Morgunblaðið - 17.04.1999, Síða 92
MORGUNBLAÐIÐ, KRINGLAN1,103 REYKJAVIK, SÍMI5601100, SÍMBRÉF5691181
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
LAUGARDAGUR 17. APRÍL 1999
VERÐ í LAUSASÖLU 150 KR. MEÐ VSK
Enginn árangur af viðræðum við kennara í gær
- Agreiningur er um
kennsluafsláttinn
FORYSTUMENN Kennarasam-
bands Islands og fulltrúar í launa-
nefnd sveitarfélaganna ræddust
við óformlega í gær og var farið yf-
ir ágreiningsmál varðandi gerð til-
raunakjarasamnings. Viðræðurnar
báru engan árangur. Meginágrein-
ingur deiluaðila er um afslátt af
kennsluskyldu og verðlagningu á
þessum afslætti, en launanefndin
hefur boðist til að kaupa hann af
kennurum.
Eiríkur Jónsson, formaður KI,
sagði að staðan væri óbreytt. „Það
er mitt mat að það sé búið að eyði-
leggja þessa vinnu. Eg sé ekki
framtíðina í þessu máli.“
Eiríkur sagði engar aðgerðir í
undirbúningi af hálfu Kennarasam-
bandsins. KI hefði gert kjarasamn-
ing sem gilti út árið 2000. Aðspurð-
ur hvort von væri á einhverjum að-
gerðum af hálfu kennara í Reykja-
•c vík sagði hann að það væri ekki sitt
að svara því. Kennarasambandið
hefði ekki haft nein afskipti af að-
gerðum kennara í Reykjavík.
Formaður KI segist
ekki sjá framtíðina
í þessu máli
Borgarstjóri segir afslættina
hamla skólastarfí
Eiríkur sagði í blaðinu í gær að
kennarar hefðu lagt til að kennslu-
afslátturinn yrði óbreyttur og
heildarkostnaður sveitarfélaganna
við kjarasamninginn yrði lækkaður
sem næmi kostnaði við kennsluaf-
sláttinn. Ingibjörg Sólrún Gísla-
dóttir borgarstjóri sagðist ekki
geta fallist á þetta. Það væri mat
sveitarfélaganna að þessir kennslu-
afslættir hömluðu skipulagi skóla-
starfs og það væri mikilvægt að
losna við þá. Hún sagðist ekki geta
fallist á að geyma þennan þátt en
gera aðrar breytingar á vinnutíma
sem samkomulag hefði tekist um.
Það væri búið að gera margar at-
lögur að því að ná samkomulagi um
breytingar á vinnutíma kennara og
hún sagðist ekki vera tilbúin að
geyma þennan þátt. Það yrði ekk-
ert auðveldara að ná samkomulagi
um hann síðar.
Ingibjörg Sólrún sagði að launa-
neftidin hefði verið búin að sam-
þykkja að leggja ýmislegt inn í
þetta mál í von um að losna við
kennsluafsláttinn. Það hefði hún
ekld gert ef það hefði legið fyrir að
þessi þáttur yrði skilinn eftir. Hún
sagði að launanefndin hefði boðist
til að kaupa þessi réttindi af kenn-
uruin, en ágreiningur væri milli
samningsaðila um verðmæti þeirra.
Ingibjörg Sólrún sagðist ekki
trúa því að ekkert kæmi út úr
þeirri vinnu sem búið væri að
leggja í þetta mál. Hún sagðist
vera þeirrar skoðunar að þetta
væri góður samningur fyrir kenn-
ara og það merkilegt tækifæri að
menn hlytu að hugsa sig um
tvisvar áður en þeir létu það fram
hjá sér fara.
■ Brýnt að breyta/6
Nýtt hafrannsókna-
skip sjósett í Chile
NÝTT rannsóknaskip Hafrann-
sóknastofnunar verður sjósett í As-
mar-skipasmíðastöðinni í Chile í
dag með viðhöfn, þar sem m.a.
verða viðstaddir Jóhann Sigurjóns-
son, forstjóri Hafrannsóknastofn-
unnar, og Þorsteinn Pálsson, sjáv-
arútvegsráðherra. Aætlað er að
Hafrannsóknastofnun fái skipið af-
hent í september.
Nýja^ hafrannsóknaskipið mun
heita Árni Friðriksson RE 200.
Það er um 1.200 brúttórúmlestir,
70 metra langt og 14 metra breitt.
Ganghraði skipsins verður allt að
16 sjómflur á klukkustund. Það
verður búið fullkomnum búnaði,
m.a. til bergmálsmælinga. Á skip-
inu verður fellikjölur sem gerir
kleift að sökkva bergmálsmælinga-
tækjum niður úr kilinum og gætir
þá ekki eins mikilla truflana af
ölduróti. Að sögn Jóhanns Sigur-
jónssonar verður því hægt að
stunda mælingar við lakari skilyrði
en áður, allt upp í 8-9 vindstig, og
því nýtist skipið betur. Skipið sé
auk þess öruggari vinnustaður,
enda fari mælingar oftast fram að
vetrarlagi.
Hæstiréttur í Noregi dæmir í Sigurðarmálinu
Niðurstaða lög-
mannsréttar
- felld úr gildi
HÆSTIRÉTTUR í Noregi felldi í
gær úr gildi niðurstöðu lögmanns-
réttar í svonefndu Sigurðarmáli.
