Morgunblaðið - 17.04.1999, Blaðsíða 23
MORGUNBLAÐIÐ
LAUGARDAGUR 17. APRÍL 1999 23
VIÐSKIPTI
Gagnrýni á ársfundi Investors
Kaupmannahöfn. Morgunblaðiö.
„VIÐ tökum gagnrýnina til okkar,“
sagði Percy Barnevik stjórnarfor-
maður Investors, eignarhaldsfélags
Wallenbergfjölskyldunnar, er hann
ávarpaði ársfund félagsins á mið-
vikudaginn, þar sem um 3.800 hlut-
hafar mættu. Oánægjan beinist að
lágii ávöxtun af fjárfestingum fé-
lagsins og háum forstjóralaunum og
stjórnunarkostnaði. Hinn 43 ára
Marcus Wallenberg, sem tók form-
lega við á fundinum sem forstjóri
Investors, lofaði lægri stjórnunar-
kostnaði, aukinni áherslu á nýjar
fjárfestingar og meiri samvinnu með
öðrum fjárfestum. Claes Dahlbáck,
sem nú víkur fyrir Wallenberg, hef-
ur sextán milljónir sænski-a króna í
árslaun og bónus, um 160 milljónir
íslenskra ki’óna.
Heildarávöxtun Investor undan-
farið ár er neikvæð um tólf prósent,
miðað við að meðalávöxtun í sænsku
kauphöllinni var eitt prósent. Verð-
mæti Investors undanfarna þrjá
mánuði hafa aukist um fimmtán pró-
sent, meðan meðaltalið í kauphöll-
inni jókst um sex prósent. Investor
á ráðandi hlut í fyrirtækjum, sem að
verðmætum nema um 40 prósentum
sænska verðbréfamarkaðarins.
Hluthafar óþolinmóðir
við Barnevik
Með inngangsorðum sínum af-
vopnaði Barnevik að nokkru leyti
gagnrýnendurna, sem hafa látið
mikið til sín heyra undanfarið. Bar-
nevik tók við sem stjórnarformaður
fyrir tveimur árum og miklar vonir
voru bundnar við þennan hávaxna
og þrekna Svía, sem hefur á sér al-
þjóðlegt orð fyrir viðskiptavit og
stjórnunarhæfileika. Nú eru hlut-
hafar Investors orðnir óþolinmóðir
eftir að sjá árangurinn í beinhörðum
arði. Sjálfur hefur Barnevik sagt að
sér þyki gagnrýnin að hluta órétt-
mæt og ótímabær og bent á að mikið
hafl gerst í fjárfestingum félagsins,
sem enn hafi ekki skilað sér sem
skyldi.
Því verður þó ekki á móti mælt að
kassinn í Investor er tómur um
þessar mundir sökum hlutafjár-
kaupa í gömlum Wallenberg-fyrir-
tækjum eins og ABB, Astra og Eric-
son upp á 5,1 milljarð sænskra
króna. A undanförnum ársfjórðungi
hafa þó hlutabréf í ABB hækkað um
18 prósent og Astra um 14 prósent,
auk þess sem hlutabréf í öðrum In-
vestor-fyrirtækjum eins og Scania
og hafa hækkað um 50 prósent. En
stjórnunarkostnaður fyrstu þrjá
mánuði ársins var 174 milljónir
sænskra króna miðað við 158 millj-
ónir á sama tíma í fyrra. Stjórnunar-
kostnaðurinn er nú 0,8 prósent af
verðmæti fyrirtækisins, en stefnt er
á að hann nemi 0,5 prósentum.
Ný stefna
Silicon Valley og upplýsingatækni
er hluti af nýrri fjárfestingarstefnu
Investors, sem Wallenberg kynnti.
Fjárfestingar í nýjum fyrirtækjum
nema nú aðeins um 5 prósentum af
virði Investors, en stefnt er að því
að þær nemi 15 prósentum. Wallen-
berg lagði áherslu á að fyrirtækið
hyggðist ekki láta tryggð við gömul
Investor-fyrirtæki hindra sýn á ný
svið. Afrakstur af nýjum fjárfesting-
um hefur ekki látið á sér standa og
nam 16 prósentum fyrstu þrjá mán-
uði ársins. Auk upplýsingatækni
benti Wallenberg á heilsugeirann og
eignaumsýslu sem vaxtarsvið.
