Morgunblaðið - 30.06.2000, Qupperneq 76

Reiknaðu með
MORGUNBLAÐIÐ, KRINGLUNNI1,103 REYKJAVÍK, SÍMI5691100, SÍMBRÉF5691181, PÓSTHÓLF 3040,
ÁSKRIFT-AFGREIÐSLA 5691122, NETFANG: R1TSTJ@MBL.1S, AKUREYRI: KAUPVANGSSTRÆTI1
FÖSTUDAGUR 30. JÚNÍ 2000
VERÐ í LAUSASÖLU 150 KR. MEÐ VSK.
Formaður Framsóknarflokksins um
samstarfíð iniiaii Reykjavíkurlistans
- Höfum ekki
notið þess eins
og við teldum
eðlilegt
HALLDÓR Ásgrímsson, utanríkisráðherra og formaður Framsóknarílokks-
ins, segir að það sé ekki sjálfgefið að flokkurinn verði þátttakandi í framboði
Reykjavíkurlistans í næstu borgarstjómarkosningum. Hann segir einnig að
*^>að sé framsóknarfélaganna í Reykjavík að taka ákvörðun um það.
„Þetta samstarf hefur gengið vel
og ég tel að Framsóknarflokkurinn
hafi átt mikinn þátt í því að þetta
samstarf hefur verið farsælt. Hins
vegar er okkur það ljóst í flokkn-
um að við höfum ekki notið þess
eins og við teldum eðlilegt. Það
tengist því að sjálfsögðu að starfið
fer ekki fram í nægilega miklum
mæli í nafni flokksins en það gerir
það þó ekki heldur að því er varðar
—aðra flokka," sagði Halldór er hann
var spurður hvort hann væri sam-
mála Alfreð Þorsteinssyni borgar-
fulltrúa um að Framsóknarflokkur-
inn verði aðili að Reykjavíkur-
listanum í næstu borgarstjórnar-
kosningum.
Halldór sagði að síðan til sam-
starfsins í Reykjavíkurlistanum
var stofnað hefðu orðið breytingar
á vinstri væng stjórnmálanna. „Ég
veit að framsóknarfélögin í
Reykjavík munu fjalla um það í því
ljósi og þar verða menn að meta
hvernig menn geta best komið
áhugamálum Framsóknarflokksins
í framkvæmd og hvernig menn
geta styrkt stöðu flokksins hér á
höfuðborgarsvæðinu," sagði Hall-
dór.
Best að Framsóknarflokkur-
inn bjóði fram sem víðast
Aðspurður sagði Halldór að það
hefði aldrei verið sjálfgefið að
Framsóknarflokkurinn tæki þátt í
framboði Reykjavíkurlistans. „Það
hlýtur að fara eftir því hvernig til
tekst og hvernig menn ná saman
um framhaldið en það er fyrst oog
fremst málefni framsóknarfélag-
anna í Reykjavík að taka um það
ákvörðun. Framsóknarflokkurinn
hefur tekið þátt í kosningum til
sveitarstjórna með ýmsum hætti
og samstarfið í Reykjavík er ekki
einsdæmi en almennt séð hefur það
verið mín skoðun að það sé best og
eðlilegast fyrir Framsóknarflokk-
inn að bjóða fram sem víðast. En
ég viðurkenni vissulega að starfið
innan Reykjavíkurlistans hefur
gengið vel og það verðum við að
sjálfsögðu að hafa í huga við end-
urmat á þessu máli,“ sagði Halldór.
Morgunblaðið/Þorkell
Ktoss fluttur í Öxarárfoss
ÞYRLA flutti í gær kross í Öxar-
árfoss á Þingvöllum, en krossinn
er hluti af útilistaverki sem er
unnið af 14 listamönnum. Sýning
listamannanna nefnist Dyggðirn-
ar sjö að fornu og nýju og stend-
ur til 1. september. Listamennirn-
ir fengu Gallup til aðstoðar til að
finna út hverjar dyggðir samtím-
ans væru. Krossinn, sem Guðjón
Bjarnason myndlistarmaður
gerði, táknar dyggðina heilsu.
Hann er sex metra hár og vegur
600 kíló.
Umhverfisráðu-
neytið kærir einn úr
áhöfn Islendings
Fangaði
hrafns-
unga
Umhverfisráðuneytið hefur
lagt fram kæru á hendur ein-
um úr áhöfn víkingaskipsins
íslendings fyrir brot á lögum
um vemd, friðun og veiðar á
villtum fuglum og villtum
spendýrum en maðurinn mun
hafa fangað tvo hrafnsunga úr
hreiðri og alið upp undir súð
íslendings. Lögreglan í
Grundarfirði tók skýrslu af
áhafnarmanninum i gær en þá
hafði áhöfn íslendings reyndar
þegar sent hrafnsungana tvo
suður og munu þeir nú vera
komnir í Húsdýragarðinn í
Reykjavík.
Málið hjá sýslumanni
Víkingaskipið íslendingur
er nú í höfn Ólafsvikur og bíður
þess að geta haldið til Græn-
lands en mikill hafís þar við
land hefur valdið ferðalöngun-
um nokkrum töfum. Hrafns-
ungamál þessi ku hafa komið
fyrst upp í Búðardal, þar sem
Islendingur lá við bryggju áð-
ur en haldið var til Ólafsvíkur,
en að sögn lögreglunnar í
Grundarfirði verður málið nú
sent fulltrúa sýslumanns í
Stykkishólmi sem mun kveða
upp úr um framhald þess.
Sem kunnugt er segir sagan
að Hrafna-Flóki hafi haft
hrafna um borð á ferðalagi
sínu til íslands fyrir röskum
1.100 árum.
