Árbók Hins íslenzka fornleifafélags - 01.01.1909, Blaðsíða 5

7
miðrí er þó aflangur bali og á honum 2 nýlegar rústir og bil á milli.
Fyrir austan þessa lág er breiður bali. Ofarlega á honum eru ný-
legar rústir á tveim stöðum. Hin þriðja er vestaní honum framar-
lega, lítil og niðurgrafin. En þversum framaní enda. hans eru tvær
forntóftir samhliða, 7 faðma langar. (Þær eru merktar 2 og 3).
Um tóftina 3, skal eg þó geta þess, að hún er glöggvari en hinar
búðatóftirnar, svo mér lá við að taka hana fyrir lítinn sáðreit en
ekki búðartóft. Þó komst eg að þeirri niðurstöðu, að sá efi væri
ekki bygður á gildum ástæðum. Frá þessum tóftum gerir endi bal-
ans krók austurávið og þar eftir annan krók inn i lágina, svo hann
verður nokkurnveginn snagamyndaður. Þar er búðartóft fremst og
austast á horninu, (merkt 4). Hún er 8 fðm. löng frá austri til vest-
urs. Inni á snaganum eru tvær búðatóftir, er ganga hvor af enda
annarar norður og suður (merktar 5 og 6). Þær eru einna óglöggv-
astar. Lágin, sem nú verður, hefir mjótt mynni, en er víð og kvisl-
ótt innar frá. Balinn fyrir austan hana er misbreiður og þó breið-
astur framan til. Uppi á honum er búðatóft, 8 fðm. löng frá austri
til vesturs, (merkt 7). Við innri hlið hennar er önnur óglöggvari
(merkt 8). Framanvið þær og framaní suðurenda balans er sáðreit-
ur (b), 8 fðm. langur og 6 fðm. breiður með smátóft í norðvestur-
horni. Það minnir á Þorleifsstaðasáðreitina (Árb. ’05 bls. 55 —6). Á
næsta balaendanum þar fyrir austan er stór sáðreitur, (c, 10 fðm.
langur og 8 fðm. breiður og hefir líka smátóft í horni. Eigi eru
búðatóftir á þeim bala og eigi ausiar. Dálítil tóft er raunar á næsta
balanum þar fyrir austan og er ekki mjög nýleg, en hefir ekki held-
ur forntófta einkenni. Enn verður lág, og vestaní balanum austan-
megin hennar er einkennileg tóft: Eftir löguninni að dæma liggur
næst að ætla, að það hafi verið stekkur. En til þess er hún ótrú-
lega mikið mannvirki og lítur alls ekki út fyrir að vera frá seinni
tímum. Búðatóftunum er hún alveg ólík (Hún er merkt st. á uppdr.)
Þar framundan, og þó nokkuð vestar, er fram á mýrinni ferhyrnd
girðing, 12 fðm. löng og 6 fðm. breið frá norðaustri til suðvesturs.
Sáðreitur mun það hafa verið, þvi veggirnir norðaustan og norð-
vestanmegin eru miklu meiri en hinir, óefað til skjóls. Dyr eru
engar og engin smátóft. En stór þúfa eða varða er uppúr vestur-
horninu. Þessi tóft er merkt d). Auðvitað hefir ekki verið gjör
sáðreitur á þessum stað fyr en sandurinn var farinn að þorna og
gróa upp. Helzt hygg eg, eftir því sem sáðreitirnir líta út, að þeir
séu allir frá sama tíma eða því sem næst. Er þá þessi reiturinn
vottur þess, að þeir hljóta að vera miklum mun yngri en búðatóft-
irnar, eins og útlitsmunurinn sýnir líka. Enn eru ótaldar tvær búða-