Morgunblaðið - 20.02.1999, Blaðsíða 2
2 LAUGARDAGUR 20. FEBRÚAR 1999
MORGUNBLAÐIÐ
FRÉTTIR
Islenskar sjávarafurðir hf. senda út afkomuviðvörun vegna rekstrartaps
Heildartap gæti verið á bilinu
300 til 500 milljónir króna
TAP íslenskra sjávarafurða hf. á
seinni helmingi ársins 1998 varð
miklum mun meira en á fyrri hluta
ársins og er það fyrst og fremst
rakið til erfiðleika í rekstri Iceland
Seafood Corporation, dótturfyrir-
tækis ÍS í Bandaríkjunum. Náðu
margháttaðar aðgerðir sem gripið
var til af stjórn félagsins ekki að
skila sér sem neinu nemur í bættri
afkomu á síðasta ári. Stjóm IS
sendi Verðbréfaþingi Islands af-
komuviðvörun í gær og í kjölfarið
lækkaði gengi bréfa IS úr 2,0 í
1,85, eða um 7,5%, og var það
mesta lækkun dagsins á hluta-
bréfamarkáði.
Tap fyrstu sex mánuðina
rúmar 137 milljónir
Tap IS-samstæðunnar fyrstu sex
mánuði ársins var rúmar 137 millj-
ónir króna og að sögn Rósants Más
Torfasonar hjá Viðskiptastofu Is-
landsbanka ætti heildartap sam-
stæðunnar á árinu því að vera á bil-
inu 300-500 milljónir. Segir hann
að þar með hafi reksturinn þegar
étið upp það fjármagn sem fékkst
með hlutafjárútboði fyrr á þessu
ári;
í tilkynningunni frá IS kemur
fram að strax upp úr miðju ári 1998
hafi verið byrjað að vinna að breyt-
ingum á rekstri Iceland Seafood
Corporation og mikil vinna lögð í
stefnumótun, endurskoðun, áætl-
anagerð og fjárhagslega endur-
skipulagningu. Pessar aðgerðir hafi
fengið aukið vægi I byrjun nóvem-
ber þegar Benedikt Sveinsson, for-
stjóri IS, fluttist vestur um haf og
tók við yfirstjórn fyrirtækisins.
Samkvæmt heimildum Morgun-
blaðsins mun Hal Carper, sem áður
var forstjóri fyrirtækisins og síðan
sölustjóri eftir að Benedikt tók við
stjóminni, láta af störfum hjá fyrir-
tækinu í næstu viku.
Fram kemur í tilkynningunni að
þær aðgerðir sem gripið var til séu
farnar að sýna bættan hag á fyrstu
vikum ársins 1999 og ástæða sé til
að ætla að það stefni í rétta átt þótt
of snemmt sé að fullyrða um ár-
angurinn ennþá. Rekstraráætlun
þessa árs gerir ráð fyrir hagnaði af
rekstri samstæðunnar og til að
styrkja eiginfjárstöðu og efnahag
mun stjóm fyrirtækisins óska eftir
heimild til hlutafjáraukningar á að-
alfundi sem haldinn verður 26.
mars næstkomandi.
Að sögn Hermanns Hanssonar,
stjórnarformanns IS, voru tals-
verð frávik frá áætlunum í af-
komu annarra fyrirtækja innan
ÍS-samstæðunnar, en þó veiga-
minni en hjá Ieeland Seafood
Corporation. Sagði hann frávikin
vera í báðar áttir, en á þessari
stundu gæti hann ekki nefnt nein-
ar tölur enda endanlegu uppgjöri
ekki lokið.
Hlýtur að vekja hluthafa
til umhugsunar
Rósant Már Torfason hjá Við-
skiptastofu Islandsbanka áætlar að
heildartap IS-samstæðunnar á ár-
inu ætti að vera á bilinu 300-500
milljónir, og þar með hafi rekstur-
inn þegar étið upp það fjármagn
sem fékkst með hlutafjárútboði
fyrr á þessu ári.
„Þessi niðurstaða hlýtur að
vekja hluthafa til umhugsunar um
það hvort ekki sé vænlegra að fara
í frekara samstarf eða sameining-
arviðræður við Sölumiðstöð hrað-
frystihúsanna en að dæla meiri
peningum inn í fyrirtækið, en
stjórnin mun á aðalfundi óska eftir
heimild til hlutafjáraukningar til að
styrkja eiginfjárstöðu og efnahag.
Ef félagið fer í hlutafjáraukningu á
þessu ári verður það í fimmta
skiptið frá árinu 1994 sem hlutafé
er aukið í félaginu.
Rekstraráætlun þessa árs gerir
ráð fyrir hagnaði af rekstri sam-
stæðunnar. Verð á hráefni fyrir
verksmiðjuna í Bandaríkjunum
hefur hækkað um 60% frá því hún
var opnuð og erfitt er að sjá að
hægt sé að velta þessari hækkun út
í afurðaverðið þar sem stað-
kvæmdavörur svo sem kjúklingur
og svínakjöt hafa verið að lækka í
verði. Einnig er þensla á vinnu-
markaðnum vestanhafs, sem gerir
ÍS enn erfiðara fyrir. Ytri skilyrði
virðast því vera mjög erfið og það
er greinilegt að nýs stjórnanda bíð-
ur erfitt hlutverk," sagði Rósant
Már.
