Morgunblaðið - 30.08.2000, Síða 15

MORGUNBLAÐIÐ
MIÐVTKUDAGUR 30. ÁGÚST 2000 1 5
AKUREYRI

Kristinn E. Hrafnsson, höfundur verksins, flytur ávarp. Morgunbiaðið/Rúnar Pór
S
Islands-
klukkan
vígð
ÍSLANDSKLUKKAN, útilistaverk
eftir Kristin E. Hafnsson, var vígö
við hátíðlega athöfn við Háskól-
ann á Akureyri á Sólborg í gær.
Flutt voru ávörp og listamaðurinn
afhenti Þorsteini Gunnarssyni,
rektor Háskólans á Akureyri,
reipi til að festa í kólf klukkunn-
ar. Einnig gróðursetti Haraldur
Bessason, fyrrverandi rektor Há-
skólans á Akureyri, hlyn við enda
verksins. Verkið er sett upp í til-
efni aldamótanna, þúsund ára
kristni og landafunda í Norður-
Ameríku og vfgt á afmælisdegi
Akureyrar.
Þorsteinn Gunnarsson, rektor Háskólans á Akureyri, Haraldur Bessa-
son, fyrrverandi rektor, og Kristinn E. Hrafnsson listamaður við hlyn-
inn sem Haraldur gróðursetti.
Aðsókn að
tjaldsvæðum
góð
FORSVARSMENN tjaldsvæða á
Akuréyri, á Húsabrekku og í
Vaglaskógi segjast sáttir við að-
sóknina í sumar og telja hana svip-
aða og í fyrra eða ívið betri. Sum-
arið á Norðurlandi hefur verið afar
sólríkt og þess hafa tjaldgestir not-
ið í ríkum mæli.
Skátafélagið Klakkur rekur tvö
tjaldsvæði á Akureyri, við Þórunn-
arstræti ög svo hið nýja tjaldsvæði
á Hömrum. Ásgeir Hreiðarsson,
Klakki, segir að aðsóknin í sumar
hafi verið góð, sé verslunarmanna-
helgin undanskilin, en þá var hún
mun betri en á síðasta ári. „Eins og
þetta lítur út núna höfum við fengið
um 16.500 gistinætur á tjaldsvæð-
inu við Þórunnarstræti. Þess utan
erum við með 4000 gistinætur á
nýja tjaldsvæðinu á Hömrum." Ás-
geir sagði að í fyrra hefðu gistinæt-
ur við Þórunnarstræti verið um
12.000 og þá var heldur ekki búið að
taka í notkun tjaldsvæðið á Hömr-
um. „Hins vegar fengum við um
8000 gesti á tjaldsvæðið í Kjarna-
skógi um verslunarmannahelgina á
síðasta ári samanborið við einungis
2500 í ár. Þannig að ef við tökum
það með í reikninginn er aðsóknin
svipuð og í fyrra,“ sagði Ásgeir.
Jarðskjálftarnir
höfðu áhrif
Hann sagði að þegar allt væri
tekið saman væru skátarnir ánægð-
ir með aðsóknina í ár. „Við erum
sérstaklega ánægðir með að hafa
fengið 4000 gistinætur á Hömrum,
því að við höfum lítið kynnt það
tjaldsvæði. Sumarið hér var nátt-
úrulega einstakt, sólríkt og hlýtt.
Reyndar heyrði ég það einnig á
ferðafólki í sumar að jarðskjálft-
arnir á Suðurlandi hefðu haft þau
áhrif að sumir ferðuðust frekar
norður á bóginn en suður. Það get-
ur hafa haft áhrif á aðsóknina hér,
ásamt góða veðrinu," sagði Ásgeir.
Ketill Tryggvason, forstöðumað-
ur tjaldsvæðisins í Vaglaskógi,
sagði að aðsóknin í sumar væri
mjög svipuð og á síðasta ári. „Já, ég
held að þetta sé mjög svipað á milli
ára en það var kannski heldur meiri
aðsókn nú í sumar. Veðrið lék við
okkur í sumar svo ég held ég geti
ekki sagt annað en að menn séu
ánægðir hér á bæ,“ sagði Ketill.
Á tjaldsvæðinu í Húsabrekku
fengust þær upplýsingar að að-
sóknin að tjaldsvæðinu þar væri
ámóta og á síðasta ári. Júlímánuður
hefði komið ágætlega út og einhver
reytingur hefði verið fram eftir
ágústmánuði.
Síðasta
göngu-
ferð sum-
arsins
FERÐAFÉLAG Akureyrar
stendur fyrir síðustu gönguferð
sumarsins laugardaginn 2.
september. Farið verður upp í
Reistarárskarð, upp á Kötlu-
fjall og komið niður í Þorvalds-
dal. Brottför er kl. 9 um morg-
uninn.
. Frá mánaðamótunum ágúst-
september verður skrifstofa
ferðafélagsins lokuð, þó verður
opið fostudaginn 1. september
frá kl. 17.30-19 vegna fyrirhug-
aðrar ferðar. Nánari upplýs-
ingar eru á símsvara í síma 462-
2720.
