Morgunblaðið - 03.07.1999, Qupperneq 14

14 LAUGARDAGUR 3. JÚLÍ 1999
MORGUNBLAÐIÐ
HÖFUÐBORGARSVÆÐIÐ
Svæðisskipulag fyrir höfuðborgarsvæðið
Stofnað verði eitt félag
um almenningssamgöngur
Höfuðborgarsvæðið
Útboð lækkaði tímaverð um
20-25% í Danmörku
í TENGSLUM við vinnu að
svæðisskipulagi fyrir höfuð-
borgarsvæðið hafa danskir
ráðgjafar frá Nes Planners,
sem vinna að skipulaginu,
sett fram hugmyndir að skip-
an almenningssamgangna á
svæðinu. Þær fela meðal ann-
ars í sér að stofnað verði fé-
lag, sem beri eitt ábyrgð á
skipulagningu samgangn-
anna. Jafnframt er bent á að
reynsla Dana sé sú að útboð
á akstursleiðum hafi leitt til
20-25% lækkunar á tíma-
verði miðað við árið 1994.
í skýrslu ráðgjafanna, þar
sem gerður er samanburður
á mismunandi reynslu Dana
af almenningssamgöngum,
kemur m.a. fram að frá sjón-
arhóli viðskiptavinanna og
miðað við tilkostnað virðist
skynsamlegast að stofna eitt
félag sem beri ábyrgð á
skipulagningu samgangn-
anna. Jafnframt að á grund-
velli einfaldrar kostnaðará-
ætlunar sé ódýrast að bjóða
út aksturinn.
Enginn ávinningur nema
með þátttöku ríkisins
Ingibjörg Sólrún Gísla-
dóttir borgarstjóri segir að
full ástæða sé til að skoða
hugmyndir um eitt félag og
útboð. „Menn eru í vandræð-
um eins og í Reykjavík þar
sem útgjöldin eru sífellt að
aukast til þessa málaflokks,“
sagði hún.
Borgarstjóri sagði að eins
og málum væri nú háttað
væri enginn ávinningur af
stofnun félags um almenn-
ingssamgöngur nema ríkið
kæmi þar að.
Borgarstjóri sagðist vera
opinn fyrir öllum möguleik-
um og að það gæti verið kost-
ur að eitt fyrirtæki á svæðinu
sæi um almenningsvagnana.
„En það verður að vera ein-
hver ávinningur fyrir sveitar-
félögin sem hlut eiga að máli
og þá Reykjavík í þessu til-
viki,“ sagði borgarstjóri.
„Það sem er erfiðast er ólík-
ur rekstur hjá SVR og AV.
Gjaldskráin er ólík og tals-
vert hærri hjá AV og munar
þar 25% til hækkunar á far-
gjaldi fullorðinna miðað við
gjaldskrá SVR, 150% á ung-
lingagjaldi og 140% á barna-
gjaldi.“
Skipta verður
ávinningi
Borgarstjóri benti á að
færri notuðu vagnana í suð-
urbæjunum en í Reykjavík.
„Ef maður tekur framlag
sveitarfélaganna til fyrir-
tækjanna þá er það hlutfalls-
lega hærra hjá AV en í
Reykjavík," sagði Ingibjörg
Sólrún.
„Fljótt á litið virðist ávinn-
ingurinn því ekki vera okkar
megin heldur hjá hinum
sveitarfélögunum en ef ein-
hvem ávinning er að sækja
þá verða menn að skipta hon-
um með einhverjum hætti.
Ég sé ekki hver hann er
nema þá og því aðeins að rík-
ið komi inn í þessa mynd.
