Morgunblaðið - 15.07.2000, Blaðsíða 50

50 LAUGARDAGUR 15. JÚLÍ 2000
MORGUNBLAÐIÐ
KIRKJUSTARF
ÍDAG
Morgunblaðið/Golli
Viðey
Safnaðarstarf
Kristnihá-
tíðarmessa
í Viðey
í TILEFNI af 1000 ára kristni-
tökuafmæli íslendinga var ákveðið
að á dagskrá Kristnitökuhátíðar
Reykjavíkurprófastsdæma yrði sér-
stök messa í Viðey sunnudag kl. 14
og kirkjukaffi, jafnframt sem farið
væri í stutta skoðunarferð í eyjunni.
Nú á sunnudaginn kemur, 16.
‘ júlí, verður kristnihátíðarmessa í
Viðeyjarkirkju. Dómprófastur, sr.
Guðmundur Þorsteinsson, predik-
ar, organisti verður Marteinn H.
Friðriksson og Dómkórinn syngur.
Bátsferð verður kl. 13.30.
Að lokinni messu er öllum kirkju-
gestum boðið í kirkjukaffi á stofu-
lofti Viðeyjarstofu og síðan verður
haldið í barnaskólann og klaust-
ursýninginn sem þar er skoðuð
undir leiðsögn staðarhaldara.
Kristnitökuhátíð Reykjavíkur-
prófastsdæma í Reykjavík, Kópa-
vogi og Seltjarnarnesi.
Guðsþjónusta
í Arnarbæli
í Ölfusi
GUÐSÞJÓNUSTA verður í Arn-
arbæli í Ölfusi sunnudaginn 16. júlí
kl. 14:00.
Arnarbæli er fornt höfuðból og
var prestssetur um aldir. Kirkju er
getið þar í elstu rituðu heimildum.
Síðasta kirkja í Arnarbæli var ofan
tekin árið 1909, þegar sóknin var
sameinuð Reykjasókn og ný kirkja
byggð á Kotströnd. Síðasti prestur í
Arnarbæli var séra Helgi Sveins-
son, sem bjó þar 1940-1941, en
flutti þá til Hveragerðis, þar sem
síðar varð prestssetur að lögum.
^ Búskapur var á jörðinni fram á
níunda tug aldarinnar.
Guðsþjónustan á sunnudaginn er
júlímessa Kotstrandarsóknar.
Áætlað er að ganga frá Kotstrand-
arkirkju kl. 12:30, ef veður leyfir, en
leiðin er u.þ.b. 6 km. Komi fólk ak-
andi er afleggjari frá þjóðvegi 1
næst austan við Kotströnd.
Verði veður óhagstætt til úti-
guðsþjónustu verður messað í Kot-
strandarkirkju.
Sóknarprestur.
Kristnihátíð í
Borgarfjarð-
arprófastsdæmi
Héraðsmessa verður við Kross-
laug í Lundarreykjadal sunnudag-
inn 16. júlí kl 14.
Við Krosslaug í Lundarreykjadal
•», voru vestanmenn skírðir á leið frá
Alþingi árið 1000. Þessa verður
löýK)
KRISTIN TRÚ
f ÞÚSUND ÁR
ÁRHE) 2000
minnst með messu á merkum sögu-
stað.
Prestar prófastsdæmisins þjóna
að messunni. Séra Flóki Kristins-
son, sóknarprestur á Hvanneyri,
predikar. Félagar úr kirkjukórum
prófastsdæmisins leiða söng. Ung-
menni fara fyrir skrúðfylkingu.
Barn verður borið til skírnar.
Við hvetjum Borgfirðinga og
ferðafólk til að mæta til guðsþjón-
ustunnar, eiga saman lofgjörðar-
stund og þakka samfylgd kristni og
þjóðar í þúsund ár.
Hafnarfjarðar-
kirkja - sumar-
búðir í bæ
FRÁ árinu 1997 hafa verið haldn-
ar sumarbúðir í bæ á vegum Hafn-
arfjarðarkirkju í ágústmánuði.
Sumarbúðimar fara þannig fram að
börn á aldrinum 6-12 ára mæta við
kirkjuna kl. 13 mánudaga til föstu-
daga, en sumarbúðunum lýkur
hvern dag kl. 16. Margt skemmti-
legt er gert; farið í ferðir í nágrenni
Hafnarfjarðar, grillað uppi í sveit,
Fjölskyldu- og húsdýragarðurinn í
Reykjavík sóttur heim, Hafnar-
fjarðarbær kannaður og margt
fleira skemmtilegt gert. Og ef veðr-
ið er slæmt verður brugðið á leik í
safnaðarheimilinu. Rétt fyrir kl. 16
er síðan stutt sunnudagaskólastund
í kirkjunni. Allir krakkar eiga að
koma með nesti með sér og að sjálf-
sögðu klædd eftir veðri.
