Morgunblaðið - 07.08.1999, Blaðsíða 40

Morgunblaðið - 07.08.1999, Blaðsíða 40
40 LAUGARDAGUR 7. ÁGÚST 1999 MORGUNBLAÐIÐ MARGMIÐLUN Borg næstu kynslóða „Enfyrst ogfremst á hún heima í stœrri og fallegri bæ, gengur um bjartari og þokka- legri gö'tur, býr við þœgilegri húsakynni og meiri menningarskilyrði, en fyrri kynslóðir áttu völ á, og hún kann betur að skemmta sér, dansar betur og er byrjuð að stunda íþróttir og Ukamsrækt og hefir um leið öðl- ast léttari hreyfingar, hreinni svip og frjálsmannlegri framkomu." Tómas Guðmundsson: Reykvísk æska, 1934. Reykjavík hefur skartað sínu feg- ursta í veðurblíðu undanfarinna daga. Eftir sólríkan dag jafnast fátt á við göngutúr um einstök borgarhverfi þar sem sagan drýpur af hverju húsi, ef svo má að orði komast. Vissulega er gamli miðbærinn helsti sagna- þulurinn en önnur hverfi eiga sér líka merka sögu þótt styttri sé. Engum getur blandast hugur uinuADE um mikuvægi VIÐHORF þess ag vernda Eftir Hðnnu elstu marm- Katrínu virki borgar- Friðrikssen innar, líkt Og yfirleitt hefur verið gert með reisn, en það hlýtur að vera jafn mikilvægt að vernda ýmis mannvirki sem eru stór þáttur í uppvexti þeirra Reykvíkinga sem enn eru ungir að árum. Þetta má líka yfirfæra á Önnur verðmæti borgarinnar, til dæmis útivistarsvæði. I riti Páls Líndal, Eeykjavík, sögustaður við sund, þar sem saga og sérkenni höfuðborgar- innar eru rakin í máli og mynd- um, er m.a. vitnað í Tómas Guð- mundsson í Reykvískri æsku þar sem hann segir: „... ýmsar ástæður liggja í augum uppi fyr- ir því að hin unga kynslóð höfuð- staðar okkar sé með öðrum ein- kennum en þær kynslóðir sem gengnar eru hjá. Sú æska, sem nú er að rísa upp, er hin fyrsta, sem er sér þess meðvitandi að vera alin upp með fullvalda þjóð, í landi sem er ólíkt minna af- skekkt en það áður var. En fyrst og fremst á hún heima í stærri og fallegri bæ, gengur um bjart- ari og þokkalegri götur, býr við þægilegri húsakynni og meiri menningarskilyrði, en fyrri kyn- slóðir áttu völ á, og hún kann betur að skemmta sér, dansar betur og er byrjuð að stunda íþróttir og líkamsrækt og hefir um leið öðlast léttari hreyfingar, hreinni svip og frjálsmannlegri framkomu. Og þó þekking henn- ar hafi kannske ekki á sér hinn klassíska blæ hinnar gömlu menntunar, þá er hún að minnsta kosti þeim mun betur sniðin eftir viðfangsefnum lífsins sjálfs." (Reykvísk æska 1934, Tómas Guðmundsson, 3-4) Unga kynslóðin sem Tómas Guðmundsson talaði um í upp- hafi þriðja áratugar þessarar aldar hefur vaxið úr grasi og skilað af sér annarri kynslóð, jafnvel kynslóðum, höfuðborgar- búa. Fólki sem getur státað af því að eiga ættir að rekja til höf- uðborgarinnar, er hvorki að vestan eða norðan, sunnan eða austan. Þessir „alvöru" Reykvfk- ingar eiga þó margt sameigin- legt með unga fólkinu hans Tómasar. Þeir búa í borg sem er stærri og fallegri en áður var, búa við þægilegri húsaskynni og ganga um bjartari og þokkalegri götur en fyrri kynslóðir. Og líkt og unga fólkið hans Tómasar gerði á sínum tíma bera þessir Reykvíkingar nútímans ábyrgð á borginni sinni og því að hún vaxi og dafni í höndunum á þeim þannig að henni verði skilað enn betri og bjartari í hendur næstu kynslóða. Stór hluti opinberra fram- kvæmda í höfuðborginni undan- farin ár og áratugi hefur lotið að því að bæta aðstöðu íbúanna til heilsuræktar ýmiss konar og hreyfingar í samræmi við aukna eftirspurn í kjölfar breytts lífs- stíls almennings. Göngustígurinn eftir borginni endilangri, frá Vesturbænum í gegnum Foss- vogsdalinn upp í Breiðholt, er fjölfarinn á hverjum degi og í góðu veðri ríkir þar nánast um- ferðaröngþveiti. Slíkar eru vin- sældirnar. Litlu virðist skipta hve margar sundlaugar eru byggðar, þær fyllast allar, og sömu sögu má segja af íþrótta- og leikvöllum þar sem ungviðið fær sína hreyfingu. Þá er strand- lengjan í Nauthólsvík orðin vin- sæll sjó- og sólbaðsstaður Reykvíkinga