Líklega er það einsdæmi hér
á íslandi að ríkið komi ekki
að rekstri almenningssam-
gangna eins og raunin er
annars staðar og ég tala nú
ekki um að ríkið hefur bein-
línis tekjur af almennings-
samgöngum eins og hér í
formi skattlagningar af ýmsu
tagi.“
Borgarstjóri sagði að sér
fyndist koma til greina að
sveitarfélögin á höfuðborgar-
svæðinu settust niður ásamt
samgöngu- og umhverfis-
ráðuneytinu til að átta sig á
hvað menn vildu sjá í fram-
tíðinni. „Það er ljóst að ríkið
hefur hagsmuni af því að fólk
nýti almenningssamgöngur í
auknum mæli. Þeh- eru að
leggja verulega fjármuni í
gatnakerfið," sagði Ingibjörg
Sólrún.
títilokar ekki
útboð á akstri
I skýrslu dönsku ráðgjaf-
anna kemur fram að reynslan
í Danmörku sé sú að útboð á
akstursleiðum hafi leitt til
20-25% lækkunar á tíma-
verði og sagði borgarstjóri að
útboð væri í sjálfu sér óháð
því hvort eitt eða fleiri fyrir-
tæki önnuðust rekstur al-
menningsvagna. „Þess vegna
mætti bjóða út aksturinn ein-
göngu í Reykjavík," sagði
Ingibjörg Sólrún. „Það er
eitthvað sem eflaust mætti
skoða.“
Rekstur Almennings-
vagna boðinn út
Pétur Fenger, fram-
kvæmdastjóri Almennings-
vagna bs., segir að grundvall-
aratriðið í tillögunum sé að
þáttur almenningssam-
gangna á höfuðborgarsvæð-
inu verði samræmdur. „Að
hannað verði leiðarkerfi fyrir
allt svæðið og því stýrt af ein-
um og sama aðila en ekki
tveimur," sagði hann.
„Engar tillögur eru lagðar
fram um breytingar á leiðar-
kerfinu enda er það síðari
tíma mál. Fyrsta skrefið er
að menn komi sér saman um
að vinna leiðarkerfið saman,
þannig að maður úr Kópa-
vogi eigi t.d. eðlilega fram-
haldsmöguleika í Reykjavík.
Jafnframt að þess verði gætt
að ákveðnar leiðir séu ekki
tvísetnar.“
Benti Pétur Fenger á að
vagnar frá Almenningsvögn-
um væru í samkeppni við
SVR á ákveðnum leiðum á
leið sinni úr nágrannasveitar-
félögunum að Hlemmi og
Lækjartorgi. „Þetta er óþarfi
og kostar of mikið,“ sagði
hann.
„Við bjóðum út allan okkar
rekstur en Reykjavíkurborg
er með eigið fyrirtæki. Það
er ekkert því til fyrirstöðu að
bjóða út ákveðnar leiðir eða
akstur um ákveðin hverfi.
Það þarf ekki að bjóða allt út
í einu eða til eins aðila. Kost-
urinn er að hafa sem flesta
verktaka þannig að sam-
keppni þeirra í milli verði
virkari. Síðan myndu sveitar-
félögin skipta með sér kostn-
aði eftir ákveðnum áætlun-
um, þar sem annaðhvort yrði
greitt eftir íbúafjölda eða eft-
ir hlutfallslegum akstri innan
sveitarfélagsins," sagði Pétur
Fenger.
Morgunblaðið/Jim Smart
Olíutankar fluttir
Laugarnes
UM þessar mundir er unn-
ið að því að flytja olíutanka
úr Laugarnesi, en í fyrra
var olíustöðin sem þar
hafði verið um áratuga
skeið lögð niður.
Að sögn Hannesar
Valdimarssonar, hafnar-
stjóra Reykjavíkurhafnar,
sér fyrirtækið Olíudreifing
Hafnarfjördur
LAGT hefur verið nýtt
malbik á Alfaskeið í Hafn-
arfirði en gatan var steypt
árið 1976.
Að sögn Halldórs Ing-
ólfssonar, verkfræðings
ehf. um að flytja tankana,
sem munu ýmist vera
sendir út á land eða komið
fyrir í olíustöðinni í
Orfirisey. A flutningunum
að ljúka nú í sumar.
A meðfylgjandi mynd
má sjá hvar flutnings-
prammi líður fram hjá Við-
ey með einn tankanna inn-
anborðs.
hjá Hafnarfjarðarbæ, hef-
ur gatan verið ónýt í mörg
ár og sagði hann að spurn-
ing um malbik eða steypu
nálgaðist trúarbrögð.
