Morgunblaðið - 23.12.1998, Blaðsíða 22
22 MIÐVIKUDAGUR 23. DESEMBER 1998
VIÐSKIPTI
MORGUNBLADIÐ
Fosshótel ehf.
í viðræðum við
Lykilhótel hf.
Rætt um að leigja sex Lykilhótel
VIÐRÆÐUR standa yfír milli
Fosshótela ehf. og Lykilhótela hf.
um rekstur Fosshótela á sex Lykil-
hótelum. Gert er ráð fyrir að átta
ára leigusamningur verði undirrit-
aður í vikunni. Fosshótel hafa
einnig gert samning um rekstur á
hóteli á Reyðarfirði og sumarhóteli
á Laugum í Þingeyjarsýslu. Jafn-
framt eiga Fosshótel í viðræðum við
12-15 hótel á landsbyggðinni með
samstarf í huga.
Lykilhótelin sex verða rekin und-
ir nafni Fosshótela, en þau eru:
Hótel Örk, Hótel Cabin, Hótel Val-
höll, Hótel Norðurland, Hótel Mý-
vatn og Hótel Garður. Hótelið á
Reyðarfirði er í smíðum en þar
verða 28 herbergi með baði og fund-
arsölum. Gert er rað fyrir að það
verði tilbúið í maí. A sumarhótelinu
á Laugum eru 75 herbergi en hafist
verður handa við byggingu á gisti-
álmu á næsta ári. Gert er ráð fyrir
að álman verði tilbúin árið 2001.
Guðmundur Jónsson ehf. á nú öll
gardeur®
- b u x u r
ferm
GARÐURINN
-klæðirþigvcl
hlutabréf í Fosshótelum en fyrir-
tækið nýtti sér forkaupsrétt á 70%
hlut í Fosshótelum þegar Lykilhótel
sýndu áhuga á kaupum í hótelkeðj-
unni. Ólafur Þorgeirsson, fram-
kvæmdastjóri Fosshótela, segir að
viðræður standi yfir við væntanlega
nýja hluthafa og að eigendur Lykil-
hótela séu þeirra á meðal. Hann
segir að ætlunin sé að enginn fram-
tíðarmeirihluthafi Fosshótela eigi
meirihluta í félaginu.
Guðmundur Jónsson ehf. átti fyr
ir kaupin 30% í Fosshótelum en
keypti þrjá meðeijgendur sína út,
Úrval-Utsýn hf., Omar Benedikts-
son framkvæmdastjóra Islands-
flugs, og Halldór Bjarnason eig-
anda Safarí-ferða. Ómar og Úrval-
Útsýn áttu hvort um sig 30% en
Halldór 10%.
Viðræður við
fleiri hótel
Ólafur segir að Fosshótel eigi í
viðræðum við fjögur hótel á lands-
byggðinni um samstarf og ber hug-
rnyndin heitið Fosshótel-Partners.
Gert er ráð fyrir að hótelin fjögur
verði með sameiginlegt bókunar-
kerfi og markaðsstarf. Hann segir
að mun fleiri Iandsbyggðarhótel
hafi sýnt hugmyndinni áhuga og
gera mætti ráð fyrir að 12-15 hótel
tækju þátt í samstarfinu.
„Þróunin hefur verið í þá átt er-
lendis að hótel snúi bökum saman
og myndi keðjur til hagræðingar.
Þegar samstarf við Lykilhótelin sex
tekur gildi 1. janúar verða Fosshót-
el stærsta hótelkeðja landsins með
17 hótelum og 917 herbergjum,"
segir hann. Olafur segir að áætluð
velta Fosshótela í ár verði einn
milljarður króna.
56% eiga farsíma
í Finnlandi
Helsinki. Reuters.
FINNAR eiga fleiri farsímatæki
en venjuleg símtæki sem tengd
eru við jarðstreng að sögn
finnska samgönguráðuneytisins.
í Finnlandi eru fleiri farsímar
á mann en í nokkru öðru landi
og eiga 56 af hundraði þráðlaus-
an síma. Þessi tala gæti aukizt í
60 af hundraði næsta vor sam-
kvæmt tilkynningu frá ráðu-
neytinu.
Farsímanotendur í Finnlandi
eru alls 2,9 milljónir að sögn
ráðuneytisins. Það segir að nýj-
um áskrifendum á þessu ári hafi
fjölgað um 60.000 á mánuði,
GULLVERÐLAUNATÆKW
NOVAFON
- Besta jólagjöjin -
Novafon
uppáhald
íþróttafólks
Novafon
gegn gigt og
vöðvabólgu
Novafon
vinnur gegn
hrukkum á
ótrúlega
skömmum
tíma
Novafon
fyrir pabba
og mömmu,
afa og
ömmu,
fyrir alla
Andlits-
Jyfting með
Novafon,
fijótvirk og
þægileg
Heilsuhom Þumalínu
Pósthússtræti 13,
s. 551 2136. Póstsendum.
MFA
Byggingafélag stofnað
vegna framkvæmda í
Blikastaðalandi
SÍMI 533 1818 • FAX 533 1819
Stutt námskeið fyrir
trúnaðarmenn stéttarfélaga
MENNTUN FYRIR ALLA
ÍAV með
þriðjungshlut
ÍSLENSKIR aðalverktakar hf.
(ÍAV) hafa ásamt Armannsfelli hf.
og Óháða fjárfestingarsjóðnum hf.
stofnað Byggingafélagið Úlfarsfell.
