Árbók Hins íslenzka fornleifafélags - 01.01.1932, Page 33

33
staði, sem eru rétt hjá háum hengifossi. Gilgljúfrið að þeim fossi er
þvert fyrir fé, sem hrekur innan-að, ofan-úr fjalli í áfallandi veðrum,
og er enn ætíð byrjað fyrst á því, að reka fénað frá þeirri hættu,
sem valdið hefir tjóni. — En nokkurn hengifoss hjá bænum Fossi
tiefir enginn þekkt (sbr. 34), heldur hávaða. Þar að ánni þekki ég
ekki hættu eða að orðið hafi tjón.
4. Til Flosadals.
Eins og vegur var fyrir austan Þríhyrning, eins hefir hann einnig
verið fyrir vestan hann, yfir hálsinn; það sanna götur þar ljóslega.
Þar er auðvelt að fara dreift eða á ýmsum stöðum yfir, og svo mun
hafa verið gert.
Flosadalur er undir suðvestasta horni Þríhyrnings og að hárri
öxl þar hins vegar. Hafi nú Flosi, þegar hann reið frá brennunni
austur til dalsins, fyrir neðan Vatnsdalsfjall, farið fyrir norðan Þrí-
hyrning til að forðast hættur, umferð og troðninga, mátti hann hvorki
komast fram hjá Hrappstöðum né bæ Starkaðar, sem áður segir, án
þess að þeir blöstu við ferð hans. Sú leið til dalsins er að vísu hálfu
lengri og sízt betri. Austan-í fjallinu er al-ófært til dalsins (41), t. d.
yfir Bólgil, Trippagil og Tómagil. Auk þess hefir hann orðið að fara
nálægt Reynifelli og Þorleifsstöðum, en um byggð þar er ókunnugt
með öllu.
Hvað sem um dvöl Flosa í Hólminum er að segja, mun hann
hafa farið sunnan-megin og látið býlið sunnan-í Reynifellsöldu, hafi
það verið til þá fara í hvarf fyrir uppgönguna; annars staðar
að var al-ófært fyrir hesta.
5. Hlíðarendavegur um Þríhyrning.
Hvort sem var farið frá Hlíðarenda fyrir vestan eða austan Þrí-
hyrning, var farinn einn og hinn sami vegur út undir syðsta hornið.
Þar skiptist vegurinn; hinn syðri lá um Réttarhól og yfir hálsinn, út
á sunnanverða Rargárvelli, til Þorgeirsvaðs, Hofs, Kirkjubæjar o. s.
frv.; en hinn vegurinn lá norður með allri suðausturhlið fjallsins, um
garð á bænum »Undir Þríhyrningi«, yfir Hrafnagilin bæði, niður
Hrafnatungu, fyrir sunnan Þjófafoss, og yfir Fiská nálægt Hrappstöð-
um. Sú leið liggur um efstu byggð Rangárvalla. — Frá Hlíðarenda
að Keldum er syðri leiðin bein og miklu fljótfarnari, þótt hálsinn sé
brattur að vestan.
Njála getur þess, að Þorgeir Starkaðarson undan Þríhyrningi
3