Hjónum
með ungt
barn bjarg-
að úr neyð-
arskýli
HJÓNUM með fjögurra ára
barn var bjargað úr neyðar-
skýlinu við Mánárskriður á Al-
menningum á Siglufjarðarvegi
í gærmorgun. Pau höfðu lagt
af stað á jeppa frá Reykjavík á
fimmtudag og höfðu verið á
ferðinni á Siglufjarðai-vegi síð-
an aðfaranótt föstudags. Þau
létu vita af sér úr neyðarskýl-
inu á níunda tímanum í gær-
morgun. Verktakar á vegum
Vegagerðarinnar sóttu
strandaglópana á snjóblásara
og eftirlitsbíl og afhentu þá
björgunarsveitinni Skagfirð-
ingasveit við Ketilás en hún
kom þeim til Sauðárkróks.
Ekkert amaði að fjölskyld-
unni, utan þess að henni var
farið að kólna. Jeppinn var
skilinn eftir, en Siglufjarðar-
vegur var lokaður vegna
ófærðar, því þar var svartabyl-
ur í gær. Nokkur snjóflóð féllu
á Siglufjarðarveg aðfaranótt
föstudags og lokuðu þau vegin-
um algjörlega svo ófært var til
Siglufjarðar. Beðið var átekta
uns óveðrinu slotaði svo unnt
yrði að opna veginn á ný.
Morgunblaðið/Ásdís
Dæmdir til að lækka kröfur
Samning'ur
við Verkafl
lagður fyrir
bæjarráð
SAMNINGUR við fyrirtækið Verkafl
um byggingu fjölnota íþróttahúss,
sem á að verða tilbúið í byrjun næsta
árs, verður að öllum líkindum lagður
íyrir bæjarráð Reykjanesbæjai- í
næstu viku. Húsið verður í eigu verk-
takafyrirtækisins sem leigir það út til
bæjarins. Samkvæmt heimildum
Morgunblaðsins verður leigan um 27
milljónir króna á ári.
Bygging hússins var boðin út í lok-
uðu útboði í október sl. og aðaltilboð
og frávikstilboð bárust frá tveimur
fyrirtækjum, Armannsfelli og
Verkafli. ,Ákveðið var að fara í svo-
kallaðar skýringarviðræður við
Verkafl á grundvelli eins af frá-
vikstilboðum þeirra,“ segir Jónína
Sanders, forseti bæjarstjórnar í
Reykjanesbæ. „Þær leiddu í ljós að
menn geta náð samkomulagi um að
þeir byggi fjölnota íþróttahús sem
kostar 371 milljón króna. I húsinu
verður knattspyrnuvöllur í fullri
stærð og á honum verður gervigras í
hæsta gæðaflokki. Húsið verður
upphitað og gert er ráð fyrir áhorf-
endastæðum fyrir 1000-1500 manns.
Loks er í húsinu búningsaðstaða og
þjónusturými."
Samkvæmt samningnum mun bær-
inn leigja og reka húsið og sinna eðli-
legu viðhaldi en Verkafl tekur að sér
allar meiriháttar viðgerðir utanhúss
fyrstu fimm árin. Bærinn hefúr mögu-
leika á að kaupa húsið ef óskað er.
A gangi
um álfalönd
GÖNGULEIÐIN á hæðinni við
Kópavogskirkju er hlykkjótt og
stórgrýtt en konan með hettuna og
veskið gengur eins og dáleidd af
huldufólki innan um þessa álfa-
byggð, og virðist gefa því lítinn
gaum þó hún sé á mörkum hins
óútskýranlega.
HÉRAÐSDÓMUR Reykjavíkur
komst að þeirri niðurstöðu á fóstu-
dag að íslenska ríkið hafi eignast
fasteign Akranesbúa á nauðungar-
uppboði töluvert undir sannvirði og
dæmdi því ríkið til að lækka eftir-
stöðvar krafna á hendur Akranesbú-
anum um 2,3 milljónir króna vegna
launaskatts, virðisaukaskatts og
annaira opinberra gjalda vegna ár-
anna 1988-1996. Akranesbúinn, sem
skuldaði 7,9 milljónir króna í opinber
gjöld fyrir umrætt tímabil, stefndi
ríkinu og krafðist þess að eftirstöðv-
arnar yrðu lækkaðar um það sem
næmi mismun uppboðsvirðis og sölu-
verðs fasteignarinnar að verðmæti
10 milljónir króna samkvæmt mati
dómkvaddra matsmanna.
Tveir löggiltir fasteignasalar, sem
voru meðdómendur við Héraðsdóm
Reykjavíkur, töldu hins vegar eignina
vera 9,5 miHjóna króna virði og
studdist dómari við þá upphæð við
uppkvaðningu sína og féllst með þeim
hætti á dómkröfur stefnanda.
Ríkið eignaðist fasteignina 11.
maí 1994 fyrir 7,2 milljónir króna
sem hæstbjóðandi á nauðungarupp-
boðinu.
mrjm
Á LAUGARDÖGUM
Damon Johnson stefnir
í NBA-deildina/B2
Nær Arnar að skora
hjá David Seaman?/B4
Fylgstu
með
nýjustu
fréttum
www.mbl.is