Hlutur ÍAV hf. í félaginu er um 33%.
Tilgangur hins nýstofnaða félags
er einkum að standa fyrir allri þróun
og uppbyggingu í Blikastaðalandi á
mörkum Mosfellsbæjar og Reykja-
víkur að því er fram kemur í frétt frá
ÍAV. Ætlunin er að Byggingafélagið
Úlfarsfell hf. stýri þróunarstarfi fyr-
irhugaðrar byggðar og framkvæmd-
um þar á næstu árum.
Stofnendurnir hyggjast á næst-
unni fá fleiri innlenda og erlenda
stofnana- og fagfjárfesta, sem og
verktaka sem búa yfir sérþekkingu á
þessu sviði, til liðs við félagið.
Heildarhlutafé hins nýja félags
nemur rúmum 116 milljónum króna
en heimilt er að auka hlutafé í 150
milljónir.
------♦♦♦--------
Air France selt
að stórum hluta
París. Reuters.
FRANSKA stjórnin mun selja hluta-
bréf í ríkisflugfélaginu Air France
fyrir líklega 3,5-4,5 milljarða frakka,
eða 720 milljónir dollara, þegar út-
boð hlutabréfa fer fram á næsta ári,
að sögn talsmanns félagsins.
Ef allt er með talið gæti hlutur
franska ríkisins í Air France minnk-
að í allt að 51% að sögn talsmannins.
Samkeppnis-
ráð um
áfengisinn-
kaup
og -sölu
SAMKEPPNISRÁÐ telur að af-
greiðsla ATVR á innkaupum og
sölu innlends Carlsberg bjórs sé
ekki í samræmi við þær skyldur
sem á ÁTVR hvíla á grundvelli yf-
irburðastöðu fyrirtækisins og
þeirra lagaákvæða, sem stofnun-
inni ber að fara eftir.
Kvartað var yfir því með hvaða
hætti Carlsberg bjór var tekinn til
sölu í verslunum ÁTVR, en fram
kemur í áliti Samkeppnisráðs
vegna kvörtunarinnar, að innkaup
og sala ÁTVR á Carlsberg bjór
leiði til mismununar milli innlendra
framleiðenda og innflytjenda, þar
sem hallað er á innflytjendur. Sé
slík mismunun andstæð markmiði
samkeppnislaga og laga um versl-
un með áfengi og tóbak. í kvörtun-
armálinu var því haldið fram, án
mótmæla af hálfu ÁTVR, að nú-
gildandi ákvæði um þróunarflokk í
reglum nr. 117/1998 raski sam-
keppni og brjóti gegn ákvæðum
E E S-samningsins.
Rök kvartanda voru þau að
ÁTVR hafi stytt venjulegan 18
mánaða biðtíma fyrir nýja vöruteg-
und þegar ÁTVR hóf sölu á inn-
lendum Carlsberg bjór með ís-
lensku vatni. Samkeppnisráð bend-
ir á að ákvörðun um að hefja sölu á
nýrri bjórtegund án undangengins
biðtíma í þróunarflokki, skapi sölu-
aðila þeirrar vöru forskot á keppi-
nauta sína sem eftir atvikum hafa
þurft að bíða mánuðum saman eftir
að geta hafið sölu á sínum vöruteg-
undum.
Samkeppnisráð beinir þeim til-
mælum til stjómar ÁTVR að fram-
vegis verði gætt þeirra sjónarmiða
um jafnræði birgja og felast í
ákvæðum samkeppnislaga um
verslun með áfengi og tóbak.
-------♦-♦♦-----
MGHLtd. í
Bretlandi verð-
ur Eimskip UK
FRÁ og með 1. janúar 1999 verður
nafni MGH Ltd. í Bretlandi breytt
í Eimskip UK.
í fréttatilkynningu frá Eim-
skipafélaginu segir að MGH sé rót-
gróið flutningafyrirtæki, stofnað
1865. Það hefur verið umboðsaðili
fyrir Eimskip frá 1924. Eimskip
hefur átt hlut í MGH frá 1981 og
frá 1991 hefui' fyrirtækið verið al-
farið í eigu Eimskips.
Aðalstarfsemi Eimskips UK er
alþjóðleg flutningaþjónusta og um-
boðsmennska fyrir skipafélag og
flutningaþjónusta á breskum
markaði. Eimskip UK á og rekur
dótturfyrirtækið East Trans, sem
annast landflutninga á Bretlandi
og til meginlands Evrópu með eig-
in vöruflutningabifreiðum.
„Starfsstöðvar fyrirtækisins á
Bretlandi eru á þremur stöðum,
Immingham, Felixstowe og Hull
og eru vörumóttökustöðvar á sömu
stöðum, auk Glasgow og London.
Höfuðstöðvar fyrirtækisins eru í
Immingham.
Nafnabreytingin er liður í að
byggja upp samræmda ásýnd á
starfsstöðvum Eimskips í Evrópu,"
segir í tilkynningunni frá Eim-
skipafélaginu.
MGH hefur undanfarin ár rekið
skrifstofur í Eystrasaltsríkjunum
og Rússlandi, en ákveðið hefur ver-
ið að sú starfsemi muni frá 1. janú-
ar 1999 heyra undir Eimskip á Is-
landi.
Starfsmenn Eimskips UK eru
rúmlega sjötíu og framkvæmda-
stjóri er Jón B. Stefánsson.