Morgunblaðið - 20.02.1999, Blaðsíða 18
18 LAUGARDAGUR 20. FEBRÚAR 1999
LANDIÐ
MORGUNBLAÐIÐ
AKUREYRI
Ibúðir fyrir náms-
menn í Sunnuhlíð?
REKSTRARAÐILAR í verslun-
armiðstöðinni Sunnuhlíð hafa
rætt um möguleika á að taka nýj-
an rekstur inn í húsnæðið og hafa
ýmsar hugmyndir komið upp á
borðið. Samkvæmt heimildum
Morgunblaðsins munu fulltrúar
húsfélagsins og fulltrúar frá Fé-
lagsstofnun stúdenta á Akureyri,
FESTA, hittast fljótlega og ræða
þann möguleika að taka hluta
húsnæðisins undir stúdentaíbúð-
ir.
Seselía Gunnarsdóttir, formaður
hússtjórnar í Sunnuhlíð og kaup-
maður í Vöggunni, og Pálmi Stef-
ánsson kaupmaður í Tónabúðinni
vildu á þessari stundu ekki ræða
málefni verslunarmiðstöðvarinnar.
Jónas Steingrímsson rekstrar-
stjóri vildi hvorki játa né neita því
að þessi hugmynd hafi komið til
tals.
„Það er þó framkvæmdahljóð í
okkur og við stefnum að því að
fjölga stúdentaíbúðum íyrir næsta
haust. Nemendum fjölgar stöðugt
og myndast biðlistar á haustin
enda töluverður húsnæðisskortur í
bænum,“ sagði Jónas.
V erslunarrekstur
hefur verið erfíður
I verslunarmiðstöðinni Sunnu-
hlíð, sem stendur við samnefnda
götu í Glerárhverfi, eru yfir 20
verslanir og þjónustufyrirtæki.
Eins og fram kom í Morgunblað-
inu í vikunni hefur rekstur mat-
vöruverslunar KEA og rekstur ap-
óteks félagsins gengið illa og er í
endurskoðun. Einnig kom fram að
verslunarrekstur þar hafi verið
erfiður og að þeir sem til þekktu
teldu það reiðarslag fyrir aðrar
verslanir yrði matvöruversluninni
lokað. Ekki var þó verið að gefa í
skyn að allur verslunarrekstur í
Sunnuhlíð væri rekinn með bull-
andi tapi.
Hins vegar eru margir viðmæl-
endur Morgunblaðsins sammála
um að verslunarmiðstöðin sé ekki
vel í sveit sett, fjarri fjölfömum
umferðaræðum en þó inni í nokkuð
stóra íbúðarhverfi. Þetta kemur til
með að breytast eitthvað með til-
komu Borgarbrautarinnar og brú-
arinnar yfir Glerá. Þá styttist jafn-
framt leiðin í Háskólann á Sólborg,
komi til þess að gera stúdentaíbúð-
ir í verslunarmiðstöððinni.
Einnig var nokkuð lengi rætt
um að húsnæði Sunnuhlíðar myndi
henta mjög vel Heilsugæslustöð
bæjarins, bílastæði væra næg og
aðgengi gott. Heilsugæslustöðin er
við Hafnarstræti og er aðkoman
að henni erfið. Þar á líka að fara að
framkvæma fyrir tugi milljóna
króna, svo að varla verður stofnun-
in flutt úr þessu.
Morgunblaðið/Kristj án
Kirkjustarf
Ekkert úti-
leguveður
ENGU er líkara en þetta unga
fólk sé á leið í útilegu en ljós-
myndari rakst á það á ferðinni
um miðbæ Akureyrar. Veðrið
bauð að vísu ekki upp á slíkar
áætlanir og líklegast að fólkið
hafí verið í öðrum hugleiðingum
en að slá upp tjaldi.
