Morgunblaðið - 04.11.1999, Blaðsíða 16

16 FIMMTUDAGUR 4. NÓVEMBER 1999
MORGUNBLAÐIÐ
AKUREYRI
Kórsöngur,
kökur og
kertaljós
SAMKÓR Svarfdæla heldur söng-
skemmtun í Laugaborg í Eyja-
fjarðarsveit föstudagskvöldið 5.
nóvember og hefst hún kl. 21.
Kórinn, undir stjórn Rósu Krist-
ínar Baldursdóttur, hefur á ferli
sínum farið nokkuð óhefðbundnar
leiðir í lagavali og flutningi. A efn-
isskránni að þessu sinni er ein-
göngu norræn tónlist. Þar gefur að
heyra norræn þjóðlög og vísur frá
Norðurlöndum í nýstárlegum
kórútsetningum, djassskotin ís-
lensk dægurlög eftir Sigfús, Jón
Múla og fleiri og sjómannalög bæði
íslensk og skandinavísk. Undirleik
annast Daníel Þorsteinsson píanó-
leikari og snarstefjar af fingrum
fram ef svo ber undir. í nokkrum
lögum syngur Þórarinn Hjartarson
með kórnum en aðrir einsöngvarar
eru Guðrún Lárusdóttir, Svana
Halldórsdóttir, Jóhann Daníelsson,
Rósa Kristín Baldursdóttir og
Hjörieifur Hjartarson.
Æfingar
hafnar
á jóla-
leikritinu
Formaður ÍTA um bókun fulltrúa L-lista og Framsóknarflokks í vikunni
Þessi vinnubrögð eru
þeim ekki til sæmdar
ÞÓRARINN B. Jónsson, bæjar-
fulltrúi Sjálfstæðisflokks og for-
maður Iþrótta- og tómstundaráðs
Akureyrar, sagðist standa við þau
orð sín að bókun Nóa Björnssonar,
fulltrúa L-lista, og Þórarins E.
Sveinssonar, fulltrúa Framsóknar-
flokks í ITA, sem þeir lögðu fram á
fundi ráðsins 12. október sl., hefði
verið þeim til minnkunar. Þórarinn
lét þau orð falla á fundi bæjar-
stjórnar 19. október, þar sem fund-
argerð ÍTA var til umfjöllunar.
Eins og fram kom í Morgunblað-
inu í gær, lögðu Nói og Þórarinn
fram aðra bókun á fundi ÍTA í
fyrradag vegna ummæla formanns
ITA í bæjarstjórn. Nói og Þórarinn
sökuðu formann ITA um að ráðast
að þeim með „skítkasti" þar sem
þeir voru ekki á staðnum til að
svara fyrir sig, um leið og hann
væri að fela innan flokks vandamál
og sárindi.
„Þessir menn sem eiga að vera að
vinna íþróttahreyfingunni og Akur-
eyrabæ gagn og til þess kosnir í
ráðið, eiga að einblína á það en ekki
að vera með skítkast á mig sem for-
mann ráðsins eða bæjarstjóra.
Þessi vinnubrögð eru þeim ekki til
sæmdar. Og sú skoðun mín að bók-
un þeirra í ITA12. október hafi ver-
ið þeim til minnkunar hefur síður en
svo breyst," sagði Þórarinn B. Jóns-
son. Hann sagði að eining innan
meirihlutans og innan bæjannála-
flokks Sjálfstæðisflokksins gæti
ekki verið meiri. „Við erum öll að
vinna okkar vinnu af fullum heilind-
um og með virðingu hvert fyrh-
öðru.“
Bæjarstjóri þarf
ekkert leyfi
Mál þetta kom upp eftir að Krist-
ján Þór Júlíusson bæjarstjóri ræddi
við formenn íþróttafélaganna Þórs
og KA fyrir skömmu, um það á
hvem hátt væri hægt að lyfta
íþróttamálum á Akureyri upp á
hærra plan og hugsanlega senda
meistaraflokka félaganna sameigin-
lega til keppni. Þórarinn B. sagði að
bæjarstjóri hefði kynnt þær hug-
myndir sínar á fundi með bæjarfull-
trúum Sjálfstæðisflokksins og að sér
hefði þvi verið fullkunnugt um þær
fyrir fundinn með formönnum félag-
anna.