Það þýðir að ákæruvaldið þarf að
höfða mál á nýjan leik fyrir lög-
mannsréttinum vilji það halda mál-
inu til streitu.
Sigurður Einarsson, fram-
kvæmdastjóri ísfélags Vestmanna-
eyja, sagði að þessi niðurstaða ylli
vonbrigðum, en þeir myndu bara
bíða átekta og sjá til hvort mál yrði
höfðað á ný. Utgerðin myndi standa
vörð um rétt sinn og taka til varna
ef á þyrfti að halda.
Málið á rætur að rekja til þess að
norska strandgæslan fór um borð í
Sigurð VE úti á rúmsjó sumarið
1997 og dró skipið til hafnar í Bodö í
Noregi þar sem réttað var yfir út-
gerðinni og skipstjóranum. Var skip-
stjórinn meðal annars ásakaður fyrir
að hafa í þrígang vanrækt að senda
lögboðnar tilkynningar um ferðir
skipsins inn og út úr norskri land-
helgi og gerðar voru athugasemdir
við færslu á afladagbók. Útgerð og
skipstjóri skipsins andmæltu þess-
um ásökunum og töku skipsins og
það gerðu einnig íslensk stjómvöld.
Málinu lyktaði þannig í undirrétti að
útgerðin og skipstjórinn voru dæmd
til greiðslu sektar og málskostnaðar
en lögmannsréttur sýknaði þá
nokkram mánuðum síðar.
Lagabóksiafnum ekki
beitt með réttum hætti
* Friðrik J. Arngrímsson, lögmað-
ur Isfélagsins, sagði í samtali við
Morgunblaðið í gær að samkvæmt
þeim upplýsingum sem þeir hefðu
um dóminn væri dómur lögmanns-
réttar felldur úr gildi og það þýddi
að ákæruvaldið þyrfti að höfða mál
á nýjan leik fyrir lögmannsréttin-
um. I dóminum kæmi fram að
Hæstiréttur teldi að lagabókstafn-
um hefði ekki verið beitt með rétt-
um hætti í lögmannsréttinum.
Málið væri tvíþætt og varðaði
annars vegar færslu dagbókar
skipsins, sem skipstjórinn hefði
fært samkvæmt íslenskum reglum,
og hins vegar tilkynningar um
byrjun og lok veiða. Hvað fyi-ri
þáttinn varðaði þá væri samkvæmt
niðurstöðu Hæstaréttar ekki nægi-
legt fyrir skipstjórann að treysta
þeim upplýsingum sem kæmu fram
í veiðileyfi skipsins heldur yrði
hann að kynna sér norsk lög og
reglur í þessum efnum sjálfstætt.
Kallar á önnur vinnubrögð
Friðrik sagði að þessi niðurstaða
hlyti að kalla á gjörbreytt vinnu-
brögð við útgáfu veiðileyfa og hvað
varðaði upplýsingagjöf til íslenskra
skipstjórnarmanna, sem ætluðu að
veiða í norskri landhelgi. Hann sæi
ekki annað en þetta kallaði á að ís-
lensk stjórnvöld þyrftu að láta
þýða allar reglur í 'þessum efnum
og senda þær um borð í skipin.
Friðrik bætti því við að auðvitað
væri þetta mál sem þjóðirnar hlytu
að þurfa að taka upp sín á milli.
„Það dugar skipstjóranum ekki að
treysta einungis á þær upplýsingar
sem hann fær frá íslensku fiskistof-
unni,“ sagði Friðrik.
Morgunblaðið/Egill Egilsson
Efni til fram-
leiðslu á tug-
um kg am-
fetamíns
FÍKNIEFNADEILD lögreglunnar
í Reykjavík lagði hald á efni, sem
ætlað er til framleiðslu á amfetamíni,
við húsleit í borginni í fyrradag.
Tveir menn voru handteknir vegna
málsins og gerði lögreglan kröfu til
héraðsdóms um gæsluvarðhald yfir
öðrum þeirra. Þeiiri kröfu var hafn-
að.
Annar mannanna, sem hefur áður
komið við sögu lögreglu, hafði flutt
inn til landsins efni sem dugað hefði
til framleiðslu hátt á þriðja tugar
kílóa af amfetamíni. Einnig hafði
hann gert ráðstafanh- til að flytja inn
áhöld og tæki til framleiðslunnar og
var hluti þeirra kominn til landsins.
Lagði lögreglan einnig hald á þau.
Maðurinn hefur viðurkennt að efnin
og áhöldin hafi verið ætluð til fram-
leiðslu amfetamíns hér á landi.
-------------------
Slysavarnafé-
lagið og Lands-
björg sameinuð
SAMKOMULAG var undirritað í
gær um sameiningu Landsbjargar,
landssambands björgunarsveita, og
Slysavarnafélags íslands. Gert er
ráð fyrir að nýja félagið hefji störf 1.
júlí nk. en stofnþing þess verður
haldið 2. október.
Hinu nýja félagi hefur verið gefið
nafnið Slysavarnafélagið Lands-
björg, landssamband björgunai--
sveita. Stjórn þess skipa núverandi
stjórnarmenn beggja samtakanna.
Formaður félagsins verður Ólafur
Proppé, núverandi formaðui’ Lands-
bjargar, en varaformaður verður
Gunnar Tómasson, núverandi forseti
Slysavarnafélags Islands.
■ Nýtt landsféIag/10