Morgunblaðið - 05.07.2000, Síða 23

MORGUNBLAÐIÐ
ERLENT
MIÐVIKUDAGUR 5. JÚLÍ 2000 23
Sögulegur úrskurður Evrópudómstóls
Grikkir sektaðir
fyrir sóðaskap
Briissel. AP, AFP.
EVRÓPUDÓMSTÓLLINN ákvað í
gær að grísk stjómvöld yrðu beitt
refsingum vegna þess að þau hafa
ekki framfylgt umhverfisreglugerð-
um Evrópusambandsins (ESB)
hvað varðar losun úrgangs í sjó. Er
þetta talinn sögulegur dómur þar eð
þetta er í fyrsta sinn sem dómstóll-
inn fellir dóm sem kveður á um að
aðildarríki ESB greiði dagsektir.
Samkvæmt dómnum ber ríkis-
stjóm Grikklands að greiða dagleg-
ar sektir sem nema 20.000 evmm,
eða tæplega 1,5 milljón ísl. kr., uns
hún hlítir fyrri úrskurði þar sem
þess var krafist að sorphaugar á
eyjunni Krít yrðu hreinsaðir. I yfir-
lýsingu sem Evrópudómstóllinn
sendi frá sér í gær var sagt að sekt-
arupphæðin endurspeglaði mikla al-
vöra málsins og langvarandi brot
grísku ríkisstjórnarinnar á reglu-
gerðum ESB.
Árið 1992 ályktaði dómstóllinn í
þá vera að Grikkjum bæri að loka
sorplosunarsvæðinu nærri bænum
Chania, eftir að framkvæmdastjórn
ESB komst að þeirri niðurstöðu að
losun eiturefna frá flotastöðvum,
sjúkrahúsum og iðnaði væri skaðleg
umhverfinu og heilsu manna. Gríska
ríkisstjórnin virti hins vegar tilmæli
framkvæmdastjórnarinnar að vett-
ugi og bar því við að ekki væri unnt
að flytja sorplosunina annað vegna
ákafra mótmæla bæjarbúa.
Fimm áram síðar, árið 1997, var
svæðið enn í fullri notkun og sá þá
framkvæmdastjórnin sér þann eina
veg færan að kæra málið á ný til
Evrópudómstólsins og fara fram á
sektargreiðslur.
Samkvæmt Maastricht-sáttmál-
anum sem undirritaður var árið
1992, var Evrópudómstólnum í Lúx-
emborg gefið vald til að fara fram á
sektargreiðslur vegna brota aðildar-
ríkja ESB. Hefur dómstóllinn aldrei
nýtt þetta valdsvið sitt fyrr en nú,
þar eð ríkisstjómir ESB-ríkjanna
15 hafa hingað til fallist á úrskurði
dómstólsins. Tvö önnur mál, sem
rekin era á sömu forsendum, bíða
nú ályktunar dómstólsins. Annað
þeirra fjallar um vinnutímareglu-
gerð frönsku ríkisstjórnarinnar en í
hinu era grískar reglugerðir varð-
andi menntamál til skoðunar.
„ Eftir skj álftar ‘4 í Berlín
Berlín. AFP.
PÓLITÍSKIR „eftirskjálftar"
ganga nú yfir stjómmálalífið í Ber-
lín, í kjölfar þess að Helmut Kohl
fyrrverandi kanzlari kom í fyrsta
sinn sem vitni fyrir sérskipaða
rannsóknamefnd þýzka þingsins
sl. fimmtudag. Þrýst er á þann
flokksbróður Kohls, sem fer fyrir
fulltrúum Kristilegra demókrata
(CDU) í nefndinni, að víkja úr
henni.
Við yfirheyrsluna yfir Kohl sl.
fimmtudag kom í ljós að Schmidt
og fleiri CDU-þingmenn sem sæti
eiga í nefndinni, hefðu átt lokaða
fundi með Kohl skömmu fyrir
marga fundi nefndarinnar og svo
hefði einnig verið fyrir vitnisburð
Kohls sjálfs. Saka stjórnarliðar,
fulltrúar jafnaðarmanna og græn-
ingja, Schmidt um að hafa svikið
trúnað með því að veita Kohl upp-
lýsingar um starf nefndarinnar, en
hún hefur það hlutverk að rann-
saka hvað hæft sé í ásökunum um
að tengsl hafi verið milli leynilegra
fjárgreiðslna sem Kohl hefur við-
urkennt að hafa tekið við og
ákvarðana ríkisstjórnar hans,
einkum á síðustu fimm af hinum 16
valdaáram hans, 1993-1998.
