Morgunblaðið - 26.06.1999, Blaðsíða 10

10 LAUGARDAGUR 26. JÚNÍ 1999
MORGUNBLAÐIÐ
Islendingur dúx í
V er slunarháskólan-
um í Kaupmannahöfn
FRETTIR
Mikið spurt um sólarlandaferðir í vætutíðinni syðra
Nánast allt selt
fyrir löngu
SIGURGEIR Guðlaugsson fékk
hæstu einkunn við útskrift úr
Verslunarháskólanum í Kaup-
mannahöfn síðastliðinn föstudag,
fékk 10,8 sem hann segir að sé
gróflega áætiað kringum 9,5 á ís-
lenskan mælikvarða. Sigurgeir
segir námið hafa verið stíft, inn-
tökuskilyrði séu ströng en af 50
nemendum sem hófu námið voru
35 sem luku því.
„Þetta var þriggja ára nám á
nýrri h'nu, „international
business“, eða alþjóðaviðskiptum
og er ekki mjög ólíkt viðskipta-
fræði en munurinn er sá að allt
námið er alþjóðlegt. Við vorum
ekki að læra sérstaklega um neinn
ákveðinn markað heldur alþjóðleg
viðskipti enda er heimurinn allur
að smækka í þessum efnum,“ sagði
Sigurgeir er Morgunblaðið ræddi
við hann. Hann segir yfirlýst
markmið námsins vera að búa til
stjórnendur sem þurfa jafnvel ekki
framhaldsnám og eiga að geta
starfað sem stjórnendur hjá fyrir-
tækjum í alþjóðaviðskiptum. Hann
segir inntökuskilyrðin ströng, lik-
lega þau ströngustu á Norðurlönd-
unuin og komist aðeins um 10%
umsækjenda að. Námið segir hann
Ifka stíft og byggt upp á talsvert
annan hátt en i hefðbundnu við-
skiptafræðinámi.
Ráðinn til FBA
„Þetta eru fjórar annir á hverju
ári og námið er skipulagt þannig
að við tökum stranga sjö vikna
kúrsa í tveimur fögum í senn sem
lýkur með prófum.“ Sigurgeir seg-
ist aðspurður eiga að hefja störf
næstkomandi mánudag á fyrir-
tækjasviði Fjárfestingarbanka at-
vinnulífsins en bankinn bauð hon-
um heim til viðræðna fyrir tveim-
ur mánuðum og var þá gengið frá
ráðningu hans. Hann sagði að fyr-
irtæki í Danmörku hefðu haft sam-
band við sig og fleiri úr hópnum
en hann hefði strax verið ákveðinn
í að koma heim. Sagði hann að sér
litist vel á sig hjá FBA.
Auk Sigurgeirs fengu fjórir aðr-
ir nemendur yfir 10 í lokaeinkunn
og næsthæsta einkunnin var 10,5.
Sigurgeir segir að hæst sé gefið 11
en þó sé til í dæminu að gefið sé
upp í 13. „Það er er eiginlega
aldrei gefið en helst, þegar nem-
andinn er farinn að kenna kennar-
anum eitthvað nýtt í prófunum og
ljóst er að nemandinn veit meira
en hann.“
Morgunblaðið/Jón Svavarsson
SIGURGEIR Guðlaugsson, dúx
í Verslunarháskólanum í Kaup-
mannahöfn, en hann útskrifað-
ist þaðan síðastliðinn föstudag.
TALSVERT aukin eftirspurn hef-
ur verið hjá ferðaskrifstofum eftir
sólarlandaferðum eftir þráláta
vætutíð sunnanlans síðustu daga
og vikur. Fulltrúar nokkurra
ferðaskrifstofa, sem Morgunblað-
ið ræddi við í gær, segja að ferða-
möguleikum sé tekið að fækka
þar sem síðustu sætin séu að selj-
ast upp, einkum í ferðir til sólar-
stranda.
„Við vorum nánast búin að selja
allt fyrir löngu því fólk ákveður
sig snemma. En þeir sem eru í fríi
núna og ætluðu kannski að ferð-
ast innanlands eru búnir að fá nóg
og vilja komast í sól,“ sagði Guð-
rún Sjgurgeirsdóttir, deildarstjóri
hjá Úrvali-Útsýn. Hún sagði að
vegna mikillar sölu væri því ekki
hægt að sinna öllum sem vildu en
engum væri vísað frá og reynt að
finna úrlausn. „Við fyllum í eyð-
urnar, eigum viku hér og viku þar
og þannig getum við vonandi
bjargað sem flestum."
Reynt að finna
einhver úrræði
„Hér er nánast allt búið fram í
ágúst,“ sagði Andri Már Ingólfs-
son, framkvæmdastjóri Heims-
ferða, „og síðustu viku hefur verið
stóraukin eftirspurn og það undr-
ar kannski engan í því tíðarfari
sem verið hefur.“ Andri sagði að
tekist hefði að fá tilbaka um 50
sæti hjá spænskri ferðaskrifstofu
sem selur ferðir milli Islands og
Barcelóna. Hann sagði eftirspurn
nú helst frá fólki sem komið væri í
frí og vildi komast strax í sólina.
