Morgunblaðið - 15.07.2000, Blaðsíða 15
MORGUNBLAÐIÐ
AKUREYRI
LAUGARDAGUR 15. JÚLÍ 2000 15
Láni til Skinnaiðn-
aðar breytt í hlutafé
BÆJARRÁÐ Akureyrar samþykkti
á fundi sínum í gær að breyta 45
milljóna króna láni til Skinnaiðnaðar
hf. í hlutafé í fyrirtækinu. Bæjar-
stjórn samþykkti í október sl. að
veita Skinnaiðnaði umrætt lán úr
framkvæmdasjóði og var skulda-
bréfið með breytirétti, þ.e. að heimilt
var að breyta höfuðstól skuldarinnar
í hlutafé í ágúst á hverju ári til ársins
2003.
Kristján Pór Júlíusson bæjar-
stjóri sagði að breytirétturinn nú í
ágúst væri miðaður við gengið þrjá
en hækkaði um einn á hverju ári og
hefði að öllu óbreyttu verið kominn í
6,0 í ágúst 2003.
Bæjarstjóri sagði að ástæða
breytingarinnar væri sú að menn
teldu það hagstæðara að breyta
skuld fyrirtækisns í hlutafé en að
liggja með skuldabréfið inni í fyrir-
tækinu. „Við höfum trú á því að
framtíðaráform félagsins muni
ganga eftir og þá er óumdeilt að um
hækkun á bréfunum geti orðið.
I kjölfar sölu á húsnæði Skinna-
iðnaðar og flutnings á fyrirtækinu í
Folduhúsið óskaði Skinnaiðnaður
eftir því að Akureyrarbær kæmi að
málinu með áðurgreindum hætti.
Oskin var fram komin vegna flutn-
ingsins og hagræðingar í tengslum
við hann.“
Rekstrarár Skinnaiðnaðar stend-
ur yfir frá 1. september til 31. ágúst.
Fyrstu sex mánuði yfirstandandi
rekstrarárs var hagnaður fyrirtæk-
isins 72 milljónir króna. Á sama
tímabili árið áður var félagið rekið
með 86 milljóna króna tapi og nema
umskiptin tæpum 160 milljónum
króna. Meginskýringin á bættri af-
komu fyi-ri hluta rekstrarársins er
sú að Skinnaiðnaður seldi mestan
hluta húseigna sinna á Gleráreyrum
en bókfærður söluhagnaður er 143
milljónir króna. Tap af reglulegri
starfsemi eftir skatta fyrstu sex
mánuði rekstrarársins nam hins veg-
ar tæpum 72 milljónum króna.
Uppskeruhátíð Sundfélagsins Óðins
Kristjana valin
Sundmaður Akureyrar
KRISTJANA Pálsdóttir var út-
nefnd Sundmaður Akureyrar á
uppskeruhátíð Sundfélagsins Óð-
ins, sem haldin var í sundlaugar-
garðinum við Sundlaug Akureyrar
í vikunni. Kristjana er vel að titlin-
um komin en þetta er í þriðja sinn á
jafnmörgum árum sem hún er valin
sundmaður ársins.
Sundmaður Akureyrar er sá ein-
staklingur sem sýnt hefur góðan
árangur, sinnt íþróttinni af áhuga
og samviskusemi, sýnt háttprýði í
framkomu og er yngra sundfólki
félagsins til íyrirmyndar. Kristjana
fékk jafnframt verðlaun sem stiga-
hæsta konan innan félagsins en hún
hlaut 535 stig fyrir 100 metra
skriðsund.
Stigahæsti karlmaðurinn varð
Arnar Freyr Ólafsson fyrrverandi
landsliðsmaður en hann fékk 640
stig fyrir 100 metra skriðsund.
Verðlaun fyrir mestu framför
kvenna hlaut Sigrún Bene-
diktsdóttir fyrir 50 metra flugsund
en hún bætti sig um 168 stig á einu
ári. Verðlaun fyrir mestu framför
karla hlaut Sverrir Sigmar Björns-
son fýrir 100 metra bringusund en
hann bætti sig um 110 stig á einu
ári. Það var Samherji hf. sem gaf
verðlaunin sem veitt voru á upp-
skeruhátíðinni.
Sunddrottningin Hrafnhildur
Guðmundsdóttir, sem verið hefur
yfirþjálfari Sundfélagsins Óðins
síðastliðin tvö ár, lætur nú af störf-
Morgunblaðið/Kristján
Frá uppskeruhátíð Sundfélagsins Óðins, f.v. Hrafnhildur Guðmunds-
dóttir, fráfarandi þjálfari félagsins, sem tók við viðurkenningu sonar
síns, Arnars Freys Ölafssonar, Kristjana Pálsdóttir, Sundmaður Akur-
eyrar, Sverrir Sigmar Björnsson, Sigrún Benediktsdóttir og Margrét
Ríkarðsdóttir forinaður Óðins.
um og færði Margrét Ríkarðsdóttir
henni viðurkenningu á upp-
skeruhátíðinni fyrir vel unnin störf.