aftur, líkt og fyrr á þessari öld. Þrátt fyrir að fram- kvæmdum á svæðinu, þar sem unnið er að gerð ylstrandar, sé ekki lokið, streymir fólk þangað í góðu veðri og greinilegt er að lengi hefur verið beðið eftir að- stöðu sem þessari í borginni. Rúsínan í pylsuendanum er svo Laugardalurinn okkar, mið- depill íþrótta, útivistar og af- þreyingar í höfuðborginni. Upp- bygging þar hefur undanfarið tekið mið af því breytta viðhorfi að lögð er á það meiri áhersla en nokkru sinni áður að Reykvík- ingar eigi greiðan aðgang að úti- vistarsvæði þar sem þeir geti notið lífsins í fallegu umhverfi. Þótt ekki sé langt um liðið frá byggingu Húsdýragarðsins og Fjölskyldugarðsins í Laugar- dalnum eru þegar teikn á lofti um að garðarnir séu að verða of litlir, sé miðað við aðsóknina í þá. En borgarbúar leita ekki bara í Laugardalinn til þess að njóta skipulagðrar afþreyingar. Sá hluti dalsins sem enn er ósnort- inn er ekki síður vinsæll enda verður sífellt minna um að borg- arbúar fái notið slfkra svæða innan borgarmarkanna. Það er jú alltaf verið að byggja. Rök sem notuð eru til þess að leggja áherslu á að íslendingar verndi ósnortna náttúru landsins má alveg eins nota til varnar ósnortnu útivistarsvæði í Laug- ardalnum. Það þarf enginn að velkjast í vafa um mikilvægi þess hlutverks sem Laugardalurinn leikur í lífi Reykvíkinga nú. Þá er það skammsýni að ætla að nú sé endilega lát á þeirri öru þróun sem verið hefur undanfarin ár og áratugi í viðhorfi til útivistar og umhverfis almennt. Nýjar hug- myndir þar að lútandi eiga eftir að koma fram á næstu áratugum líkt og liðnum. Reykvíkingar bera þá ábyrgð að skQa borginni sinni þannig í hendur næstu kyn- slóðar að hún eigi þess kost að þróa þessar hugmyndir áfram. Lara kemst í hann krappan í Egyptalandi MEÐ mest seldu tölvuleikjum sög- unnar eru leikirnir um glæfra- kvendið Löru Croft. Þegar hafa þrír leikir komið út í syrpunni og vænt- anlegur fjórði leikurinn. Lara Croft hefur farið víða um heim í ævintýrum sínum, allt frá frumskógum Suður-Ameríku til Feneyja. I fjórða leiknum, sem kall- ast Síðasta opinberunin, The Last Revelation, er Lara á ferð í Egypta- landi og kemst í hann krappan við að skoða áður óþekkt grafhýsi fara- ós% I kynningu frá framleiðanda Tomb Raider-leikjanna, kemur fram að grunnkóði leiksins hafi ver- ið endurskrifaður að miklu leyti og ný tækni í forritun sé nýtt til að hafa leikinn sem samfelldastan; fyr- ir vikið þarf leikandinn aldrei að bíða á milli borða og leikin atriði eru fléttuð saman við leikinn sjálfan í stað þess að vera kaflaskil. Notendaskil leiksins hafa einnig verið endurskrifuð og í stað þess að þurfa að kalla á „hringinn" góða þegar á að gera eitthvað eða kíkja í malinn, getur leikandinn safnað því sem hann finnur jafnharðan eða gripið til þess snimmhendis. Einnig verður Lara nú með í fórum sínum dagbók og landakort sem eykur leikanda leti. Meiri áhersla er lögð á þrautir í leiknum en forðum og grafíkin með- al annars endurbætt í því skyni. Lara þarf einnig að grípa til fleiri hluta en forðum til að komast leiðar sinnar í stað þess að vera sífellt að stökkva og hlaupa. Lýsing hefur einnig verið endurbætt og bætt við kastljósum. Ekki er bara að grafíkin sé end- urbætt til muna heldur hefur Lara verið endurteiknuð í meginatriðum, fleiri smáatriði sýnileg og ný húð sett á hana. Einnig hefur hreyfing- um hennar fjölgað verulega. Nýi Tomb Raider leikurinn, The Last Revelation, er væntanlegur á markað í nóvember næstkomandi. Linus maður aldarinnar? ÞO ENN sé hálft annað ár í alda/árþús- undamótin keppast menn um að taka for- skot á sæluna og velja menn aldarinn- ar/áþúsundsins sem mest þeir mega. Þeirra á meðal er Time tímartitið sem hefur haft fyrir sið að velja menn ársins og áratuganna eftir því sem færi hefur gefist. Að þessu sinni er valið hjá Time óvenju fjölbreytt og hægt að taka þátt í vali á mönnum aldarinnar á