Morgunblaðið - 25.03.1999, Qupperneq 66

66 FIMMTUDAGUR 25. MARZ 1999
MORGUNBLAÐIÐ
Grettir
Hundalíf
Ferdinand
Gjörðu svo vel... sjö smákökur ... Dagarnir líða sannarlega
ein fyrir hvern vikudag ... hratt, er það ekki?
BREF
TIL BLAÐSINS
Kringlunni 1 103 Reylgavík • Sími 569 1100 • Símbréf 569 1329
Hver er
þessi Alli?
Frá Sigrúnu Þorsteinsdóttir:
NÝLEGA hélt Sjálfstæðisflokkur-
inn landsfund sinn undir yfirskrift-
inni ÁRANGUR FYRIR ALLA.
Spaugstofumenn fjölluðu lítillega
um þennan Alla sem Sjálfstæðis-
flokkurinn vill að nái árangri.
Þetta hefur fengið mig og fleiri til
þess að reyna að komast til botns í
því hver hann er eiginlega þessi
Alli. Er hann eitthvað tengdur út-
gerð eða kvótabraski? Það gæti
verið, allavega hefur Sjálfstæðis-
flokkurinn gengið ötullega fram í
að vissir menn geti náð gífurlegum
árangri á því sviði. Þetta gæti
sennilega líka verið einhver Alli
innan einhvers stórfyi-h-tækis, eða
jafnvel einhver í stóru verslunar-
keðjunum. Að minnsta kosti er
þetta ekki aldraður maður sem
þarf að lifa á ellilífeyrinum einum
saman. Ekki heldur þó svo að
þessi sami maður hafi unnið fullan
vinnudag langa ævi. Því sam-
kvæmt kokkabókum Sjálfstæðis-
flokksins er ekki einu sinni þörf á
því að svoleiðis maður geti náð
endum saman í ellinni, hvað þá náð
einhverjum umtalsverðum ár-
angr-i.
Er AIIi kosningabrella?
Þetta getur ekki heldur tengst
heilbrigðiskerfinu, því þar er það
bara niðurskurðarsöngurinn sem
ómar sí og æ. Eitthvað annað en
þegar landsfundur flokksins var
haldinn, þá þurfti ekkert að skera
við nögl. Þá voru til nógir peningar
til að kaupa upp heilu fréttatímana
í fjölmiðlum og vera nánast með
fundinn í beinni útsendingu. Ekki
vegna þess að Sjálfstæðisflokkur-
inn væri kominn út í kosningabar-
áttu, því þá hefði jafnræðisregla
ríkisfjölmiðla verið brotin, nema ef
landsfundir allra flokka væru líka í
beinni.
Er Alli kona?
En núna þegar Davíð formaður
hefur um stundarsakir lagt
hrokatóninn til hliðar og er farinn
að tala í tóni einlægni og trúnaðar
væri ekki úr vegi að hann upplýsti
hver hann er þessi Alli. Flestir vita
að sjálfsögðu að Alli er ekki kona,
það liggur auðvitað í augum uppi.
Sjálfstæðisflokkminn hefur aldrei
haft neinn sérstakan áhuga fyrir
því að konur nái árangri, ekki einu
sinni innan flokksins, hvað þá í
stóru feitu embættunum eins og á
ráðherrastóli, eða sem sendiherrar
og yfirmenn stóiTa stofnana eins
og t.d. Landsvirkjunar.
Þekkir biskupinn Alla?
Þetta er að verða flókið með
hann Alla, alveg áreiðanlega er
hann ekki öryrki. Meira að segja
biskupinn veit það. Varðandi þjóð-
félagslega umræðu hafa kirkjunn-
ar menn hingað til ekki fundið
neina sérstaka þörf hjá sér til þess
að rjúfa hina heilögu þögn sem
hefur umlukið þá. En nú er orðið
svo greinilegt að öryrkjar ná varla
árangri við það eitt að halda lífi,
hvað þá að þeir hafi möguleika á
einhverju öðru, að jafnvel bisk-
upinn rýfur þögnina og krefst ein-
hvers árangurs fyrir þeirra hönd.
Eg er að velta því fyrir mér hvort
Davíð gæti ekki með einhverju
móti fengið smá innskot í sjón-
varpi, þó að landsfundinum sé lok-
ið, og sagt okkur í trúnaðar- og
einlægnistóninum. Hver er Alli?
SIGRÚN ÞORSTEINSDÓTTIR,
í stjórn Húmanistaflokksins.
Nýbýlavegi 12, sími 554 4433
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.
UNDIR-
FATALÍNA
Kringlunni
S.553 7355