Hlutafjárkaup í norska fyrirtæk-
inu Jobshop, sem sérhæfir sig í
ráðningum um Netið, er gott dæmi
um þessa nýju stefnu, líka af því þar
er Investor í samstarfi við aðra fjár-
festa. Jobshop var stofnað 1994, hef-
ur höfuðstöðvar í Osló, en starfar
einnig í Sviþjóð, Danmörku, Þýska-
landi og Bretlandi. Fyrirtækið spáir
því að eftir þrjú ár fari 35 prósent af
öllum mannaráðningum í Evrópu
um Netið, en vikulega fær Jobshop
1,6 milljónir heimsókna á heimasíðu
sína.
Wallenberg á enn eftir_ að sýna
stjórnunarhæfileika sína. í Dagens
Industri var talað um að ræða hans
hefði greinilega verið vel æfð. Wal-
lenberg hefur í kringum sig sjö
manna stjórnunarhóp, þar af þrjár
konur.
Yerð á
Bordeaux-
víni lækkar
París. Reuters.
FULLTRÚAR víniðnaðarins í Bor-
deaux hafa fagnað lækkandi vín-
verði eftir hækkanir í þrjú ár, en
látið í ljós áhyggjur af vaxandi
magni af Chile-víni á markaðnum í
Japan.
Starfsmenn vínráðsins í Bor-
deaux staðfestu að núverandi verð
væri 5-25% lægra en hæsta verð í
fyrra, en sögðu það æskiiegt og ekki
þurfa að koma á óvart vegna óeðli-
legra markaðsaðstæðna í fyrra.
Tölur sýna að eftir samfelldar
hækkanir í þrjú ár hefur verð á
frönskum vínum lækkað síðan 1 árs-
byrjun 1999 vegna Asíukreppunnar,
minnkandi eftirspurnar í Japan og
vaxandi samkeppni í Nýja heimin-
um.
Jean-Louis Trocard, varaforseti
vínráðsins í Bordeaux, spáir því að
verðið muni ná jafnvægi og verða
álíka hátt og í árslok 1997. Skýring-
in á þessu séu breytingar á fram-
boði og eftirspurn, en ekki ágirnd
vínræktarbænda eins og haldið hafi
verið fram.
Minna til Japans
Starfsmenn vínráðsins viður-
kenna líka að útflutningur til
Japans virðist hafa dalað á fyrstu
þremur mánuðum þessa árs eftir
100% aukningu í fyrra. En þeir
segja að árið í fyrra hafi verið svo
gott að þeir finni ekki fyrir áhrifum
af minni sölu til Tókýó.
Hins vegar hafa þeir áhyggjur af
auknu magni af ódýiu Chile-víni á
Japansmarkaði og segja að afleiðing-
in geti orðið verðlækkun á frönsku
víni, ef markaðsstaðan versnar.
Óselt vín af 1997-árgangi veldur
líka áhyggjum. Að sögn franskra
embættismanna hefur sá árgangur
fengið slæmt orð á sig vegna þess
að uppskeran var misgóð eftir
byggðarlögum og jafnvel vínekrum
Vínræktarmenn óttast verðhrun
á árganginum, ef eftirspum eftir
honum heldur áfram að minnka.
Gert hefur verið átak til að bjóða
1997-árganginn á hagstæðara verði.
V)
O
£1
i
SAMVINNU-
HÁSKÓLINN
Háskólanám í
rekstrarfrœðum
tencfsíns fLstærstu sbH9* er k°nh
— fara
CCT03Jr. Línuskauti.
Tilvalinn fyrir þá sem eru að byrja.
Einfaldar smellur og mjúkur innri skór.
Ytra byrði með góðri öndun. Bremsur,
64x24mm/85A hjól og 6087 legur.
St. 30-38
Intersporter 1 árs 18 apríl. Við þökkum frábærar viðtökur þetta
fyrsta ár og munum halda áfram að leggja okkur fram um að bjóða
ávallt mesta úrvalið og hagstæð verð.
Intersport er stærsta sportvöruverslunarkeðja í heimi og telur
ca. 4600 verslanir um allan heim.
Uildsholó.i 20 • 117 Uoykjjvik • 510 8020 • www.iolcrsport.is. Opiö i d.iy 10-16, nytt kort.ttiumbíl