afhenti hún formanni Styi'ktarfé-
lags Sjúkrahúss Þingeyinga, Svölu
Hennannsdóttur, eina milljón
króna til kaupa á hjartasjá.
Reinhard Reynisson, bæjar-
stjóri, ávarpaði fundinn og bauð
fundarmenn velkomna til Húsavík-
ur. Hann sagði að starfsemi RKÍ
yrði seint metin sem skyldi, því að
hjálpa náunganum án endurgjalds
væri ómetanlegt.
Vegafram-
kvæmdir
hafnar á Há-
reksstaðaleið
Vaðbrekku, Jökuldal - Verktakafyr-
irtækið Arnarfell á Akureyri hefur
hafið framkvæmdir við veginn á Há-
reksstaðaleið.
Verkið hófst um mánaðamótin
ágúst/septernber og hefur miðað vel,
ef undan er skilinn snjóakaflinn um
miðjan september. Það er einu ári
seinna en áætlað var í upphafi, en
deilur um vegstæðið, hvort vegurinn
ætti að fylgja núverandi leið eða
liggja um Háreksstaði, hafa tafið
upphaf framkvæmdanna um eitt ár.
Að sögn Jörgens Rúnars Hrafn-
kelssonar, verkstjóra hjá Arnarfelli,
ætla þeir að vinna eins lengi við
verkið í haust og veður leyfír. Lögð
er áhersla á að klára að keyra út fyll-
ingu í vegstæðið austan Lönguhlíðar,
en þar liggur vegurinn um votlendi
og nauðsynlegt er að fyllingin liggi
Morgunblaðið/Sigurður Aðalsteinsson
STÓRVIRKAR vinnuvélar eru
notaðar við vegarlagninguna.
þar á í vetur til að vegstæðið geti
sigið og jafnað sig fram á sumar.
Búið er að keyra út fímm kíló-
metra fyllingu, um 100 þúsund
rúmmetra, sem er tíundi partur fyll-
ingarinnar sem keyrð verður út í
veginn í heild. Alls er fyllingin um
milljón rúmmetrar. Aætlað er að
keyra út fyllingu og burðarlag í um
tveggja kílómetra kafla um Víðidalsá
til að hægt sé að aka hann í vetur og
taka af vondan kafla á núverandi
vegi um Víðidalsá, sem bæði er snjó-
sækinn og hættulegur. Jörgen segir
að ekki hafí orðið neinar tafir á verk-
inu hingað til eftir að það hófst svo
teljandi sé og eru verklok áætluð ár-
ið 2000.
Boðið til fýlaveislu
í Stykkishólmi
Stykkishólmi - Það hefur löngum
þótt ótrúlegt við Breiðafjörð að
fuglategundin fýll sé mannamat-
ur. Sá fugl nýtur lítilla vinsælda
og hefur fengið frið fyrir veiði-
mönnum. Þegar fréttir hafa
borist af því að Mýrdælingar og
jafnvel Vestmannaeyingar drepi
fýl sér til matar hafa margir bros-
að og sagt í vorkunnartóni: „Þar
er aldeilis þröngt í búi.“
Fyrir nokkrum árum fluttist
hingað til Stykkishólms Kjartan
Páll Einarsson, en hann er ættað-
ur úr Mýrdalnum. Hann hefur
reynt að telja kunningjum sínum
trú um að fýll sé herramannsmat-
ur, saltaður og soðinn, með nýjum
rófum og kartöflum. En hann hef-
ur fengið litiar sem engar undir-
tektir. Hann vildi því sanna sitt
mál að það væri ekki suiturinn
sem fengi Mýrdælinga til að
borða fýl. I haust lét hann verða
af því að fara í heimabyggð og
veiða fýl. Síðan fékk hann for-
eldra sína til að koma vestur og
matreiða fýlinn. Hann bauð kunn-
ingjum sinum til fýlaveislu. Flest-
ir tóku ekki áhættu og fengu sér
bita áður en farið var til Kjartans.
