Morgunblaðið - 20.07.1999, Page 24

24 ÞRIÐJUDAGUR 20. JÚLÍ 1999
MORGUNBLAÐIÐ
FLUGVÉL JOHNS F. KENNEDYS YNGRI FERST
Þremenn-
ingarnir
taldir af
Boston. Reuters.
JOHN F. Kennedy yngri, Carolyn
Bessette Kennedy, eiginkona hans,
og Lauren Bessette, mágkona,
lögðu af stað frá flugvellinum í Es-
sex í New Jersey í eins-hreyfíls
Piper Saratoga-vél Kennedys
klukkan 20.38 og áætluðu að lenda
í Martha’s Vineyard í Massaehu-
setts, um einni og hálfri klst. síðar.
Vélin skilaði sér aldrei á áfanga-
stað. Rétt eftir klukkan tvö, að-
faranótt laugardags, fjórum klst.
eftir áætlaðan lendingartíma, var
hringt í fulltrúa bandarísku strand-
gæslunnar í Woods Hole og þeim
tjáð að flugvél John F. Kennedys
yngri sem átti að vera lent í
Martha’s Vineyard, hefði ekki skil-
að sér á réttum tíma. Um ein og
hálf klukkustund leið uns leit hófst
og flugvélin var skráð sem týnd. í
dagrenningu var leit komin á fullan
skrið og fínkembdu hundruð björg-
unarsveitarmanna og hermanna
um tíu þúsund ferkflómetra svæði
sem liggur frá Long Island til
Martha’s Vineyard í leit að vís-
bendingum um hvað gerst hafði.
Er leitin ein sú umsvifamesta sem
framkvæmd hefur verið síðan flug-
vél TWA fórst undan austurströnd
Bandaríkjanna fyrir þremur árum.
Brak úr vélinni fannst strax á
laugardagsmorgun þegar höfuð-
púði, teppabútar og hluti af flug-
vélarskrokknum með lendingar-
hjóli áföstu kom í leitirnar á
ströndinni við Aquinnah, auk
strigapoka sem merktur var
Lauren Bessette.
Gengu fulltrúar strandgæslunn-
ar út frá því að Piper Saratoga vél-
in hafi brotlent í sjónum u.þ.b. kíló-
metra frá áætluðum lendingarstað
í West Tisbury og á sunnudags-
kvöld var talið að þau John, Caro-
lyn og Lauren væru öll látin.
„Það er alltaf einhver von, en er
ákveðnar vísbendingar finnast
verður maður, því miður, að vera
búinn undir hið versta,“ sagði Gary
L. Jones, liðsforingi í bandarísku
strandgæslunni í viðtali við Boston
Globe á sunnudag.
Ekki vitað um flugleiðina
I leitinni hafa tekið þátt um tutt-
ugu þyrlur, flugvélar og strand-
gæslubátar og hafa björgunar-
menn nýtt sér hljóðsjár sem komið
var með frá rannsóknarstofum í
Martha’s Vineyard. Hins vegar
telja björgunarmenn það vera afar
erfitt að fínna flugvélina á svo
stóru svæði án þess að fyrir liggi
fleiri vísbendingar eða hljóðmerki
frá talstöðvarbúnaði vélarinnar. Þá
eykur það enn meir á vanda leitar-
manna að Kennedy lét ekki vita um
flugleið sína. Slíkt er ekki óalgengt
en víst þykir að ef mönnum hefði
verið kunnugt um áætlanir flug-
mannsins þá væri leitin mun auð-
veldari.
Hafa menn gagnrýnt þann langa
tíma er leið frá því strandgæslunni
var gert viðvart uns leitaraðgerðir
hófust. Hafa yfirmenn strandgæsl-
unnar borið því við að yfírvöldum
hafi ekki borist neitt kallmerki frá
vélinni og því afráðið að hefja ekki
leit fyrr en birti af degi sl. laugar-
dag. Væri það hefðbundið í slíkum
tilfellum. „Við leitum einnig á öðr-
um hugsanlegum lendingarstöðum,
í stað þess að senda flugvélar til
leitar hingað og þangað,“ sagði
Steve Roark, undirofursti í strand-
gæslunni á fréttamannafundi í
Pentagon á sunnudag. Þá sagði
hann að leitin að flugvél Kennedys
væri í engu frábrugðin leit að öðr-
um flugvélum og að frægð þeirra
sem saknað er hefði þar engin
áhrif. „Leitaraðgerðir eru alltaf
eins. Það er enginn munur á því
LEITIN AÐ FLUGVÉL KENNEDYS
Bandaríska strandgæslan hefur haldið áfram leit sinni að John F. Kennedy
yngri sem talið er að hafi farist á föstudagskvöld, ásamt eiginkonu sinni
og mágkonu, í flugslysi úti fyrir austurströnd Bandaríkjanna.