fjölmörgum sviðum. í heildarvalinu geta þeir sem vilja greitt atkvæði, meðal ann- ars á Netinu, og vekur nokkra at- Linus Thorvalds William Gates hygli hverjir hafa raðast í efstu sæt- in. I efsta sæti sem stendur er Yitzak Rabin, forsætisráðherra ísraels, sem myrtur var af öfga- manni á sínum tíma. Það vekur vissulega athygli, en enn meiri at- hygli vekur að Linus Thorvalds, upphafsmaður Linux-stýrikerfis- ins, er í fimmtánda sæti í valinu, sæti ofar en William Gates III, stjórnarformaður Microsoft og höf- undur helsta BASIC-þýðanda fyrir CP/M. Heldur verður að teljast ólíklegt að Thorvalds eigi eftir að komast miklu ofar og reyndar líklegt að endanleg niðurstaða verði allfrá- brugðin þegar upp verður staðið. Það að hann hafi komist þetta hátt á listann hefur aftur á móti orðið til- efni hatramms orðaskaks á spjall- rásum víða á Netinu. Hægt er að greiða atkvæði á slóð- inni cgi.pathfinder.com/time/time 100/timelOOpoll.html. Dramb er falli næst MIKIÐ hefur verið látið með ör- yggisholur í stýrikerfum Microsoft og nethugbúnaði. Til að reka af sér slyðruorðið settu starfsmenn fyrir- tækisins upp vefþjón og skoruðu á þá sem vildu að reyna að brjótast inn á tölvuna. Áður en nokkur komst til þess fyrirfór hún sér sjálf svo að segja, því hún lognaðist útaf áður en tölvuþrjótar gátu hafist handa. Microsoft hefur sætt miklu ámæli fyrir að vanda ekki nógu vel til verka í frágangi á hugbúnaði sínum þegar öryggisþáttur hans er annars vegar. Má tÖ sanns vegar færa, því ekki hefur linnt fréttum og viðvörunum undanfarin misseri vegna allskyns vandamála og uppá- koma, nú síðast að hægt er að blekkja Internet Explorer til að keyra hugbúnað eftir krókaleiðum og spilla gögnum á hörðum disk- um. Microsoft hefur þó unnið hörð- um höndum við að berja í brestina og þar á bæ töldu menn sig komna svo langt að þeir ákváðu að storka tölvuþrjótum eins og getið er í upp- hafi. Microsoft-menn settu upp tölvu utan við eldvegg fyrirtækisins sem keyrði lokabetaútgáfu af Windows 2000 og nýjustu gerð vefþjóns fyr- irtækisins, Internet Information Server, IIS. Síðan skoruðu þeir á tölvuþrjóta um allan heim að spreyta sig á að brjótast inn í tölv- una og nálgast þar ákveðin gögn á tilteknum notendasvæðum. Varla var búið að setja tölvuna upp er hún fór á hliðina. Framan af degi komust fáir inn á heimasíðu vélarinnar og enn færri fengu síð- una óbrenglaða upp. Á vef tölvunn- ar mátti sjá að snemma um daginn þurfti að endurræsa hana og eftir það vantaði ýmsa þjónustu sem nauðsynleg er til að taka við Net- umferð. Ekki var ástandið miklu betra daginn eftir og síðustu fregn- ir herma að fljótlega eftir það hafi Microsoft ákveðið að slökkva á tölvunni. Keppinautar Microsoft hafa lítið viljað láta hafa eftir sér um uppá- tækið, segja það leið til að fá ódýra auglýsingu, en aðstandendur PPCLinux verkefnisins, sem þróað hafa Linux-afbrigið fyrir tölvur með PowerPC örgjörvum, skoruðu á tölvuþrjóta að reyna að brjótast inn á einhvern af vefþjónum þeirra og fá að launum tölvuna sem þeir ná inn á. Linux-box og BeOS TÖLVUFYRIRTÆKIÐ BeComputing, sem framleitt hefur tölvur með BeOS-stýri- kerfinu upp settu, sameinaðist á dógunum fyrirtæki sem fram- leitt hefur Linux-tölvur, WiredPenguin. Afrakstur sam- einingarinnar verður tölvur sem keyra bæði BeOS og Lin- ux, en fyrsta vélin í þeirri röð, iGeek, var kynnt fyrir skemmstu. Tölvan nýja er turntölva með hálfgagnsærri fjólublárri plast- skel, en innvolsið er hefðbundið; 433 MHz Intel Celeron örgjörvi, 64 MB innra minni, 6,4 GB harður diskur, Voodoo Banshee AGP skjákort með 16MB minni, Creative Labs-hljóðkort, 40 hraða geisladrif, hátalarar og tilheyrandi. Með Debian og/eða RedHat Linux upp sett kostar tölvan um 60.000 kr. Væntanlegar eru fleiri tölvur frá BeComputing, RealiBe, VelociBe og IntesiBe, sem allar verða með BeOS og Linux upp sett.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.