Sumarbúðir kirkjunnar hafa ver-
ið vel sóttar þau þrjú sumur sem
þær hafa verið haldnar. Sumarbúð-
astjóri í ár er Eyjólfur Eyjólfsson
en með honum eru hressir krakkar
sem þekkja vel til barnastarfs.
Sumarbúðum Hafnarfjarðar-
kirkju er skipt í fjórar vikur. Þær
hefjast mánudaginn 31. júlí og
hægt er að skrá börnin í eina viku
eða fleiri. Skráning er í síma 555-
1295 í Hafnarfjarðarkirkju eða hjá
'Eyjólfi í síma 696-1321. Óll börn á
aldrinum 6-12 ára eru hjartanlega
velkomin og er vakin athygli á að
boðið er upp á systkinaafslátt.
HaUgrímskirkja. Hádegistón-
leikar kl. 12-12.30. José L. Gonzá-
les Uriol, organisti frá Santiago de
Compostela á Spáni, Ieikur.
KEFAS, Dalvegi 24. Laugardag-
ur 15. júlí: Samkoma fellur niður
vegna útivistar samfélagsins. Nán-
ari upplýsingar í síma 5540086 og
8995777. Þriðjudagur 18. júlí:
Bænastund kl. 20:30. Miðvikudagur
19. júlí: Samverustund unga fólks-
ins kl. 20:30. Föstudagur 21. júlí:
Bænastund unga fólksins kl. 19:30.
Allir hjartanlega velkomnir.
VELVAKAMDI
Svarað í síma 569 1100 frá 10-12 og 13-15
frá mánudegi til föstudags
Frábær
þjónusta
ÉG LENTI í því í síðasta
mánuði að fá mjög slæma
bletti í uppáhaldsfrakkann
minn svo og í vesti. Mér var
sagt af nokkrum „sérfræð-
ingum“ að flíkurnar væru
ónýtar, en þó mætti reyna
að tala við starfsmenn hjá
fatahreinsuninni Fönn í
Skeifunni. Ég sló á þráðinn
í Skeifuna og ræddi þar við
Þorra nokkum, sem tók því
vel að reyna að bjarga fatn-
aðinum. Rúmum þremur
vikum seinna fékk ég bæði
frakkann og vestið sent
heim, sem nýtt, en enginn
reikningur fylgdi með. Ég
hringdi í hreinsunina dag-
inn eftir og þakkaði sérlega
vel unnin störf og óskaði
eftir að fá reikninginn send-
an, hann hefði greinilega
gleymst. Þá var mér tjáð að
þar sem svo langan tíma
hefði tekið að koma fatnað-
inum til skila hefði verið
ákveðið að láta mig ekki
greiða fyrir hreinsunina.
Þetta kalla ég frábæra
þjónustu og þakka hér með
Þorra og hans starfsfólki
hjá Fönn í Skeifunni kær-
lega fyrir. Gangi ykkur allt í
haginn.
Hrefna Baldvinsdóttir,
Vestmannaeyjum.
Æfingaleyfí
fyrir bflpróf
í FJÖLMIÐLUM undan-
fama daga hefur mikið ver-
ið fjailað um að 17 ára ungl-
ingar valdi mestu tjóni í
umferðinni og hugmyndir
komið um að hækka aldur-
inn í 18 ár. Tel ég að átján
ára unglingur sem fær bíl-
próf og sleppt er í umferð-
ina sé jafn reynslulaus og 17
ára unglingur, sé ég ekki
neinn mun þar á. Það sem
þessa ungu ökumenn skort-
ir er reynsla. Hefur mér
dottið i hug hvort ekki væri
ráð að gera það að skyldu að
unglingar ækju fyrsta árið á
æfingaleyfi áður en þeir
fengju prófið. Ég á tvo
drengi sem tekið hafa bíl-
próf - sá yngri ók á æfinga-
leyfi í eitt ár áður en hann
fékk prófið og fannst mér
hann mun ömggari öku-
maður þegar hann fékk
bílprófið og fór út í umferð-
ina heldur en sá sem aldrei
ók á æfingaleyfi. Tel ég að
með þessu öðlist unglingar
þá reynslu sem oft vantar
þegar þeim er sleppt út í
umferðina.
Móðir.
Fyrirspurn
MÁLVERNDARMAÐUR
hafði samband við Velvak-
anda og sagðist hafa átt er-
indi í vegabréfaafgreiðslu
lögreglunnar í Reykjavík.