í sama streng tók Helgi Jó-
hannsson, framkvæmdastjóri hjá
Samvinnuferðum-Landsýn. Þar á
bæ sagði hann reynt að finna ein-
hver úrræði í flugi og gistingu.
„Við höfum getað útvegað fólki
sæti til sólarstranda með því að
flytja sig eitthvað til milli gististaða
en ef það gengur ekki vill fólk bara
komast til London eða eitthvað
burt í betra loftslag en hér ríkir
nú.“ Helgi segir að þeir sem komn-
ir séu í frí og hafi kannski ætlað að
ferðast innanlands vilji nú skyndi-
lega komast eitthvað til útlanda og
margir tali um að deila fríi sínu
milli ferða innanlands og utan.
„Þannig púslum við einhverju sam-
an fyrir fólk og gefumst ekki upp
þótt verulega sé farið að þrengjast
um möguleikana."
Prófasturinn í
Isafjarðarpró-
fastsdæmi hættir
SÉRA Baldur Vilhelmsson hætt-
ir sem prófastur í Isafjarðarpró-
fastsdæmi á sjötugasta afmælis-
daginn, 22. júlí, en verður áfram
prestur í Vatnsfirði þar til
prestakallið verður lagt niður.
Hann var fyrst settur prestur í
Vatnsfirði í júníbyrjun 1956, þá
nýútskrifaður guðfræðingur úr
Háskóla íslands. Vatnsfjarðar-
sókn er með fámennari og af-
skekktari prestaköllum á landinu
að sögn sr. Baldurs og því stend-
ur til að leggja það niður. Sókn-
arpreststíð sr. Baldurs lýkur 1.
ágúst en hann hefur verið settur
prestur ótímabundið áfram.
Hann segist finna fyrir eftirsjá
en þó sé hann ekki ákveðinn í að
vera áfram í Vatnsfirði eftir að
preststíð lýkur. Þegar sr. Baldur
var spurður hvað honum fyndist
um það að prestakallið í Vatns-
firði skuli verða lagt niður sagði
hann að vissulega væri eftirsjá í
því en það væri erfitt að snúa
hjóli mannfækkunar við, sérstak-
lega á Vestfjörðum. Hann man
tímana tvenna því þegar hann
tók við embætti voru tún slegin
með orfi og ljá.
Samhliða prestsstörfunum
sinnti sr. Baldur kennslu og sat í
stóli skólastjóra í forföllum.
Hann segist hafa slegið til þegar
hann var beðinn að kenna einn
vetur en svo hafi þeir bara orðið
svona margir.
Þó að Baldri finnist fallegt í
Vatnsfirðinum þá hefur sjórinn
gert mönnum grikk. Hann segir
margar sjóferðir vera sér minn-
isstæðar því aldan sé svo kröpp
og oftar en ekki þurfti að snúa
við.
Baldur segist hafa verið feginn
Morgunblaðið/Sverrir.
SERA Baldur Vilhelmsson lætur af embætti í Isafjarðarprófasts-
dæmi 22. júlí nk.
að taka við prófastsembættinu
fyrir um tíu árum því að hann
hafi haft lítið að gera í prests-
skap, sérstaklega á vetrum. Ekki
var lengur fermt í Vatnsfirði og
ekki skírt nema einu sinni til
tvisvar á ári og þá helst börn
gamalla nemenda Baldurs eða
fólks sem á rætur í Djúpi.
Baldur er ættaður norðan úr
Skagafirði. Það hvarflaði þó
aldrei að Baldri fyrir alvöru að
sækja burtu. „Einu sinni eða oft-
ar var hringt úr Skagafirðinum
en ég sinnti því ekki,“ segir sr.
Baldur að lokum.
Ágreiningur milli Ríkisutvarps og Landssíma um landspildu á Vatnsenda
Þinglýsing Landssíma
verði gerð ógild
RÍKISLÖGMAÐUR og Ríkisendur-
skoðun hafa komist að þeirri niður-
stöðu að samgönguráðuneytinu, fjár-
málaráðuneytinu, fyrir hönd ríkis-
sjóðs, og Landssíma Islands hf. hafi
verið óheimilt að að gefa út yfirlýs-
ingu 13. maí 1998 þess efnis að 7,5
hektara landspilda úr landi Vatns-
enda væri eign Landssíma íslands hf.
Ríkissjóður var áður skráður eigandi
hennar. Halldór Blöndal, fyrrverandi
samgönguráðherra, fór fram á það í
framhaldi af áliti ríkislögmanns að
forráðamenn fyrirtækisins létu fjar-
lægja þessa skráningu úr bókum
sýslumannsins í Kópavogi. Ólafur Þ.
Stephensen, forstöðumaður upplýs-
inga- og kynningarmála Landssím-
ans, segir að Landssíminn hafi farið
fram á að koma að sínum sjónarmið-
um í málinu áður en þinglýsingin
verði fjarlægð úr bókum.