„Bæjarstjóri þarf ekkert leyfi
hjá Nóa eða Þórarni til að ræða við
formenn Þórs og KA. Þeim kemur
það bara ekkert við. Hann er bara
að vinna sína vinnu sem bæjar-
stjóri og gerir það alveg ágætlega
að mínu mati.“
Nói og Þórarinn spurðu bæjar-
stjóra í bókun sinni 12. október
m.a. að því hvort það væri vilji
meirihluta bæjarstjórnar að knýja
félögin til samstarfs, eða hvort fé-
lögunum yrði refsað ef ekki yrði af
samstarfi þeirra.
Einnig var spurt um frekari fjár-
veitingar til ÍTA og reksturs
íþróttafélaganna. Þá var bæjar-
stjóri spurður að því hvort fyrir-
spurn bæjarstjóra boðaði það að
hætta ætti að hafa samráð við ÍTA
og ÍBA um málefni íþróttahreyf-
ingarinnar og að þeim ætti hér eft-
ir að sinna beint frá skrifstofu bæj-
arstjóra.
I bókun Nóa og Þórarins sem
lögð var fram á fundi ITA á mánu-
dag er formaður ráðsins einnig
spurður að því af hverju ekki hefði
verið hægt að svara spurningum
þeirra frá fundinum 12. október á
málefnalegan hátt og hvað það
hefði verið sem fór svona fyrir
brjóstið á honum. Formaður ITA
sagðist hafa svarað þeim á mál-
efnalegan hátt á fundinum og farið
þar í gegnum þá umræðu.
Hvetur mig ekki
til mikils samráðs
„Bæjarstjóri mætti á fund ráðs-
ins 12. október og svaraði spurn-
ingum Nóa og Þórarins en þeir
vildu ekki láta þar við sitja, heldur
heimtuðu bókun til að geta bullað
áfram með málið. Með því eru þeir
ekki að vinna að heill íþróttamál-
anna en í staðinn komnir með
pólítískan skæting inn í ráðið. Það
fór fyrir brjóstið á mér, enda eng-
um til góðs. Menn hafa tillögurétt
og málfrelsi á fundum ÍTA en það
er ætlast til að slíkar bókanir þjóni
tilgangi málaflokksins.“
Þórarinn B. sagði að þetta upp-
hlaup Nóa og Þórarins ætti eftir að
hafa áhrif á starfíð innan ITA og að
það væri geymt en ekki gleymt.
„En þetta hvetur mig ekki til mik-
ils samráðs við þessa tvo einstak-
linga að sinni.“
ÆFINGAR eru hafnar á jólaleik-
riti Leikfélags Akureyrar, en það
heitir Blessuð jólin og er eftir
Arnniund Backman.
Þetta er bráðfyndið gamanleik-
rit með mörgum kostulegum per-
sónum og er ætlað allri fjölskyld-
unni. Leikritið hefst á einum
mesta annatima flestra fjölskyldna
á íslandi, kl. 17. á aðfangadag.
Hcimilisfólkið reynir að gera allt
tilbúið áður en klukkau verður sex
og gestirnir koma. Margar spaugi-
legar uppákomur verða til þess að
ekki fer allt eins og ætlað var.
Leikarar eru Aðalsteinn Berg-
dal, Anna Gunndís Guðmundsdótt-
ir, Arndís Hrönn Egilsdóttir, Árni
Tryggvason, Saga Jónsdóttir,
Sunna Borg, Vilhjálmur Berg-
mann Bragason, Þráinn Karlsson
og Þórhallur Guðmundsson.
Leiksljóri er Hlín Agnarsdóttir,
leikmynd og búninga gerir Hlín
Gunnarsdóttir og Ijósahönnun
Ingvar Bjömsson.
