Morgunblaðið - 30.08.2000, Side 20

20 MIÐVIKUDAGUR 30. ÁGÚST 2000
ERLENT
MORGUNBLAÐIÐ
Clinton og Mubarak ræða friðarhorfur í Mið-Austurlöndum
V ong'óðir en
engin lausn
í sjónmáli
Kaíró. AP.
Clinton stoppaði stutt við í Kaíró og að loknum fundi fyigdi Mubarak
honum út að forsetaflugvélinni.
BILL Clinton Bandaríkjaforseti
kom í gær til Egyptalands og átti
fund með forseta landsins, Hosni
Mubarak, og hétu þeir því að leita
allra leiða til að finna lausn á deilum
um frið í Mið-Austurlöndum. Þeir
segja þó enga lausn vera í sjónmáli.
Fundur forsetanna tveggja stóð í
um eina og hálfa klukkustund og fór
fram í glæsilegu móttökuherbergi á
flugvellinum í Kaíró þar sem Clint-
on kom við á leið sinni heim úr heim-
sókn til nokkurra Afríkuríkja.
Þeir gáfu ekki út neinar tilkynn-
ingar að fundinum loknum, en Amr
Moussa, utanríkisráðherra Egypta-
lands, sagði viðræðurnar hafa verið
„góðar, jákvæðar og mikilvægar".
Sagði Moussa að Clinton hefði ekki
lagt fram nýjar áætlanir „en það eru
til leiðir og tillögur og hugmyndir"
sem gætu gert Palestínumönnum
og ísraelum kleift að færast nær
samkomulagi á næstu dögum.
Dennis Ross, sendimaður Banda-
ríkjastjórnar í Mið-Austurlöndum,
sagði að forsetarnir hefðu farið yfir
Leiðbein-
ingar fyrir
lögreglu
London. Reuters.
EKKI kalla á Sómala með því að
benda fingri; ekki snerta túrbana
Sikha án þess að biðja um leyfí og
ekki spyrja Kínverja um þrímenn-
ingaglæpaklíkur. Þetta er meðal
þeirra tilmæla sem er að finna í nýj-
um bæklingi um kynþáttasamskipti
sem allir lögreglumenn í London
munu fá í hendur.
Bæklingurinn verður gefinn út á
svipuðu formi og minnisbók, og í
honum er að finna nytsamlegar
upplýsingar fyrir lögreglumenn og
einnig upplýsingar um hina fjöl-
breyttu trúarhópaflóru bresku höf-
uðborgarinnar, og alla þá menning-
arhópa og samfélög sem búa í
borginni.
„Við höfum rætt við fulltrúa allra
samfélaganna sem nefnd eru í
bæklingnum til að tryggja að leið-
beiningarnar séu nýjar og skipti
máli,“ sagði lögreglumaðurinn
Jonathan Wilson í tilkynningu.
„Þessar upplýsingar gera lög-
reglumönnum auðvelt um vik að
komast að því, til dæmis, hvenær
væri óráðlegt að fara heim til ein-
hvers eða taka skýrslu vegna þess
að trúarhátíð stendur yfir, eða
hvers vegna fangi hefur neitað að
borða síðan hann var hnepptur í
varðhald."
Blaðið Independent greindi frá
því í gær að í bæklingnum væru
lögreglumenn m.a. varaðir við því
að benda fíngri á Sómali vegna þess
að í Sómalíu sé slíkt einungis gert
við hunda. Annað ráð er að taka
niður húfu og fara úr skónum áður
en farið er inn 1 Búddahof.
Lögreglunni í London er í mun
að bæta samskiptin við kynþátta-
hópa í borginni eftir að hafa sætt
l gífurlegri gagnrýni fyrir með-
höndlun sína á morðmáli er svartur
unglingur, Stephen Lawrence, var
myrtur 1993 í árás sem átti rætur
að rekja til kynþáttahaturs. Rann-
sókn á meðhöndlun málsins leiddi í
Ijós að lögreglan hafði ekki
rannsakað málið sem skyldi vegna
„stofnanabundins kynþáttahaturs.“
það sem gerst hefði á öllum þeim
friðarfundum sem haldnir hafi verið
undanfarið, í kjölfar þess að viðræð-
ur Israela og Palestínumanna í
Bandaríkjunum í síðasta mánuði
fóru út um þúfur.
„Við vitum að það er möguleiki á
að koma á friði, en spurningin núna
er fyrst og fremst hvernig hægt sé
að gera það að veruleika," sagði
Ross. „Nú er möguleiki og hann má
ekki glatast ... það er hætta á að
hann glatist."
Vilja ekki spá um
njlja friðarráðstefnu
Moussa sagði að ógerningur væri
að segja til um hvort önnur friðar-
ráðstefna leiðtoga Israela og Pal-
estínumanna yrði haldin í Banda-
ríkjunum. Mubarak sagði áður en
hann hitti Clinton að hann væri
bjartsýnn á að deiluaðilar gætu
komist að samkomulagi áður en
frestur, sem þeir hafa sjálfir sett
sér, rennur út um miðjan næsta
mánuð.