Afsal fyrir landspildunni var gefið
út 12. nóvember 1929 til ríkissjóðs. í
afsalinu er tekið fram að landspildan
sé keypt til að reisa þar útvarpsstöð
og hluti kaupverðs er greiddur með
því að undanþiggja seljanda, svo lengi
sem hann lifir, greiðslu árgjalds fyrir
notkun útvarpsviðtækis.
í bréfi útvarpsstjóra til mennta-
málaráðherra 15. janúar 1999 segir
að Ríkisútvarpið hafi farið með spild-
una sem sína eign allar götur frá því
landið var keypt, að þar séu eingöngu
mannvirki til útvarpsrekstrar, að
Ríkisútvarpið hafi eignfært landið í
ársreikningum sínum og að Ríkisút-
varpið hafi greitt af landinu fast-
eignagjöld.
í bréfi forstjóra Landssíma íslands
hf. til Ríkisútvarpsins 7. apríl 1998
segir hins vegar að spildan sé í eigu
Landssímans og hafi verið talin til
eigna hans frá upphafi og sé svo sam-
kvæmt fasteignaskrá ríkisins og
Fasteignamati ríkisins.
í áliti ríkislögmanns segir að sam-
kvæmt ljósriti úr þinglýsingarbók
Kópavogskaupstaðar fyrir jörðina
Vatnsenda var ríkissjóður skráður
eigandi fyrir umræddri 7,5 hektara
landspildu frá árinu 1933 til þing-
lýsingar 18. maí 1998.
„Samkvæmt framanrituðu, og þá
með sérstakri vísan til orðalags í af-
salinu frá 12. nóvember 1929, til
skráningar í þinglýsingarbók, til
notkunar landspildunnar eins og
henni er lýst í bréfi útvarpsstjóra og
til þess, að Ríkisútvarpið hefur greitt
fasteignagjöld af landinu, verður ekki
ráðið, að umræddir 7,5 hektarar
lands hafi verið eign Póst- og síma-
málastofnunar við setningu laga nr.
103/1996 um stofnun hlutafélags um
rekstur Póst- og símamálastofnunar.
Skráning í fasteignaskrá ríkisins eða
hjá Fasteignamati ríkisins verður
ekki talin eignarheimild, ef hún er
ekki studd öðrum gögnum. Verður þá
ekki séð að heimilt hafi verið á grund-
velli ákvæðis 15. gr. laga nr. 103/1996
að gefa út yfirlýsinguna frá 13. maí
1998 þess efnis, að landspildan sé
eign Landssíma íslands hf. Skýra
lagaheimild þarf til að breyta skráðri
eignarheimild n'kissjóðs að fasteign-
um, sbr. ákvæði 40. gr. stjórnarskrár-
innar,“ segir í áliti ríkislögmanns.
Kemur upp er RÚV
semur við Tal
„Það hefur verið litið svo á alveg
frá upphafi af hálfu Landssímans að
þetta land hafi verið eign Símans. Það
sem menn hafa fyrir sér í þeim efnum
er skráning í eignaskrá ríkisins og
hjá Fasteignamatinu. Nú hefur hins
vegar komið í Ijós að Ríkisútvarpið
hefur sömuleiðis lengi litið á þetta
land sem sína eign. Þessi mismunandi
afstaða kemur upp á yfirborðið í fyrra
þegar kemur í Ijós að Ríkisútvarpið
hefur samið við Tal um að koma fyrir
tækjabúnaði á Vatnsenda. Landssím-
inn sendi þá Ríkisútvarpinu og Tali
athugasemd um það og taldi sig eig-
anda landsins og þar af leiðandi ætti
Tal að semja við Landssímann," segir
Ólafur.
í framhaldi af þessu leitaði Lands-
síminn til fjármálaráðuneytis og sam-
gönguráðuneytis um að landið yrði
þinglýst sem eign Landssímans. Ólaf-
ur segir að sá skilningur hafi verið
lagður í málið að landið væri hluti af
þeim eignum sem Póstur og sími
hefði yfirtekið þegar gömlu ríkis-
stofnuninni var breytt í hlutafélag.
Landið væri þar af leiðandi í eigu
Landssímans núna.
Andmælaréttur ekki virtur
„Okkar lögmaður hefur gert ráðu-
neytinu grein fyrir þeirri afstöðu okk-
ar að þegar Ríkisendurskoðun og rík-
islögmaður mynduðu sér þetta álit
var ekki leitað álits né umsagnai-
Landssímans og fyrirtækinu ekki
gefinn kostur á því að koma að gögn-
um þar að lútandi. Með vísan til
stjómsýslulaga, um andmælarétt og
fleira, höfum við farið fram á að okk-
ur gefist kostur á því að tjá okkur um
málið og koma að okkar sjónarmiðum
gagnvart ráðuneytinu áður en lengra
sé haldið," sagði Ólafur.
Landssíminn bíður nú svars frá
ráðuneytinu.