Morgunblaðið - 16.12.1998, Blaðsíða 60
60 MIÐVIKUDAGUR 16. DESEMBER 1998
MORGUNBLAÐIÐ
Grettir
Hundalíf
Ljóska
/O) Hans, bú ert ráZirui' /
Ftgxtti aasegja, þerað \
ihÖfumCnga.
jtinoa.pó /; tik^y J En eg
* '‘l"~^?:SSr ( rtuki /
/6íý verður að uefja d miUí þtss
C&haf<xfrabxrtstarf. Stórkost-
iL Lrgar sjubrzUrygglngar og -
s eftirtaunjmögulgkaií aZhom-
ast á toppinn ■ ■ ■ eba reykja.
L Ja,, þt-ttrx, e.n/
(■ haröír lcasélr
—\ hjá ykkur r
Ferdinand
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Opið bréf til
formanns Skot-
*
veiðifélags Islands
Frá Kjartani Inga Lorange:
ÉG VAR ekki alveg viss hvort ég
væri vaknaður þegar ég las viðtal
við þig í Morgunblaðinu, sunnudag-
inn 6. desember síðastliðinn.
í þessu stutta viðtali tekst þér
með ótrúlegu hugsunarleysi að
skerða aukatekjur hundraða veiði-
manna um allt land með einni setn-
ingu og þar að auki ertu búinn að
brjóta gegn reglum SKOTVIS, þar
sem segir að meðal annars sé hlut-
verk SKOTVÍS það: að gæta að
hagsmunum skotveiðimanna, og
það er ekki gott mál þegar formað-
urinn sjálfur er farinn að tala gegn
félögum sínum í fjölmiðlum. Mig
langar að vitna í þetta skelfílega
viðtal þar sem þú segir: „Hins vegar
vh’ðist markaðsverðið vera orðið
350 krónur fvrir rjúpu í fiðri og
verður ekki séð að það hækki úr
þessu, enda engin ástæða til,“ ég
bara verð að spyrja þig hvernig þú
getur tekið þér það bessaleyfi að
ákveða þetta með eins hrokafullri
fullyðingu sem þessari?
Eg veit ekki hvað það eru margir
félagsmenn í SKOTVÍS en meðan
þankagangur formanns félagsins er
á þennan veg, efast ég um að þeim
eigi eftir að fjölga, því ef ég man
rétt, messaðir þú af miklum krafti
fyrir ekki löngu að félagið þyiTti að
fá alla sem stunduðu skotveiðar inn
í félagið, því þá fyrst væri hags-
muna veiðimanna gætt af öllu afli í
nafni SKOTVÍS.
Draumar okkar allra eru misstór-
ir, en þó held ég að þessi draumur
þinn hafi verið að að breytast í
martröð með þessu litla viðtali, því
að þótt að félagið sé mótfallið sölu á
villibráð eru þúsundir íslendinga
sem ekki hafa færi á því að veiða
sér sínar rjúpur, en mundu margt
gera til að fá sínar jólarjúpur.
Til eru menn á þessu landi sem
hafa stóran hluta af sínum árstekj-
um af rjúpnaveiðum og það kæmi
mér ekki á óvart, ef þeir hafa lesið
þetta viðtal, að þeir séu enn rasandi
yfir þessum ummælum þínum og
mikið skil ég þá vel, enda held ég að
þeir séu ekki til viðræðu um það að
ganga í SKOTVÍS í dag eða í það
minnsta ekki á meðan þú ert enn
formaður.
Það er nefnilega sorglegt því að
þessir menn eru fullir af fróðleik
sem okkur hinum félagsmönnunum
langar vafalítið að heyra, og þar
hefðu hinir mánaðarlegu spjallfund-
ir SKOTVÍS verið rétti vettvangur-
inn, en því má örugglega gleyma í
bili.
Þú vonandi manst eftir því næst
þegar þú talar í nafni félagsins,
kæri formaður, að það sem er þín
persónulega skoðun hverju sinni er
ekki alltaf rétt, og þótt þér persónu-
lega finnist eitthvað ástæðulaust, þá
á það kannski ekki við undir nafni
SKOTVÍS þvi það væri afar dapur-
legt ef félagið færi að skerða hags-
muni þeirra skotveiðimanna sem
eru hvað virkastir við skotveiðar,
ekki satt?
KJARTAN INGI LORANGE,
veiðimaður og félagi í Skotvís,
Egilsgötu 18, Reykjavík.
Ævisaga þorsksins
Frá Sturlu Friðrikssyni:
FYRIR ári síðan rakst ég á athygl-
isverða bók, þegar ég var á ferð
vestur í Boston í Bandaríkjunum.
Þetta var bókin Cod, Þorskur, eftir
blaðamanninn og rithöfundinn
Mark Kurlansky. Ég keypti mér
þessa bók til lestrar á ferðalaginu,
og þótti hún svo athyglisverð og
skemmtilega skrifuð, að mér
fannst ég endilega þurfa að segja
fleirum frá upplifun minni. Þegar
ég kom heim fór ég því til kunn-
ingja míns, sem gefur út bækur og
sagði honum frá bókinni. Ég taldi
að þarna væri um bók að ræða,
sem Islendingar hefðu endilega
þörf á að kynnast. Af þessari út-
gáfu varð samt ekki fyrir mitt til-
stilli, en aðrir hafa verið sama sinn-
is og ég. Og nú er þessi ágæta bók
komin á markaðinn í íslenskri
þýðingu Ólafs Hannibalssonar og
heitir hér Ævisaga þorsksins.
I bók þessari er raunverulega
rakið hvernig þorskurinn hefur
haft áhrif á hluta veraldarsögunn-
ar. Sýnir höfundur fram á hvemig
þessi auðlind hafsins varð til þess
að fiskimenn sigldu á æ dýpri mið í
leit að þorski. Þannig leiddi þorsk-
urinn sæfara til landafunda, og
þannig urðu auknar siglingar frá
ýmsum Evrópulöndum til þeirra
slóða sem þorsk var að fá í ferskan,
saltaðan eða hertan.
Höfundur lýsir þessu ævintýri á
mjög lipran hátt, þar sem hann
greinir jafnt frá veiðarfærum,
meðhöndlun afurðarinnar og mat-
argerð á þorski ásamt mörgum
þjóðsögum og vísum um þorsk.
Hann hefur víða leitað fanga.
Meðal annars til ýmissa heimildar-
manna hér á landi. Er saga ís-
lenskra veiða rakin á læsilegan
hátt, og að lokum sagt frá þeim
þorskastríðum sem við Islendingar
háðum.
Ég get ekki ímyndað mér annað
en þessi bók eigi erindi til alh-a
landsmanna, því við höfum um ald-
araðir einmitt átt afkomu okkar að
hluta undir þorski.
STURLA FRIÐRIKSSON,
náttúrufræðingur.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teijast samþykkja þetta, ef ekki fylgir fyrirvari hér að lútandi.