SÉRFRÆÐINGAR í Bretlandi
segja að hætta sé á að kúariða geti
borist í matvæli með því að aðrar
dýrategundir eins og svín, sauðfé og
kjúklingar sýkist án þess að einkenni
komi í ljós, að sögn fréttavefjar BBC.
Ekki sé hægt að horfa fram hjá því að
fræðilega séð geti þetta gerst og vitað
sé að sjúkdómurinn geti borist í fólk.
Vísindamenn við rannsóknastöð
St. Marys-sjúkrahússins í London
hafa nýlega með tilraunum komist að
því að aðrar tegundir en nautgripir
geta sýkst af veikinni án þess að ein-
kenni sjáist á þeim. Gerð var tilraun
með að dæla efni úr sýktum hamstri í
mús. Talið var að mýs gætu ekki
Clinton kom við í Kaíró í þeirri
von að Mubarak gæti lagt hönd á
plóginn við að losa deiluaðila úr
pattstöðu vegna framtíðar Jerúsal-
em, en báðir gera tilkall til borgar-
innar sem höfuðborgar sinnar. Er
borgin sá ásteytingarsteinn sem
friðarviðræður stranda helst á.
„Mubarak hefur gegnt lykilhlut-
verki í þessum umleitunum í að
minnsta kosti 20 ár, í það minnsta
allan þann tíma sem ég hef tekið
þátt í þessu. Svo að við ætlum að
vinna saman og sjá til hvort við get-
um fundið leið til að hjálpa deiluaðil-
unum til að komast yfir þessa stóru
hindrun,“ sagði Clinton við upphaf
fundarins á flugvellinum í Kaíró í
gær.
Egyptar hafa sagt - að minnsta
veikst af kúariðu en í ljós kom að í
heila þeirra fundust eftir tilraunina
afbrigðileg príon-efni sem geta valdið
hættulegum heilasjúkdómi, undiraf-
brigðiafriðunni.
Yfirmaður rannsóknastöðvarinn-
ar, Andrew Hill, sagði að niður-
stöðurnar sýndu að nauðsynlegt væri
að endurskoða þær aðferðir sem not-
aðar væru til að meta varnir annarra
dýrategunda en nautgripa gagnvart
sjúkdómnum.
Hugh Pennington, prófessor í
sýklafræði við Aberdeen-háskóla,
gerði lítið úr því að ástæða væri til
aukins ótta, menn hefðu þegar vitað
að afbrigði kúariðu gæti jafnvel bor-
kosti opinberlega - að þeir muni
ekki reyna að fá Yasser Arafat, leið-
toga Palestinumanna, til að gefa eft-
ir. Hann hefur hvergi hvikað frá
kröfu um yfirráð yfir Austur-Jerú-
salem, sem ísraelar hertóku 1967. í
viðræðunum í síðasta mánuði buðu
ísraelar að Palestínumenn fengju
takmörkuð yfirráð í borginni. Það
var ekki nóg fyrir Arafat, en var
engu að síður stór breyting frá fyrri
afstöðu Israela.
En svo virðist sem Mubarak hafi
reynt að telja Arafat á að hverfa frá
þeirri hótun sinni að lýsa einhliða
yfir stofnun sjálfstæðs ríkis Palest-
ínumanna 13. september, daginn
sem fresturinn rennur út, hafi við-
ræður við ísraela ekki skilað ár-
angri.
ist í fólk. Aðeins væri verið að stað-
festa fyrri niðurstöður.
Bresk stjómvöld hafa ekki ákveðið
hvort gripið verður til sérstakra ráð-
stafana vegna niðurstaðna vísinda-
mannanna við rannsóknastöð St.
Mary’s. Talsmaður fólks sem misst
hefur ættingja er létust úr C JD-sjúk-
dóminum, sem er afbrigði af kúariðu,
sagði tíðindin valda miklum áhyggj-
um. Vitað er um alls 79 tilfelli af
þessu afbrigði sem greinst hafa hjá
fólki í Bretlandi og er talið að fólkið
hafi fengið veikina með því að borða
afurðir nautgripa sem fóðraðir voru
með beinamulningi úr sýktum dýr-
Aukin fíkni-
efnanotkun
í Rússlandi
NOTKUN ólöglegra fíkniefna í
Rússlandi vex með gífurlegum
hraða og hefur þegar aukist um
25% miðað við síðasta ár, að því
er fulltrúi innanríkisráðuneyt-
isins greindi frá í gær. Um
þrjár milljónir manna hafa
neytt fíkniefna á þessu ári, og
m.a. er heróínneysla útbreidd,
að sögn Viktors Shushakovs,
aðstoðaryfirmanns fíkniefna-
brotadeildar innanríkisráðu-
neytisins. Heildarfjöldi íbúa í
Rússlandi er 147 milljónir. Um
350 þúsund manns hafa skráð
sig á meðferðardeildir sjúkra-
húsa það sem af er árinu.
