Morgunblaðið - 20.07.1999, Qupperneq 14

14 ÞRIÐJUDAGUR 20. JÚLÍ 1999
AKUREYRI
MORGUNBLAÐIÐ
Morgunblaðið/Golli
ÞÆR voru þreyttar en ánægðar stelpurnar í Þór/KA við komuna til Akureyrar í gær.
Afhending
hefur tafíst
TAFIR hafa orðið á afhendingu
nýrrar Hríseyjarferju, en sam-
kvæmt fyrstu áætlunum átti að af-
henda ferjuna 15. júlí síðastliðinn.
Pétur Bolli Jóhannesson sveitar-
stjóri í Hrísey sagði að skrokkurinn
sem kom frá Póllandi hafi verið af-
hentur nokkru seinna en gert var
ráð fyrir og þá hafi vélin í ferjuna
einnig komið seinna en gert var ráð
fyrir.
Nýjustu áætlanir gera ráð fyrir að
ferjan verði afhent 5. ágúst næst-
komandi, en verktaki hefur mánuð
upp á að hlaupa þannig að ný Hrís-
eyjarferja verður í síðasta lagi kom-
in í gagnið 5. september næstkom-
andi. „Við erum að vona að ferjan
verði tilbúin um miðjan næsta mán-
uð,“ sagði Pétur Bolli.
Fleiri ferðamenn
Hann sagði að aukinn straumur
ferðamanna hefði verið út í Hrísey í
sumar og því hefði vissulega verið
gaman ef nýja ferjan hefði verið til-
búin á réttum tíma. Hún er nokkru
stærri en Sævar, núverandi ferja,
lengri og breiðari. Tvö dekk eru á
nýju ferjunni og komast allir far-
þegarnir í sæti. Ferjan tekur alls 70
farþega.
Fengu verð-
laun í Banda-
ríkjunum
STELPURNAR í öðrum og þriðja
flokki Þórs/KA gerðu góða ferð
til Bandaríkjanna á dögunum.
Þær tóku þar þátt í USA-cup sem
er stærsta knattspyrnumót ung-
linga í Bandaríkjunum. Skemmst
er frá því að segja að 16-ára liðið
varð í öðru sæti í B-úrslitum og
komu þær heim með forláta bik-
ar. Stelpurnar í 17-ára liðinu
féllu út úr B-úrslitum en spiluðu
þá í sex manna móti, ásamt öðr-
um liðum sem fallið höfðu úr
keppni, og unnu það mót. Að
sögn Jónasar Sigursteinssonar,
þjálfara stúlknanna, þá stóðu
stúlkurnar sig nyög vel, en þetta
er í fyrsta skipti sem íslenskt fé-
lag tekur þátt í mótinu.
VARÐSKIPIÐ Óðinn kemur með norska loðnubátinn til hafnar á Akureyri.
Norskum loðnubát vísað til hafnar á Akureyri
Ákæra vegna ólög-
legra veiðarfæra
FULLTRÚI sýslumanns á Akur-
eyri vann við það í gærdag að setja
saman ákæru á hendur skipstjóra
norska loðnubátsins Österbris H-
127-AV og verður hún send Héraðs-
dómi Norðurlands eystra í dag.
Málið verður tekið fyrir í dómnum
eftir hádegið.
Við eftirlit varðskipsmanna á
varðskipinu Óðni á sunnudag um
borð í norska loðnubátnum mældust
möskvar í poka loðnunótarinnar að
meðaltali 17,4 miilimetrar eða
11,2% undir löglegri möskvastærð.
Samkvæmt reglugerð á iágmarks-
möskvastærð í loðnunót að vera
19,6 millimetrar.
Skipið var statt um 80 sjómílur
norður af Grímsey eða um 46 sjó-
mflur inni í íslenskri lögsögu. Öster-
bris var vísað til hafnar á Akureyri
og sigldi það þangað í fylgd Óðins.
Eyþór Þorbergsson, fulltrúi
sýslumanns, sagði að með málið
væri farið sem sakamál og vann
hann að því að útbúa ákæru á hend-
ur skipstjóra Österbris í gærdag og
hugsanlega gegn útgerð skipsins
vegna notkunar ólöglegra veiðar-
færa. Óskað var eftir því að
dómskvaddh’ matsmenn myndu
meta afla og veiðarfæri skipsins og
voru þeir Jóhann Pétur Andersen,
framkvæmdastjóri Krossaness, og
Júlíus Kristjánsson, netagerða-
meistari, fengir til verksins.
Fjölskylduhátíð fullveldisins í Hrísey
Um tvö þús-
und gestir
UM 2000 manns heimsóttu Hrís-
ey um helgina, en þá var efnt til
fjölskylduhátíðar fullveldisins
og er það í þriðja sinn sem
Hríseyingar efna til slíkrar full-
veldishátíðar í eynni. „Við feng-
um mun meiri aðsókn en við
áttum von á, það var straumur
fólks hingað út í eyju bæði á
laugardag og sunnudag og
veðrið lék við hátíðargesti,"
sagði Pétur Bolli Jóhannesson,
sveitarstjóri í Hrísey. Hann
kvað fólk af Eyjafjarðarsvæð-
inu áberandi meðal gesta og
eins þyrptust brottfluttir
Hríseyingar út í eyju af þessu
tilefni og er þá gjarnan slegið
upp ættarmótum í leiðinni.