-----------
Tónlistarskólinn
Kynning-
arvika
KYNNINGARVIKA Tónlistar-
skólans á Akureyri hefst næstkom-
andi mánudag, 22. febrúar, en í
vikunni verða haldnir allt að 60
tónleikar víðs vegar um bæinn auk
þess sem sérstök kynning á starf-
semi skólans verður fyrir bæjar-
fulltrúa, skólanefnd, fulltrúa for-
eldra og fleiri. Tónleikamir verða í
skólum bæjarins, leikskólum, heil-
brigðisstofnunum, bönkum, veit-
ingastöðum og fyrirtækjum.
I dag, laugardag, kl. 13.30 ætla
nemendur í hörpuleik að leika á
hljóðfæri sín ásamt kennara sínum
í Tónlistarskólanum á Akureyri.
AKUREYRARKIRKJA: Fjöl-
skylduguðsþjónusta kl. 11 á morg-
un, sunnudag. Sungnir söngvar frá
Taize. Séra Kristín Þórann Tómas-
dóttir og sr. Svavar A. Jónsson.
Sunnudagaskólaböm og foreldrar
þeirra hvött til að koma. Fundur í
æskulýðsfélaginu kl. 17. Biblíulestur
í safnaðarheimili kl. 20.30 á mánu-
dagskvöld í umsjá sr. Guðmundar
Guðmundssonar. Mömmumorgunn
kl. 10 til 12 á miðvikudag. Föst-
uguðsþjónusta kl. 20.30 um kvöldið.
Kyrrðar- og fyrirbænastund í há-
deginu frá kl. 12 og hefst með orgel-
leik.
GLERÁRKRIKJA: Bamasam-
vera og messa í kirkjunni kl. 11 á
morgun. Sameiginlegt upphaf.
Fermingarbörn og foreldrar þeirra
hvött til að mæta. Sr. Sigurður
Ami Þórðarson predikar. Hann
verður einnig með fræðslu fyrir
fermingarbörn og foreldra þeirra í
safnaðarsal eftir messu. Fundur
æskulýðsfélagsins er kl. 20. Kyrrð-
ar- og tilbeiðslustund kl. 18.10 á
þriðjudag. Hádegissamvera fellur
niður á miðvikudag. Æfingar
bamakórs kirkjunnar hefjast að
nýju. Fjölskyldusamvera frá kl. 10
til 12 á fimmtudag.
HJÁLPRÆÐISHERINN:
Sunnudagaskóli kl. 11 á morgun,
almenn samkoma kl. 17 og ung-
lingasamkoma kl. 20. Heimilasam-
band á mánudag kl. 15. Krakka-
klúbbur fyrir 6-10 ára á mivðkudag
kl. 17 og hjálpai-flokkur fyrir konur
kl. 20 um kvöldið. Á föstudag verð-
ur 11 plús mínus fyrir 10 til 12 ára
og flóamarkaður frá kl. 10 til 17.
HVÍTASUNNUKIRKJAN:
Bænastund kl. 20 í kvöld. Sunnu-
dagaskóli fjölskyldunnar kl. 11.30 á
morgun, sunnudag. Biblíukennsla
fyrir alla aldurshópa, Ester Jak-
obssen og Vörður L. Traustason
sjá um kennsluna. Vakningasam-
koma kl. 16.30 sama dag, Ester og
Vörður predika. Fjölbreyttur söng-
ur, fyrirbæn, bamapössun fyrir
börn yngri en 6 ára. Vonarlínan,
462-1210, símsvari allan sólar-
hringinn með uppörvunarorð úr
ritningunni.
KAÞÓLSKA KIRKJAN: Messa
í dag, laugardag kl. 18 og á morg-
un, sunnudag kl. 11 í kirkjunni við
Eyrarlandsveg 26.
ÓLAFSFJARÐARKRIKJA:
Sunnudagaskóli kl. 11 á morgun,
Taize-messa kl. 20.30, sr. Kristín
Þórunn Tómasdóttir héraðsprestur
á Kjalarnesi stjómar messunni
ásamt sóknarpresti. Mömmumorg-
unn í safnaðarheimili kl. 10 til 12 á
miðvikudag. Föstusamvera og
Passíusálmalestur á Hornbrekku
kl. 20. á miðvikudag.