Reuters
LEITARBÁTAR lögreglunnar í
Massachusetts halda frá
Menemsha-smábátahöfhinni í
Martha’s Vineyard í gær.
j
Eins-hreyfils
Piper Saratoga flugvélin
hélt frá flugvellinum i Fairfield í
New Jersey á föstudagskvöld kl.
20.38, að staðartíma, og átti að
lenda um tveimur klst. síðar á
flugvellinum í Martha's Vineyard
hvort fólk er frægt eða ekki,“ sagði
Roark.
Leitarsvæðið þrengt
Flugskilyrði umrætt föstudags-
kvöld eru aðeins talin hafa verið
þokkaleg, aðallega vegna þoku-
slæðings sem lá yfir sjónum.
Skyggni var hins vegar um fimm
km og sáust stjörnur og máni
greinilega. Þar eð skyggni var ekki
talið slæmt var Kennedy ekki í
stanslausu sambandi við flugturn.
Er vélin hvarf af ratsjám töldu
flugumferðarstjórar því að hún
hefði lent, heilu og höldnu.
Leit hefur verið haldið áfram og
reyna menn nú til hins ýtrasta að
sannreyna hvað gerðist hið örlaga-
ríka kvöld. Þær vísbendingar sem
hafa fundist - í um eins km fjar-
lægð frá landareign Jacqueline
Kennedy Onassis heitinnar, móður
Johns - hafa þegar gert mönnum
kleift að þrengja leitarsvæðið og
vonast menn til að unnt verði að
finna brakið með aðstoð öflugra
ratsjárleitartækja.
John F. Kennedy yngri var nýliði í flugi og á hættulegasta skeiðinu á ferli flugmanns
Ættlæg ásókn í áhættu
New York, Washington. Reuters, AP, Daily
Telegraph.
AÐEINS 46 flugstundir voru skráð-
ar í flugferilsskrá Johns F. Kenn-
edys yngri þegar sá ferill varð ekki
lengri.
Að hann ætti sér yfirleitt flugfer-
ilsskrá (,,log-bók“) hefði valdið móð-
ur hans ómældri skelfingu.
Jacqueline Kennedy Onassis, sem
lézt úr krabbameini árið 1994, mátti
ekki til þess hugsa að börnin hennar
flygju í litlum flugvélum, og hefði að
sögn fjölskylduvina gért hvað sem í
hennar valdi hefði staðið til að aftra
syni sínum frá því að setjast við
stjórnvöl einnar slíkrar. Hann byrj-
aði fyrst að læra að fljúga eftir and-
lát móður sinnar.
Hinn 38 ára gamli nýliði var á
hættulegasta skeiðinu í ferli flug-
manns, að sögn sérfróðra. Reynsla
hans var ekki nægileg til að hann
réði við allar aðstæður sem upp geta
komið, en þó svo mikil að hann var
tilbúinn til að takast á við nýjar
áhættur, hefur Daily Telegraph eftir
A1 Pregler, öryggismálafulltrúa hjá
Flugmannafélagi Bandaríkjanna.
„Þetta er mótandi reynslutímabil
sem flestir okkar ganga í gegnum
snemma á flugferlinum, og til allrar
hamingju lifa flestir okkar fyrstu
Reuters
JOHN F. Kennedy forseti fylgist
með átján mánaða syni sínum,
John yngri, í Hvíta húsinu.
skyssurnar af, þegar dómgreindin
bregst,“ sagði hann.
„Áhættufíkill"
Áhugi forsetasonarins á ýmsum
áhættusömum tómstundaiðkunum
var vel þekktur. „Jackie vildi alltaf
halda verndarvæng yfir honum en
Kennedy-amir eru áhættufíklar,“ er
haft eftir Steven Grossman, vini
Kennedy-fjölskyldunnar og einum af
fyrrverandi flokksformönnum
Demókrataflokksins.
