Morgunblaðið - 20.07.1999, Qupperneq 47
MORGUNBLAÐIÐ
ÞRIÐJUDAGUR 20. JÚLÍ 1999 47
UMBROT í MÝRDALSJÖKLI
Morgunblaðið/Rax
Á þESSARI mynd má glögglega sjá hve kraftur hlaupsins í Jökulsá hefur verið mikill en það reif vænan bita úr barðinu fremst til hægri. Fjær gefur að líta brúna yfir ána og að baki sést
í sporðinn á Sólheimajökli.
Morgunblaðið/Árni Sæberg
FJÖLMARGIR lögðu leið sína að Jökulsá á Sólheimasandi á sunnudag til að líta á jakana
sem bárust fram með hlaupinu í ánni.
Morgunblaðið/Ami Sæberg
FYRIR hlaupið var graslendi á því svæði sem hér
sést þakið leir og ísjökum.
Morgunblaðið/Rax
UMMERKI hlaupsins voru ekki
bara sjáanleg á landi, heldur lfka
í sjónum við ósa Jökulsár þar
sem skörp litaskil mynduðust
milli hlaupvatnsins og sjávarins.
viðbúnaðarstig fela í sér að mikill
vari sé hafður á. „Við fylgjumst
með ánum og vatnsmagni í þeim.
Einnig setjum við upp viðvaranir
við leiðirnar upp með Jökulsá, sem
eni vinsælar ferðamannaleiðir, og
vörum fólk við því að vera að tjalda
þarna og biðjum það um að gæta
vel að merkjum í umhverfinu. Við
lokum þó í sjálfu sér engum leiðum.
Einnig er ákveðið ferli í gangi hjá
okkur. Við erum á svæðinu og töl-
um við þá aðila sem málið varðar.
Við ætluðum okkur líka að fljúga
yfir jökulinn í dag, en veður hefur
ekki leyft það enn sem komið er.“
Að sögn Helgu mun ástandið að
mestu hafa haldist óbreytt síðan
hlaupinu í Jökulsá lauk. íbúar Vík-
ur m’ðu að vísu varir við mikinn
brennisteinsfnyk frá Múlakvísl upp
úr miðnætti á sunnudagskvöldið, en
Helga segir menn ekki gera mikið
úr því enn sem komið er. „Það er
mikið í Múlakvísl en við fylgjumst
bara með henni og í morgun var
minni lykt af henni en í gærkvöldi.
Ef ekkert breytist munum við í al-
mannavarnanefnd funda aftur á
miðvikudaginn en þá ætti að liggja
skýrar fyrir hvað er að gerast hér á
jöklinum.“
Óttast um brúna yfir Jökulsá
Morgunblaðið brá sér að Jökulsá
á Sólheimasandi á sunnudagsmorg-
un til að kanna vegsummerki eftir
hlaupið. Hafði þá lækkað mjög í
ánni og greinilegt að hlaupið var að
mestu um garð gengið. Þorsteinn
Einarsson, sem fæddur er og upp-
alinn á Ytri-Sólheimum, skammt
austan árinnar, sagði þó að vatns-
magnið væri enn langt umfram hið
venjulega. Sagði hann einnig aug-
ljóst að mikið hefði gengið á þegar
hlaupið stóð sem hæst þar sem áin
hefði rutt sér farveg austan hins
hefðbundna farvegar og skilið eftir
sig gráleitt leirlag þar sem áður var
graslendi. Þá sýndist honum áin
hafa brotið mjög úr bökkum sínum,
auk þess sem mikili ís hafði brotnað
úr jökulsporðinum. Mátti sjá þann
ís á víð og dreif meðfram ánni, allt
frá jökulsporðinum og niður að sjó.
Lágu sumir jakamir í hátt í 100
metra fjarlægð frá ánni og voru
þeir stærstu á stærð við jeppa.
Onnur helstu ummerki voru
brotnir rafmagnsstaurar í farvegi
árinnar en rafmagnslaust var um
hríð í Mýrdal eftir að þeir gáfu sig
upp úr kl. 2 um nóttina. Einnig
mátti greinilega sjá hvernig fram-
burðurinn úr hlaupinu litaði sjóinn
við ósa árinnar. Þá mátti finna
mikla ólykt leggja af ánni en heima-
menn voru þó sammála um að þar
væri ekki um hinn hefðbundna
brennisteinsfnyk að ræða og töldu
það tii merkis um að ný tíðindi
væru að gerast í jöklinum.
Gils Jóhannsson, lögreglumaður
á Hvolsvelli, sagði hlaupið hafa náð
hámarki um kl. 3 aðfaranótt sunnu-
dagsins en atgangurinn mun þó
hafa verið mikiil allt til kl. 5. Sagði
hann menn hafa óttast um brúna
yfir ána um tíma þar sem vatn
skvettist upp á hana þegar mest
gekk á. „Það var því lokað fyrir um-
ferð um brúna upp úr kl. 3 í nótt.
Vegagerðin leit svo á hana í morg-
un og þar sem hún var heil að sjá
var gefið grænt ljós á að hleypa
umferð á hana aftur um kl. 8.“
..fyrir þig
lækkum við verðið
...nú er ástæðulaust að draga lengur
að eignast vandað ICEFOX FJALLAHJÓL.
Mikið úrval hjóla fyrir "stóra menn"
Allt að 23 tommu stell - fyrir stóra menn
# Ál í hnakkröri
# ryðgar ekki
# ál gjarðir
0Þ # 21 gír
# V-bremsur
# öruggari
# léttari fyrir hendur
# meira átak á gjörð
# Shimano Altus
# Grip Shift gírar
# þægilegra
# Dempari
# minni högg á hendur
# aukið öryggi
afsláttur á bamahjólum
..Við viljum að
allir geti hjólað
25% - 30 %
Afsláttur aðeins
í skamman tíma...