Frumsýning er áætluð 17. des-
ember næstkomandi og er það
nýjung hjá Leikfélagi Akureyrar
að bjóða upp á leiksýningu á þess-
um tíma.
Myndin er tekin af leikhópnum
og starfsfólki leikfélagsins þegar
samlestur á verkinu hófst.
Akureyrarbær
Skipulagsdeild
Skipulag og uppbygging miðborga
Skipulagsdeild Akureyrar boðar til almenns fræðslufundar um
málefni miðbæja laugardaginn 6. nóvember
næstkomandi kl. 14.00 á Fosshótel KEA, Akureyri.
Dagskrá:
★ Skipulag og uppbygging miðborga: Richard Abrams og James
Morrisey, Bernard Engle Architects and Planners, Bretlandi, ráðgjaf-
ar Reykjavíkurborgar um þróunaráætlun miðborgarinnar.
★ Þróunaráætlun fyrir miðborg Reykjavíkur: Ingibjörg R. Guðlaugs-
dóttir og Jóhannes S. Kjarval.'starfsmenn Borgarskipulags Reykja-
víkur.
★ Kynning þróunaráætlununarinnar:
Anna Margrét Guðjónsdóttir, verkefnisstjóri þróunaráætlunar
miðborgarinnar.
★ Fyrirspurnir, umræður.
Þeir sem áhuga hafa á málefnum miðbæjarins og
þróunarkostum hans eru sérstaklega hvattir til að mæta á fundinn.
Skipulagsstjóri Akureyrar.
Þór sigraði á haustmóti
Skákfelags Akureyrar
ÞÓR Valtýsson sigraði örugglega í
opnum flokki á Haustmóti Skákfé-
lags Akureyrar sem lauk um síð-
ustu helgi, fékk 6 vinninga af 7.
í öðru sæti varð Sigurður Ei-
ríksson með 5 vinninga og Ey-
mundur Eymundsson varð þriðji
með 4Vz vinning.
Stefán Bergsson vann í ung-
lingaflokki, fékk 6/2 vinning af 7,
Hjálmar Freyr Valdimarsson varð
í öðru sæti með 5 vinninga og Jó-
hann Rolfsson varð í þriðja sæti
með 4 vinninga.
Siguróli Magni Sigurðsson varð
hlutskarpastur í drengjaflokki,
fékk 5 vinninga af 7, Agúst Bragi
Bjömsson fékk 4 vinninga og lenti
í öðru sæti og Þorvaldur Snæ-
björnsson var í þriðja sæti einnig
með 4 vinninga, en aukakeppni
þurfti til að skera úr um úrslit í
öðm til fjórða sæti.
Jón Heiðar Sigurðsson sigraði í
barnaflokki, fékk 3 vinninga, og
Eyþór Gylfason varð annar.
Þá er einnig nýlokið hausthrað-
skákmóti félagsins og varð Smári
Ólafsson í fyrsta sæti með 16 vinn-
inga af 17, Ólafur Kristjánsson
fékk 15!4 vinning og Sigurður Ei-
ríksson varð þriðji með 14 vinn-
inga.
Af öðrum úrslitum má nefna að
Sigurður Eiriksson sigraði í tíu
mínútna októbermóti félagsins 45
ára og eldri, Þór Valtýsson varð
annar, báðir fengu 5Vz vinning en
Þór varð lægri að stigum, og
Sveinbjörn Sigurðsson varð í
þriðja sæti. Ólafur Kristjánsson
sigraði í tíu mínútna októbermót-
inu, fékk fullt hús stiga eða 7 af 7
mögulegum.
Þrjú mdt
um helgina
Um helgina verða þrjú mót hjá
Skákfélagi Akureyrar. Fimmtán
mínútna mót verður á föstudags-
kvöld, 5. nóvember, kl. 20. Haust-
hraðskákmót í unglinga-, drengja-
og barnaflokki á laugardag kl.
13.30 og er keppnisgjald 200 krón-
ur og þá verður mót fyrir 45 ára og
eldri á sunnudag kl. 14. Teflt er í
Skipagötu 18, 2. hæð.