Margrét sagði við Morgunblaðið að
Hrafnhildur hefði unnið frábært
starf fyrir félagið og að vissulega
væri eftirsjá í henni. Margrét sagði
að á þjálfaratímabili Hrafnhildar
hefði iðkendum fjölgað úr tæplega
100 í yfir 170 iðkendur. Við starfi
Hrafnhildar tekur Sigurlín Þóra
Þorbergsdóttir, sem þjálfað hefur
sundfólk á Akranesi undanfarin ár.
Sundfélagið Óðinn stóð fyrir ald-
ursfiokkameistaramóti fslands í
Sundlaug Akureyrar seinni partinn
í síðasta mánuði og sagði Margrét
að mótshaldið hefði gengið mjög
vel. Á uppskeruhátíðinni færði for-
maðurinn Helgu Sigurðardóttur
sérstaka viðurkenningu fyrir fram-
lag hennar við undirbúning ald-
ursflokkameistaramótsins og móts-
haldið sjálft. Æfingar hjá Óðni
hefjast um miðjan næsta mánuð og
sagði Margrét að framundan væri
hefðbundið starf innan félagsins.
Dagskrá Lista-
sumars til 21. júlí
ÞANN15. júlí kl. 16.00 verður opnuð í
Deiglunni myndlistarsýning Rögnu
Hermannsdóttur sem stendur til 8.
ágúst. Á morgun, sunnudag, kl.17.00
verða sumartónleikar í Akureyrar-
kirkju. Ydun Duo frá Danmörku. Lise
Lotte Riisager - sópran og Morten
Spanggaard - gítar. Aðgangur er
ókeypis.
Mánudaginn 17. júlí kl. 20.00 verða
píanótónleikar í Safnaðarheimilinu við
Akureyrarkirkju. Mariana Nadirazi
leikur.
Þriðjudagskvöldið 18. júlí kl. 20.00
verða í Deiglunni fagurtónleikar. Elín
Halldórsdóttir syngur, undirleikari
Hannes Guðrúnarson. Aðgangseyrir
1000 kr.
Þann 19. júlí kl. 16.00 opnar Jón
Laxdal Halldórsson myndlistarsýn-
ingu í Kompunni í Kaupvangsstræti.
Sama dag í Deiglunni kl. 21.00 held-
ur hljómsveitin Jagúar fönktónleika.
Aðgangseyrir 1000 kr.
Fimmtudaginn 20. júlí í Deiglunni
kl. 21.30 Túborg jazz, kvartett Hauks
Gröndal frá Kaupmannahöfn. Að-
gangur er ókeypis.
Föstudagskvöldið 21. júlí kl. 20.30
verður í Deiglunni bókmenntavaka
„Heimsókn skáldsins“. Hannes Pét-
ursson les ásamt öðrum eigin Ijóð.
Sýning Tinnu Gunnai’sdóttur,
Snagar, í forstofu Deiglunnar stendur
allt sumarið.
Málverkasýning Sigtryggs Bjama
Baldvinssonar og einþrykksmyndir
Josep Kurhajec eru í Ketilhúsinu og
Níels Hafstein sýnir í Kompunni. Sýn-
ingin er opin alla daga, nema sunnu-
daga og mánudaga, kl. 14.00-17.00.
I Samlaginu Listhús stendur yfir
sýningin „leikur með línur og spor“.
Karl Guðmundsson og Rósa Kristín
Júlíusdóttir sýna. Opið er daglega,
nema mánudaga, frá kl. 14.00-18.00.
I Gallerí +, Brekkugötu 35, stendur
sýning Guðrúnar Pálínu Guðmun-
dsdóttur til 16. júlí. Opið daglega frá
kl.14.00-17.00.
Frábær aðstaða
sundfólks í bænum
Margrét sagði að sundfólkið í
Óðni hefði æft í báðum laugunum,
Sundlaug Akureyrar og Glerár-
laug. „ Aðstaða til æfinga, keppni og
mótahalds er alveg frábær í bænum
og við höfum átt mjög gott sam-
starf við starfsfólk sundlauganna."
Bifreiðastjórar
Hafið bílabænina í bílnum
og orð hennar hugföst
þegar þið akið.
Fæst I Kirkjuhúsinu Laugavegi 31, Reykjavlk,
Sheilstöðinni v/Hörgárbraut, Akureyri og
Litla húsinu, Strandgötu 13B, Akureyri.
Verð kr. 200
Orð dagsins, Akureyri
Fi.YK.1fwK
KrÍt\Ck(*j\
MIR 5 E Vi F'k J R R T fl fi SLItR