** Vísarábug
gagnrýni á
fiskeldi
VIGFÚS Jóhannsson, formaður
Landssambands fiskeldis- og haf-
beitarstöðva á íslandi (LFH) og for-
maður Alþjóðasambands laxeldis-
framleiðenda, vísar á bug fullyrð-
ingum vísindamanna sem fram koma
í breska tímaritinu Nature, og sem
greint var frá í Morgunblaðinu í gær,
þess efnis að fiskeldi hafi skelfileg
áhrif á umhverfið og villta fiskstofna.
Segir hann greinina vera hræðslu-
járóður sem ætlað sé að tryggja vafa-
sömum umhverfíssamtökum fjár-
magn til áframhaldandi rannsókna.
■ Hræðsluáróður/30
BJÖRK Guðmundsdóttir mun ekki
taka þátt í tónleikaferð kórsins Radd-
ir Evrópu sem skipulögð er í sam-
vinnu hinna niu menningarborga
Evrópu árið 2000. Kórinn mun þó
halda óbreyttri áætlun á tónleikaför
sinni um Evrópu.
I fréttatilkynningu frá Reykjavík -
menningarborg segir: „Ráðgert var
að Björk kæmi fram með kórnum á
tónleikaferðalagi hans, sem hefst hér
í Reykjavík 26. og 27. ágúst nk. og
syngi þijú laga sinna í sérstakri kór-
útfærslu Atla Heimis Sveinssonar.
Það hefur hins vegar verið vaxandi
áhyggjuefni Bjarkar og forráða-
manna Reykjavíkur - menningar-
borgar að erlendir fjölmiðlar og
nokkrir einstakir skipuleggjendur er-
lendis hafa lagt óeðlilega mikla
áherslu á þátttöku
hennar í verkefninu og
þar með hefur hinn
raunverulegi tilgangur
þess og markmið mjög
fallið í skuggann.
Á vordögum var
Björk útnefnd sem
besta leikkonan á kvik-
myndahátíðinni í Cann-
es og í kjölfar þess hefur
kastljós og ágangur er-
lendra fjölmiðla beinst
að henni með stóraukn-
um krafti. Þegar Björk
kom til liðs við verkefnið
Raddir Evrópu var það
á þeim forsendum að
hún myndi ferðast með
kómum, búa á sömu stöðum og að
tónleikamir yrðu haldnir í tónleika-
sölum og kirkjum. í ljósi hins gríðar-
lega ágangs sem Björk verður nú íyr-
ir af aðdáendum og fjölmiðlum í
Evrópu er nú komið á daginn að
óframkvæmanlegt mun verða að
halda upphaflegu skipulagi. Fremur
en eiga það á hættu að
þátttaka hennar yfir-
skyggi með öllu verk-
efnið hefur Björk nú
tekið þá ákvörðun að
draga sig út úr tón-
leikaförinni."
Kórinn Raddir
Evrópu samanstendur
af 90 ungmennum fró
öllum níu menningar-
borgunum og syngja
þau á níu tungumálum
á ferð sinni um Evrópu.
Kórinn kom fyrst fram í
Reykjavík um áramótin
1999/2000 auk þess sem
kórinn og Björk tóku
þátt í umfangsmikilli
sjónvarpsútsendingu 2000 Today á
gamlárskvöld. Aðalstjómandi Radda
Evrópu er Þorgerður Ingólfsdóttir.
Þórunn Sigurðardóttir, stjórnandi
menningarborgarinnar, segir ljóst að
þar sem kvikmyndin Dancer in the
Dark verði í kynningu um alla Evrópu
á sama tíma og tónleikaferðin stendur
yfir myndi Björk verða fyrir slíkum
ágangi að það væri hvorki á hana né
eða aðra nálægt henni leggjandi auk
þess sem tilgangurinn með tónleika-
ferðinni myndi algjörlega drukkna í
athyglinni sem öll beindist að Björk.
Gengur í gegnum
mikið fjölmiölafár
„Hún er að ganga í gegnum þvílíkt
fjölmiðlafár að ég held að íslendingar
geri sér alls ekki grein fyrir því. Við
sýnum þessari ákvörðun hennar
skilning og þetta er allt gert í góðu
samkomulagi og að vandlega athug-
uðu máli. Björk hefur nú þegar unnið
rnjög gott starf með kómum. I raun
má segja að mikilvægasti hluti þátt-
töku hennar hafi verið að baki, sem
var þátttakan í stóra sjónvarpsút-
sendingunni og tónleikarnir í Perl-
unni um áramótin þar sem megnið af
hennar efni var frumflutt. Þáttur
Bjarkar í kynningunni á þessu verk-
efni var gríðarlega mikilvægur," segir
Þórunn.
„Framlag Bjarkar á tónleikunum
var aðeins ráðgert um 10 mínútur af
tæplega tveggja klukkustunda dag-
skrá með margvíslegri tónlist frá öll-
um löndunum og nýju verki eftir Arvo
Párt sem sérstaklega er samið fyrir
kórinn. Þrátt fyrir þessa ským fjöl-
þjóðlegu vídd og metnaðarfulla
áherslu á fjölbreytta tónlist frá ýms-
um tímum hafa evrópskir fjölmiðlar
verið ófáanlegir til að fjalla um við-
burðinn með öðmm hætti en fyrst og
fremst sem tónleika Bjarkar," segir í
fréttatilkynningu.

STOMP
f^VlaBgiBHpr
ll % Þau eru að koma
4.-9. júli i Háskólabíói
Björk Guðmundsdóttir hefur hætt við þátttöku í Röddum Evrópu
Gríðarlegur
ágangur aðdá-
enda og fjölmiðla
Björk
Guðmundsdúttir