Schmidt segir gagnrýnina á
fundahöld sín með Kohl marklausa
og segist munu fara með málið fyr-
ir stjórnarskrárdómstólinn í
Karlsrahe, verði hann þvingaður
til að segja af sér nefndarsetunni.
Danska blaðið Jyllandsposten
hafði á mánudag eftir formanni
nefndarinnar, jafnaðarmanninum
Volker Neumann, að hinar æstu
umræður um yfirheyrslurnar yfir
Kohl væra jákvætt teikn; nú yrðu
CDU-menn varkárari.
Kohl var í baráttuham er hann
kom fyrir nefndina og svör hans
við spurningum meðlima hennar
bættu litlu sem engu við vitneskju
þeirra um þá atburði sem til rann-
sóknar era. ítrekaði hann þá skoð-
un sína, að rannsóknin væri ekki
annað en samsæri pólitískra óvild-
armanna um að eyðileggja orðstír
sinn sem stjórnmálaleiðtoga sem
miklu hefði komið til leiðar á ferli
sínum.
Aftur sátt um Kohl í CDU?
Svo virðist sem sumu samflokks-
fólki kanzlarans fyrrverandi líki
vel umgengnishættir Kohls við
rannsóknarnefndina; að minnsta
kosti þótti stórblaðinu Frankfurter
Allgemeine Zeitung (FAZ) tilefni
til að slá því upp í gær, að CDU
væri tekinn að „volgna“ aftur í
garð Kohls. Óvilji hans til að hjálpa
til við að upplýsa fjármála-
hneykslismál flokksins hafði ann-
ars á fyrstu mánuðunum eftir að
hneykslið hófst í lok síðasta árs
leitt til þess að margir flokksmenn
snera baki við „flokksföðurnum“
fyrrverandi; hann var t.a.m. svipt-
ur titli heiðursformanns.
Yfirheyrslum rannsóknarnefnd-
arinnar yfir Kohl verður fram
haldið á morgun, fimmtudag.
Úrhelli
IBUI japönsku höfuðborgarinnar
Tókýó reynir hér að ýta bíl sem lenti
í vandræðum er umferðargötur fóru
skyndilega á kaf í metúrhelli. Úr-
koman mældist um 80 millimetrar á
einni klukkustund, en það er mesta
í Tókýó
úrkoma sem mælzt hefur á svo stutt-
um tíma á þessum slóðum. Flóð af
völdum úrhellisins settu bæði bfla-
og lestarsamgöngur úr skorðum.
Regntími stendur nú yfir í Japan
og öðrum löndum Austur-Asíu.
Lœstir
stálskápar
fyrír
fatnaðog
persónulega
minu
UMBOÐS- OG HEILDVERSLUN
SUNDABORG 1 SÍMI: 568 3300
www.straumur.is
\
Staðalbúnaður: Cott verð!
Carisma GLXi
1.495.000 kr.
MITSUBISHi
CRRÍ5MR
Carisma er aðlaðandi og ríkulega útbúinn fjölskyldubíll frá Mitsubishi
sem kostar mun minna en sambærilegir bílar á markaðnum.
1,6 I - 100 hestöfl
Álfelgur
ABS-hemlalæsivörn
4 loftpúðar
5 höfuðpúðar
Þrjú þriggja punkta öryggisbelti í aftursæti
Hreyfiltengd þjófavörn
Diskabremsur að framan og aftan
Hástætt hemlaljós í afturrúðu
Þokuljós að framan
Forstrekkjarar á beltum
Rafstýrðar rúðuvindur með slysavörn
Hæðarstillanlegt ökumannssæti
Niðurfellanleg aftursæti
Cœði þurfa ekki að vera dýr- Carisma sannar það.
Laugavegur 170-174 • Sími 569 5500 • Heimasíða www.hekla.is • Netfang hekla@hekla.is

HEKLA
- íforystu á nýrri öld!