Shushakov segir að ólöglegum
fíkniefnum sé smyglað inn í
landið frá Afganistan og fyrr-
verandi ríkjum Sovétríkjanna
og einnig séu þau framleidd
innanlands. Örvænting og tak-
markaðar atvinnuhorfur hafa
leitt margt ungt fólk í Rúss-
landi út í fíkniefnanotkun,
sagði Shushakov.
Kínverskir
bændur
mótmæla
BÆNDUR sem mótmæltu há-
um sköttum réðust á opinberar
skrifstofur og heimili embætt-
ismanna í Jiangxi-héraði í Kína
fyrr í mánuðinum, að því er
mannréttindasamtökin In-
formation Center for Human
Rights and Democracy í Hong
Kong greindu frá í gær. Alls
munu rúmlega 20 þúsund
bændur hafa tekið þátt í að-
gerðunum, og handtók lög-
regla fjölda þeirra. Nokkur
hundruð lögreglumenn eru nú
á verði á þeim stöðum þar sem
ólætin urðu, og gæta þess að
ekki komi til frekari upp-
hlaupa, að því er samtökin
segja.
Fram úr
Milosevic
FRAMBJÓÐANDI Lýðræðis-
lega stjórnarandstöðuflokksins
í Serbíu í komandi forsetakosn-
ingum nýtur meiri stuðnings
en Slobodan Milosevic forseti,
samkvæmt niðurstöðum skoð-
anakönnunar sem birt var í
gær. Frambjóðandinn, Vojisl-
av Kostunica, fékk stuðning
35,5% aðspurðra, en Milosevic
24,4%. Alls sögðust 13,2% vera
óákveðin og 11,2% sögðust ekki
ætla að kjósa í kosningunum er
fram fara 24. september. Önn-
ur nýleg skoðanakönnun leiddi
svipaðar niðurstöður í ljós, og
hafði Kostunica samkvæmt
henni 12% forskot á Milosevic.
Morð
í Baskalandi
UNGUR spænskur stjórn-
málamaður var skotinn til bana
í Baskalandi á Norður-Spáni í
gær, og segir lögregla að
hreyfing aðskilnaðarsinna,
ETA, beri ábyrgð á morðinu.
Maðurinn hét Manuel Indiano
Azaustre og var 29 ára bæjar-
ráðsmaður í bænum Zumarr-
aga. Fregnir herma að tveir
grímuklæddir menn hafi skotið
hann nokkrum sinnum þar sem
hann stóð fyrir utan sælgætis-
vöruverslun sína. Er þetta 12.
morðið sem ETA-hreyfingin er
talin hafa staðið að síðan í des-
ember, er hún batt enda á
vopnahlé sitt.
Ritskoðarar í Kína amast við myndum af Dalai Lama
Ljósmyndabók um
Clinton bönnuð
KÍNVERSKIR embættismenn
hafa gert upptækar þúsundir ein-
taka af bók um Bill Clinton
Bandaríkjaforseta vegna þess að
þar er mynd af honum með útlæg-
um leiðtoga Tíbeta, Dalai Lama, að
sögn fréttavefjar BBC. Stjóm
Kína lítur á Tíbet sem kínverskt
land og telur Dalai Lama vera upp-
reisnarsegg en hann flúði til Ind-
lands 1959.
Umrædd ljósmynd var ekki tek-
in af Clinton og tíbeska leiðtogan-
um í skrifstofu Bandaríkjaforseta
eins og venja er og var ástæðan að
menn vildu ekki styggja Kínverja
með því að sýna Dalai Lama slíkan
heiður. Var minnst á þetta í skýr-
ingartexta með myndinni.
Kínverska sendiráðið í Washing-
ton sagði útgefendum bókarinnar
að það væri markviss stefna kín-
verskra stjórnvalda að fylgjast
með „pólitísku innihaldi" prentaðs
efnis sem bærist inn í landið. Bæk-
umar voru prentaðar í Hong Kong
og einvörðungu sendar til Kína til
að láta fyrirtæki þar binda þær inn
og síðan átti að dreifa þeim í
Bandaríkjunum. í bókinni eru um
200 ljósmyndir af forsetanum og
eintök bókarinnar era 16.000.
Kínverjar segja að bækumar
verði um sinn í Kína þar til ákveðið
verði frekar hvað gert verði við
þær. Talsmaður bandaríska utan-
ríkisráðuneytisins sagði aðgerðir
embættismannanna valda mikilli
óánægju. Með þeim væra Kínverj-
ar að brjóta ákvæði alþjóðlegra
samninga um mannréttindi.
Fyrrverandi aðstoðarráðherra
menningarmála í Kína, Ying
Ruocheng, sagði í sjónvarpií Bret-
landi í gær að ritskoðarar í Kína
„brengluðu sannleikann“. Að sögn
ÆP-fréttastofunnar hvatti hann
stjórnvöld til að slaka á klónni í
þessum efnum í menningarmálum.
„Við verðum að hætta að blanda
saman list og áróðri," sagði Ying.
Breskir vísindamenn kynna rannsóknaniðurstöður
______________%L----------------
Kúariða getur borist
milli dýrateg'unda