Allir gestir fengu afhent vega-
bréf og fóru í gegnum tollinn
þar sem stimplað var í vegabréf
þeirra. Leiktæki voru sett upp
fyrir bömin og þá brugðu marg-
ir sér í ökuferðir á dráttarvéla-
vögnum út í vita eða skoðuðu
það sem í boði var á markaðs-
torginu. Farið var í ýmsa leiki og
keppt í akstursleikni á dráttar-
vélum og einnig var kvartmflu-
keppni á þessu ástsæla ökutæki
Hríseyinga.
Morgunblaðið/Magnús J. Mikaelsson
Hraðkaup
kaupir
verslunina
Valberg-
Ólafsfírdi. Morgtinblaðið.
HRAÐKAUP hefur keypt
verslunina Valberg við Aðal-
götu 16 í Ólafsfirði og mun taka
við rekstri hennar 1. október
næstkomandi.
Verslunin Valberg var stofn-
uð árið 1961 og hefur verið í
eigu sömu manna alla tíð, Eign-
arhaldsfélagsins Valbergs ehf.,
en það félag er í eigu Gunnars
Sigvaldasonar, Jóns Þorvalds-
sonar, Sigurðar Guðmundsson-
ar og dánarbús Sigvalda Þor-
valdssonar og dánarbús Guð-
mundar Þorsteinssonar. Val-
berg hefur einnig verið með
byggingavöru- og útgerðar-
vöruverslun að Strandgötu 4.
Hún fylgir ekki með í kaupun-
um og verður áfram rekin undir
merkjum Valbergs.
Samkeppni nauðsynleg
Að sögn Jóns Þorvaldssonar
eins eigenda Valbergs hefur af-
koma reksturs verslunarinnar
frá upphafi verið jákvæð. Allt
starfsfólks verslunarinnar Val-
bergs sem þess óskar mun
áfram starfa í versluninni undir
merkjum Hraðkaups. „Það er
auðvitað mikil eftirsjá í verslun-
inni enda höfum við rekið hana í
38 ár,“ segir Jón Þorvaldsson.
„Við erum hins vegar ánægð
með að þetta öfluga fyrirtæki
tekur nú við versluninni.
Þannig má treysta því að áfram
verði veitt góð þjónusta og boð-
ið upp á gott vöruúrval og sam-
keppni viðhaldið. Það er nauð-
synlegt fyrir Ólafsfirðinga,“
segir Jón.
Söngvaka
SÖNGVAKA verður í Minja-
safnskirkjunni á Akureyri í
kvöld, þriðjudagskvöldið 20. júlí.
Dagskráin hefst kl. 21. Flutt
verða sýnishom íslenskrar tón-
listarsögu, svo sem rímur, tví-
undarsöngur, sálmar og eldri og
yngri sönglög. Flytjendur eru
Kristjana Amgrímsdóttir og
Hjörleifur Hjartarson úr Tjam-
arkvartettinum. Miðaverð er 700
krónur og er innifalinn aðgangur
að Minjasafninu sem opið er
sama kvöld frá kl. 20 til 23.
Smiðir ætla að
hætta að vinna
yfirvinnu
Kolólögleg
aðgerð
ÁSGEIR Magnússon, forstöðu-
maður Skrifstofu atvinnulífsins
á Akureyri, segir augljóst að um
kolólöglegar aðgerðir sé að ræða
hjá trésmiðum sem fyrir
skömmu tilkynntu vinnuveitend-
um sínum að þeir hyggist ekki
vinna yfirvinnu frá og með
næstu mánaðamótum. Mikil óá-
nægja er meðal smiða í bænum
með launakjör sín og hafa þeir
bent á að mun hærri laun séu
greidd fyrir sömu vinnu á höfuð-
borgarsvæðinu. Hafa þeir gert
kröfu um að fá greiddar 1.000
krónur á tímann fyrir dagvinnu.
Ásgeir sagði að hver og einn
starfsmaður gæti ákveðið að
hann muni ekki vinna yfirvinnu
og tilkynni það þá til síns meist-
ara. Síðustu misseri hafi verið
talsvert um yfirvinnu hjá bygg-
ingafyrirtækjunum og starfs-
menn hafi fram til þessa ekki
haft á móti því að vinna yfir-
vinnu. Þegar hins vegar allir
réttindastarfsmenn mæti með
nákvæmlega eins undirskrifuð
blöð til allra verktaka á svæðinu,
þá sé um að ræða ólöglega að-
gerð.
„Þarna er um að ræða sömu
vinnubrögð og t.d. kennarar og
fleiri hafa beitt, að segja upp
störfum til að þrýsta á um breyt-
ingar á kjörum,“ sagði Ásgeir og
benti á að ákveðin friðarskylda
væri í gangi milli kjarasamninga
°g byggingameistarar óskuðu
eftir því að hún yrði virt.
Byggingameistarar á svæðinu
ætluðu að hittast í gærkvöldi til
að fara yfir stöðu mála.