Morgunblaðið/Ólafur Bernódusson
ÞÁTTTAKENDUR á námskeiðinu um stofnun fyrirtækja.
Konur læra að
stofna fyrirtæki
Skagaströnd -15 konur úr Skaga-
firði og Húnavatnssýslum taka nú
þátt í námskeiði um stofnun og
rekstur fyrirtækja. Námskeiðið sem
kallast „A traustum grunni - frá
hugmynd til framkvæmda" er á veg-
um Iðnþróunarfélags Norðurlands
vestra og Iðntæknistofnunar. Nám-
skeiðið hófst í nóvember og líkur því
nú í mars.
Á námskeiðinu læra konurnar að
stofna fyrirtæki og um leið að gera
viðskiptahugmynd sína að veruleika.
Konurnar hittast annan hvem laug-
ardag og hlýða þá á fyrirlestra um
stofnun og rekstur fyrirtækja. Fund-
irnir eru haldnir til skiptis á þéttbýl-
isstöðunum í Skagafirði og Húna-
vatnssýslum til að jafna sem mest
ferðakostnað kvennanna. Nokkrar
þeirra eru nú þegar með fyrirtæki
en aðrar eru með hugmyndir sem
þær langar að koma í framkvæmd.
Tilgangur námskeiðsins er einmitt
sá að ný fyrirtæki verði stofnuð og
þar með aukist fjölbreytni atvinnu-
lífsins á svæðinu og ný störf verði til.
Viðskiptahugmyndir kvennanna eru
af margvíslegum toga: verslun og út-
gáfustarfsemi, veitingarekstur,
framleiðsla handverksmuna og
fleira.
Aðalleiðbeinendur á námskeiðinu
eru tveir starfsmenn Iðnþróunarfé-
lagsins, Bjarnheiður Jóhannsdóttir
jafnréttisráðgjafi og Hörður Rík-
arðsson atvinnuráðgjafi. Auk þeirra
koma nokkrir stundakennarar við
sögu og fjalla um ýmis sérhæfð mál-
efni.
Verkefninu lýkur á því að hópur-
inn kemur saman í Reykjavík og þar
á hver kona að kynna viðskiptaáætl-
un sína fyrir hinum í hópnum, sem
þá munu gegna hlutverki tilvonandi
fjárfesta.
Morgunblaðið/Guðrún Vala Elísdóttir
Grímuball í Laugagerðisskóla
Eyja- og Miklaholi shreppi -
Grímuball var haldið í Lauga-
gerðisskóla fyrir nemendur,
yngri systkini, foreldra og kenn-
ara á öskudaginn. Skylda var að
vera í grímubúning og sáust ýms-
ir kynlegir kvistir. Kötturinn var
sleginn úr tunnunni og tunnu-
kóngurinn krýndur. „Rauðhetta"
var krýnd kattardrottning en
henni tókst að höggva á bandið
sem tunnan hékk í. Þegar allir
höfðu gætt sér á sætindum og
gosi var dansað og farið í leiki.
Morgunblaðið/Sigurður Aðalsteinsson
Snjóbolti á strengnum
Vaðbrekku, Jökuldal - Kláfurinn
við brúna yfir Jökulsá á Dal við Brú
á Jökuldal hangir enn á sínum stað.
Þótt kassinn sé farinn að láta á sjá
eru vírarnir enn á sínum stað og í
nokkuð góðu ásigkomulagi. Nú á
dögunum þegar Ármann Halldórs-
son var að moka snjó af veginum við
brúarsporðinn hefur einn snjókögg-
ullinn lent á öðram vírnum og hang-
ir þar uppi. Þarna hefur því mynd-
ast allsérstætt umhverfislistaverk.