Þegar John sté upp í flugvél sína
sl. föstudagskvöld var nýbúið að taka
vinstra fót hans úr plastgipsi, sem
hann fékk eftir að hafa slasazt lítil-
lega við svifdrekaflug á Martha’s
Vineyard skömmu áður. Hann hafði
einnig dálæti á siglingum niður
straumharðar ár og kajaksiglingum.
Sumarið 1997 lagði hann leið sína til
íslands til að iðka þessa síðastnefndu
íþrótt og fór á kajak ásamt nokkrum
vinum sínum bandarískum um Jökul-
firði og ísafjarðardjúp. Kváðust þeir
félagar fara árlega í slíkar kajakróðr-
arferðir á framandi slóðir.
Hugur hans mun lengi hafa staðið
til þess að fljúga. Hann tók einka-
flugmannspróf í aprfl 1998. Skömmu
síðar keypti hann sér Cessna Skyline
182, en það er flugvélartegund sem
þykir henta byrjendum einkar vel,
með föstu hjólastelli og lágum há-
markshraða.
Síðar ákvað hann að skipta í einka-
flugvél af gerðinni Piper Saratoga
PA 32 II HP. Hún er með 300 hest-
afla hreyfil og inndraganlegan hjóla-
búnað, sem gerir yfir 300 km hraða á
klst. mögulegan en fyrir vikið meiri
kröfur til flugmannsins.
John Kennedy var ekki búinn að
verða sér úti um blindflugsréttindi er
hann lagði upp í hinzta flugið sl.
föstudagskvöld. Þá var nærri orðið
dimmt, mistur og lágskýjað. Flug-
leiðin lá yfir opið haf og farkosturinn
var eins hreyfils. Jafnvel reyndustu
flugmenn eru sagðir reyna að komast
hjá því að fljúga undir slíkum kring-
umstæðum.
Vinsælasti sproti ættarinnar
John F. Kennedy yngri, sem sjálf-
ur lét nægja á nafnspjaldi sínu að
bera nafnið John Kennedy, fæddist
þremur vikum eftir að faðir hans og
nafni tók við embætti 35. forseta
Bandaríkjanna, nánar tiltekið hinn
25. nóvember árið 1960. Hann var
frægasti og vinsælasti sproti yngri
kynslóðar Kennedy-ættarinnar, sem
hefur auk forsetans foður hans alið af
sér þingmenn, rfldssaksóknara og
sendiherra, svo titlar nokkurra ætt-
menna séu upp taldir.
Útlit hans varð honum úti um titil-
inn „kynþokkafyllsti núlifandi karl-
maðurinn" í bandarískum slúður-
tímaritum. Öruggt fas hans og útr
geislun, áhuginn á pólitískum mál-
efhum og hæfnin til að draga að sér
athygli hvar sem hann kom vakti
vonir hjá mörgum aðdáendum fjöl-
skyldunnar um að hann ætti eftir að
láta að sér kveða í stjórnmálum líkt
og faðir hans, afi og frændur.
Fá dæmi eru um aðra eins athygli
og fylgdi öllum uppvexti Johns F.
Kennedys yngra. Heimsfræg varð
Ijósmynd sem tekin var af honum á
þriðja ári að leika sér undir skrif-
borði fóður síns í skrifstofunni í
Hvíta húsinu. Og mörgum Banda-
nTqamanninum er það ógleymanleg
sjón, þegar snáði klæddur í bláan
bamafrakka og stuttbuxur heilsaði
að hermannasið við útför hins myrta
forseta árið 1963 - snáðinn átti
þriggja ára afimæli þann daginn.
Eftir morðið á Kennedy forseta
fluttist ekkjan, Jacqueline, til New
York. Bömin urðu eftir þar á meðan
á sjö ára hjónabandi móður þeirra
við gríska kaupskipajöfurinn Aris-
totle Onassis stóð, en hann lézt árið
1975. Jaequeline átti í harðri baráttu
til að tryggja öryggi bama sinna og
vemda þau fyrir sviðsljósinu, en eftir
því sem John yngri óx úr grasi varð
eftirspum almennings eftir myndum
og fréttum af hinum íþróttamanns-
lega og gjörvulega pilti nær óþrjót-
andi.
;