Þar var miðastandur með
númerum og tók hann sér
einn miða. Á miðanum stóð:
„Your turn is B60“. Vill
málvemdarmaður beina
þeirri fyrirspurn til lög-
regluembættisins hvort
ekki sé hægt að hafa þessa
miða á íslensku.
Kristíntrú
MIG langaði bara að skrifa
nokkur orð um misskilning
vegna kristnihátíðarinnar á
Þingvöllum. Það hafa
heyrst gagnrýnisraddir um
kostnaðinn við þetta. Ég
vildi bara minna á að það er
þýðingarmikið að fólkið í
landinu viti hvaða veg það
vill fara með líf sitt, hvort
það vill lifa heilbrigðu lífi og
góðu sem það getur gert
með hjálp kristinnar trúar.
Bæði verið sjálfum sér til
góðs og öðrum líka. Sjálfs-
eyðingarhvötin stafar af
skorti á kristinni trú og
þess vegna var þessi hátíð á
Þingvöllum góð, vegna þess
að kristin gildi ganga aldrei
úr sögunni og em til góðs
fyrir land og þjóð.
Með kærri kveðju
Unnur Jörundsdóttir
miðill.
Þalddrtíl
Unnar Huldar
MIG langaði að koma á
framfæri þakklæti til henn-
ar Unnar Huldar Sævars-
dóttur, Dvergagili 15 á Ak-
ureyri, en hún rekur þar
brúðarkjólaleigu. Ég fór til
hennar um daginn til þess
að skoða hjá henni úrvalið.
Þjónustan hjá Unni Huld er
alveg frábær, hún er hlý og
einstaklega notaleg. Það
var alveg yndislegt að koma
til hennar. Hafðu mínar
bestu þakkir fyrir.
Guðmunda
Guðmundsdóttir.
ísfólkið
ER EINHVER sem á bæk-
urnar um Isfólkið og vill
láta þær af hendi? Ef svo er
höfum við mikinn áhuga.
Vinsamlegast hafið sam-
band við Kristínu í síma
567-6882 eða 866-9141 eða
við Hjördísi í síma 567-6774.
Tapað/fundid
Rauð Nike-peysa
tapaðist
RAUÐ Nike-peysa tapaðist
í tívolíinu á hafnarbakkan-
um mánudaginn 10. júh' sl.
Upplýsingar í síma 862-
9494.
Gullkeðja tapaðist
GULLKEÐJA tapaðist á
kristnihátíðinni á Þingvöll-
um 2. júlí sl. Skilvís finnandi
er vinsamlegast beðinn að
hafa samband í síma 553-
6757.
Heymartæki tapaðist
HEYRN ARTÆKI tapaðist
á kristnihátíðinni á Þing-
völlum 2. júlí sl. Vinsamleg-
ast hafið samband í síma
551-1799.
Motorola
gsm-súni týndist
SÍÐASTLIÐINN mánu-
dag týndist gsm-sími á búð-
arrápi um bæinn. Gert er
ráð fyrir að hann sé í ein-
hverri búðinni. Þeir sem
gætu gefið upplýsingar um
símann vinsamlegast hringi
í síma 551-9567 eða 438-
1504.
Lego-úlpa tapaðist
LEGO-úlpa tapaðist í Hafn-
arfirði fyrir nokkru. Úlpan
er vel merkt með nafninu
Viktoría Ósk og símanúm-
eri. Skilvís finnandi er
vinsamlegast beðinn að
hafa samband í síma 565-
6613 eða 866-7203.
Dýrahald
Tumi er týndur
KÖTTURINN Tumi sem
er sex mánaða Abyssian-
blanda, gulur og músgrár,
yijóttur að lit með hvítt
trýni og hvítar hosur á
framfótum. Hann týndist
hinn 5. júlí sl. frá Lyngási í
Garðabæ. Tumi var með
tvær ólar um hálsinn, eina
brúna og aðra bláa. Ef þú
hefur orðið Tuma var er
eigandi hans í síma 896-
6317. Tuma er sárt saknað.
Tweety er týndur
TWEETY er grænn páfa-
gaukur með blátt stél.
Hann flaug út um gluggann
heima hjá sér í Þingholtun-
um, miðvikudaginn 12. júh'
sl. Ef einhver hefur orðið
hans var, vinsamlegast haf-
ið samband við Hrund í
síma 551-0308 eða 692-0308.
Kisa í óskilum
SVARTUR og grábrönd-
óttur, litill og nettur köttrn-
hefur undanfarnar tvær
vikur gert sig heimakominn
í Jörfabakka. Ef einhver
kannast við lýsinguna á
honum, vinsamlegast hafið
samband í síma 868-4001.