Þar fengu menn að smakka á fýi í
fyrsta sinn. En hvað kom í ljós?
Maturinn bragðaðist ótrúlega vel
með rófunum og kartöflunum úr
Mýrdal. Töldu sumir þetta vera
hæfíleikum Sigurbjargar Páls-
dóttur í matargerð að þakka. Lík-
legast hefur bæst við ein auðiind í
lífríki Breiðafjarðar.
Morgunbiaðið/Gunnlaugur Árnason
KJARTAN Páll Einarsson með foreldrum sínum Einari Kjartanssyni
og Sigurbjörgu Pálsdóttur frá Þórisholti í Mýrdal. Á matarborðinu er
saltaður fýll, nýjar kartöflur og rófur.
Herra Vesturland
krýndur um helgina
TÍU sjáifboðaliðar voru heiðraðir á aðalfundi RKÍ.
KEPPNIN um herra Vesturland
1998 fer fram í Félagsheimilinu
Klifi í Óiafsvík laugardaginn 10.
október nk.
TIU piltar víðsvegar af Vestur-
landi taka þátt í keppninni að
þessu sinni og hafa þeir undirbú-
ið sig með stífum æfingum und-
anfarnar fjórar vikur. Húsið
verður opnað með léttum veit-
ingum frá Ice Mex kl. 21.30 og
síðar um kvöldið koma keppend-
ur fram. Stúlkur sem tekið hafa
þátt í Fegurðarsamkeppni Vest-
urlands koma einnig fram. Allur
fatnaður sem þátttakendur koma
fram í er frá Versluninni Nínu á
Akranesi. Heiðar Jónsson, snyrt-
ir, verður kynnir kvöldsins.
Dómnefnd skipa þau Þorgrím-
ur Þráinsson, Fjöinir Þorgeirs-
son, Halla Svansdóttir, fegurðar-
ÞÁTTTAKENDUR í keppninni
Herra Vesturland 1998.
drottning Vesturlands 1996, Nína
Stefánsdóttir, verslunareigandi
og Sara Vöggsdóttir, ljósmyndari
keppninnar.
Að krýningu lokinni verður
dansleikur til kl. 3
Morgunblaðið/Silli
Aðalfundur
Hallgrímsdeildar
Prestafélags fslands
Nýr for-
maður
kjörinn
Hellissandi - Hallgrímsdeild
Prestafélags íslands hélt aðal-
fund sinn 5. október sl. og fór
fundurinn fram í safnaðarheim-
ili Ólafsvíkurkirkju. Fundurinn
hófst með helgistund í kirkj-
unni.
Að Hallgrímsdeild Prestafé-
Iags Islands standa allir þjón-
andi prestar á Vesturlandi, þ.e.
í Borgarfjarðar-, Dala- og Snæ-
fellsnesprófastsdæmum. Voru
þeir allir mættir til fundarins
að einum undanskildum sem
var forfallaður vegna veikinda.
Dagskrá fundarins voru
venjubundin aðalfundarstörf og
kosningar. Sr. Friðrik J. Hjart-
ar í Ólafsvík sem verið hefur
formaður undanfarin ár gaf nú
ekki kost á sér til endurkjörs.
Voru honum þökkuð vel unnin
störf að málefnum deildarinnar.
I hans stað var kjörinn sr.
Kristinn Jens Sigþórsson í
Saurbæ á Hvalfjarðarströnd.
Aðrir stjórnarmenn eru; sr.
Karl V. Matthíasson í Grundar-
firði, sr. Gunnar Eiríkur
Hauksson í Stykkishólmi og sr.
Óskar Ingi Ingason í Búðardal.
Stjórnin skiptir síðan með sér
verkum.
Þessum velsótta fundi presta
af Vesturlandi lauk síðan með-
an sameiginlegum kvöldverði á
Gistiheimilinu Höfða.