Morgunblaðið/Rúnar Þór
Rikke Pedersen
Freysteum Sigmundsson
Barbara Griffiths, sendiherra Bandaríkj-
anna á íslandi.
Sumarskóli Norrænu eldfiallamiðstöðvarinnar
Fyrirlestrar og vett-
vangsferðir í bland
NORRÆNA eldfjallastöðin hefur síðastliðna
daga staðið íyrir sumarskóla í Reykjahlíð í
Mývatnssveit, en honum er nýlokið. Áð sögn
Freysteins Sigmundssonar hjá Norrænu eld-
fjallastöðinni, hafa 50 nemendur frá Norður-
löndunum og Bandaríkjunum stundað nám í
sumarskólanum þetta árið. Fyrirlesarar á
námskeiðinu eru bæði erlendir og innlendir.
Morgunblaðið leit inn á námskeiðinu.
Úthafshryggir og möttulstrókar
„Þessu námskeiði er ætlað að veita nem-
endum, í námi og nýútskrifuðum, góða innsýn
í valið efni. Núna er það samspil úthafs-
hryggja og möttulstróka sem er tekið fyrir,
en Island situr, sem kunnugt er, nánast á út-
hafshrygg,“ sagði Freysteinn. Hann sagði að
ísland væri svo að segja eins og stór tilrauna-
stofa, hér væru nánast óþrjótandi rannsókn-
armöguleikar.
Að sögn Freysteins er sumarskólinn starf-
ræktur nánast á hverju sumri en féll þó niður
í fyrra. Vanalega stendur námskeiðið yfir í sjö
til tíu daga. „Það má segja að þetta sé byggt
upp á fyrirlestrum og skoðunarferðum og
segja má að tíminn milli þessara tveggja þátta
skiptist til helminga. Sem dæmi má nefna að
við höfum farið í skoðunarferðir að Kröflu,
Öskju og út á Tjörnesið á síðustu dögum,“
sagði Freysteinn.
Vísindamenn
framtíðarinnar
John Sinton er vísindamaður og er frá
Hawaii. Hann er einn af skipuleggjendum
sumarskólans og hefur einnig rannsakað jarð-
fræði íslands á síðustu árum. Hann segir að
sumarskólinn gegni mikilvægu hlutverki í að
þjálfa unga nemendur og rannsóknarmenn.
„Þau eiga eftir að takast á við vandamál og
spurningar í sínu starfi sem við kynnum fyrir
þeim hér í sumarskólanum. í framtíðarrann-
sóknum verða þau leiðtogar vísindamanna á
sínu sviði og eiga vonandi eftir að leysa úr
þessum vandamálum," sagði Sinton.
Eins og áður segir hefur Sinton stundað
ýmsar jarðfræðirannsóknir hér á landi. Hann
segir að áhugavert sé að skoða hvað sé líkt
með jarðfræði Hawaii og íslands, en ekki síð-
ur það sem skilur löndin að. Aðspurður hvort
hann hyggist koma aftur hingað til lands til að
halda áfram rannsóknum segir hann að nú
taki við úrvinnsla gagna og erfitt sé að segja
til um framhaldið eftir það.
Sendiherra Bandaríkjanna
fylgdist með
Á námskeiðinu hitti blaðamaður einnig fyr-
ir sendiherra Bandaríkjanna á Islandi, frú
Barböru Griffiths. Hún sagði að ómögulegt
væri að dvelja á Islandi án þess að hafa áhuga
á jarðfræði og því hefði hún gripið tækifærið
þegar henni bauðst að fylgjast með sumar-
skólanum að störfum. „Eg hef orðið þeirrar
gæfu aðnjótandi að geta fylgst hér með fyrir-
lestrum og einnig hef ég farið í skoðunarferð
inn að Kröflu," sagði Griffiths. Um samstarfið
á milli Bandaríkjanna og íslands, sem er um
kennsluna í sumarskólanum, sagði Griffiths:
„Samvinna þjóðanna við námskeið sem slíkt
gerir mikið til að skapa tengsl á milli fólks. Ég
tel mikilvægt að sú þekking á jarðfræði sem
þjóðirnar búa yfir verði lögð saman til þess að
skapa betri alþjóðaþekkingu á jarðfræðifyrir-
bærum í heiminum," sagði Griffiths.
Nýjar hugmyndir
Rikke Pederson frá Danmörku er einn af
nemendunum á námskeiðinu. Hún mun dvelja
hér á landinu í um eitt ár og stunda eldfjalla-
rannsóknir. „Sumarskólinn gefur fólki tæki-
færi á að hitta fólk víðsvegar að úr heiminum
og kynnast nýjum hugmyndum í greininni,“
sagði Rikke. Hún sagði að uppbygging nám-
skeiðsins væri góð, ekki næðist eins mikill ár-
angur ef aðeins væri um að ræða fyrirlestra.
„I skoðunarferðum er hægt að benda á svart
á hvítu hvað hefur gerst í jarðfræði landsins
og hvers vegna,“ sagði Rikke.