Grænn páfagaukur
í óskilum
GRÆNN páfagaukur flaug
inn um glugga í miðbæ
Reykjavíkur í síðustu viku.
Eigendur hafi samband í
síma 557-1339 eða 897-0731.
Víkverji skrifar...
ITILEFNI af nýafstaðinni
Kristnihátíð langar Víkverja til
að koma á framfæri hugvekju sem
hann rakst á í gömlu eintaki af
tímaritinu Iðunni, frá árinu 1920,
og er í fullu gildi enn í dag. Hug-
vekjan ber yfirskriftina „Tveir
konungar" og hljóðar svo:
„Einu sinni í fyrndinni var uppi
voldugur konungur í Austurlönd-
um. Hann hafði aðsetur sitt í Bab-
ýlon. Hann var mikill konungur og
sigursæll, lagði undir sig erlend
ríki, eyddi lönd og brenndi borgir
og herleiddi ýmsar þjóðir til höf-
uðborgar sinnar. Annálana um
hreystiverk sín lét hann rista með
fleygrúnum á hamraveggina í landi
sínu. En er hann færðist á efri ár,
lét hann reisa sér leghöll eina
mikla úr brenndum tígulsteini. Og
er hann andaðist, var lík hans
smurt dýrindis smyrslum til þess
að verja það rotnun og lagt til
hvíldar í leghöllinni miklu.
Aldirnar liðu og landið blés upp.
Hin mikla höfuðborg hrörnaði og
hrundi í rústir og leghöllin féll til
grunna. Sjálfir hamraveggirnir
veðruðust upp og urpust sandi. Og
nú er hróður herkonungsins mikla
fallinn í gleymsku og dá og gröf
hans týnd í sandi eyðimerkurinn-
ar.
ALDIRNAR liðu og einn kom
öðrum meiri. En að lokum
fæddist sveinbarn eitt í Betlehem
á Gyðingalandi. Það var lagt í jötu,
því að foreldrarnir voru gestkom-
andi í borginni og höfðu hvergi
höfði sínu að halla. En sveinninn
óx og dafnaði, og er hann var orð-
inn fulltíða, gekk hann út á meðal
fólksins og boðaði því nýja siðu og
nýja trú.
Ekki brenndi hann borgimar né
eyddi löndin, né heldur úthelti
hann blóði nokkurs manns. En
hann boðaði þá trú, að guð væri
gæskuríkur faðir allra manna, og
hann bað mennina um að láta af
hatri sínu og hermdarverkum og
elska hverjir aðra eins og bræður.
Hann huggaði þá, sem hreldir
voru í hjarta sínu, og hjálpaði
þeim, sem sjúkir voru og hjálpar-
vana. Og þó var hann krossfestur
og deyddur.
Ekki hafði hann rist nafn sitt á
hamraveggina. Og þó lifir það enn
í hjörtum manna. Ekki hafði hann
heldur látið reisa sér leghöll neina.
Og þó eru honum reist fleiri eða
færri hús í hverri borg, í hverri
sveit með krossmarkið á tindi. Og
enn eru honum haldin jól með
kristnum mönnum.
AF ÞESSU megið þér sjá, að
máttur hins góða er meiri og
varanlegri en allur hergnýr og öll
herfrægð veraldarinnar; að ljós
gæsku og mildi lifir lengur en allir
skotblossar og herbrestir heims-
ins. Óttist því ei, að gæska og göf-
uglyndi sé til einskis. Sérhvert
mildiríkt orð, sérhver ósérplægin
athöfn er ódauðleg. Hún sigrar
háðung og spott andstæðinga
sinna. Hún lifir í hjörtum annarra
sem heilagur eldur. Og þótt
kristnir menn myrði hverjir aðra
og drepi, knékrjúpa þeir þó þeim,
sem á krossinum dó, fyrir kærleik-
sboðskap hans. En kinnroða hljóta
þeir að bera fyrir trú sína á þann,
sem þeir telja mestan og bestan
allra manna. Og kristni-nafnið
ættu þeir að réttu lagi ekki að
bera.“
Að dómi Víkverja er ágætlega
við hæfi að rifja þetta upp nú er
við minnumst þess að þúsund ár
eru liðin frá þvi kristni var lögtek-
in hér á landi. Gildi góðleikans
fellur aldrei úr gildi og síðustu orð
hugvekjunnar má skoða í ljósi sí-
endurtekinna átaka á milli mót-
mælenda og kaþólskra meðal
nágranna okkar á Norður-írlandi.