Hins vegar væri erfitt að
segja til um hvort væri
betra.
Morgunblaðið/Þorkell
Álfaskeið malbikað
Félagsaðstaða fslenska fjallahjólaklúbbsins hefur batnað til muna
Morgunblaðið/Þorkell
FÉLAGAR í íslenska fjallahjólaklúbbnum fyrir utan félagsheimilið.
ÍSLENSKIR fjallalijólreiðamenn á fljúgandi ferð í vesturbænum.
Hjólagarpar
í slökkvistöð
Vesturbær
FÉLAGAR í íslenska
fjallahjólaklúbbnum eru
óðum að koma sér fyrir í
gamalli slökkvistöð á mót-
um Brekkustígs og Fram-
nesvegs. Klúbburinn skrif-
aði undir leigusamning
um húsnæðið við Reykja-
vikurborg til fimm ára í
vor. Félagsmenn hafa þeg-
ar lagt mikla vinnu í end-
urbætur á húsnæðinu sem
voru nauðsynlegar til þess
að þeim væri kleift að
hefja þar starfsemi.Að-
staðan var vígð í byijun
júní og enn er unnið að því
að bæta húsnæðið svo það
henti margþættri starf-
semi félagsins.
íslenski fjallahjóla-
klúbburinn heldur upp á
10 ára afmæli sitt nú um
helgina. Alda Jónsdóttir,
formaður klúbbsins, segir
hann telja um 400 félags-
menn og starfsemin er líf-
leg. Á fimmtudagskvöld-
um er opið hús í félags-
heimilinu við Brekkustíg.
Þar hittist fólk til
skrafs og ráðagerða og
blaðar í bókum sem finna
má á bókasafni sem fjalla-
hjólaklúbburinn hefur
komið sér upp. Einnig er
viðgerðaraðstaða í hús-
næðinu.
Klúbburinn stendur
fyrir námskeiðum og
heldur myndasýningar.
Gefið er út blað, Hjóihest-
urinn, og öflugri heima-
síðu er haldið úti. Slóð
hennar er
www.mmedia/ifhk.
Þá eru skipulagðar
margvíslegar ferðir á
vegum félagsins. Einn fé-
lagi í klúbbnum sér um
byijendaferðir. Lagt er
upp í ferðirnar frá skipti-
stöð SVR í Mjódd á
þriðjudagskvöldum
klukkan átta. Klúbburinn
stendur að auki fyrir
lengri ferðum, allt frá
fjölskylduferðum upp í
erfiðar ferðir fyrir
reynda hjólreiðamenn.
Alda segir stefnt að því
að efla starf í félaginu
þegar það hefur komið
sér betur fyrir í hinu nýja
húsnæði. Fyrirhugað er
að fjölga námskeiðum og
halda uppi öflugri starf-
semi fyrir unglinga.
Margt breyst á 10 árum
íslenski fjallahjóla-
klúbburinn heldur upp á
10 ára afmæli sitt um
helgina og valdi hátíðar-
höldunum stað í Skorra-
dal.
„Sú hefð hefur skapast
í klúbbnum að halda
Skorradalsmót á sumrin
og þess vegna var ákveðið
að halda upp á afmælið
þar,“ sagði Alda. Hún
segir viðhorf til íjallahjól-
reiðamanna hafa breyst
gríðarlega á þeim áratug
sem fjallahjólaklúbburinn
hefur starfað.
„Við vorum álitin skrít-
in og ávörpuð á ensku,“
sagði Alda. Aðstæður til
hjólreiða hafa líka mikið
breyst, allur búnaður er
betri en var. Alda leggur
þó áherslu á að enn vanti
stórlega á að litið sé á
hjólið sem samgöngutæki.
Henni finnst vanta aðstöðu
til þess að fólk geti hjólað .
til og frá vinnu og segir
það helsta baráttumál ís-
lenska íjallahjólaklúbbsins
um þessar mundir.