Árbók Hins íslenzka fornleifafélags - 01.01.1932, Blaðsíða 84

84
1. í Vopnafirði rakst ég eigi á neina Goðaborg. Þó er sagt, að
hún hafi áður verið þar til á austurfjöllunum; en þá er hún nú
gleymd. Aftur á móti heitir Hofsborg handan ár á móti Hofi, þar
sem verið hafa beitarhús, utanvert í Steinvarar-Tungu, milli Hofsár
og Sunnudalsár. Eigi vita menn nú að sögn, hví þar heitir Hofsborg,
því eigi er þar drangi né annars konar klettur, sem hefði heitið
Goðaborg. Má vera, að þar hafi verið fjárborg. Norðan Sunnudalsár,
móti Sunnudalsbæ, er sagt að Vopnfirðingar hafi háð Sunnudalsþing.
Hefir þá Brodd-Helgi átt skammt á þingið, þegar hann var veginn
úti fyrir Sunnudalsmynni, líklega vestur frá Haga, á eyrunum, þar
nærri, sem nú heitir Mannskaðabakki. Þar hafa þau Brodd-Helgi eigi
séð þá Geiti fyr en þeir komu að þeim; enda höfðu þeir samið um, að
verða samferða á þingið, og Helgi gert krók á leiðina til þess. Hofs-
tóft með garðalögum í kring er nú sýnd norðan við Hofsbæ.
2. Þórfell heitir all-hár fjallshnjúkur, norðvestur og ofar frá
Hákonarstöðum, landnámsjörð á Jökulsdal. Munnmæli úr Jökuldælu
(eða »Jöklu«) greindu svo frá, að Hákon, — sem nam dalinn að norð-
an, tilbæði þar Þór með fórnfæringu og áheitum miklum, og hlypi
þangað berhöfðaður og berfættur til að dýrka hann, áður en hann
fór til hólmgöngunnar við Skjöldúlf. Hafa menn þótzt sjá þar líkur til
mannvirkja, og dys-Iagaða þúfu, er óljós munnmæli hafa gefið í skyn,
að væri haugur Hákonar. Þessa mun hafa verið getið i »JökIu«, nfl.
sögunni, sem nú er týnd, nema ef hún er til, eða eitthvað af henni,
í safni því er magister Eiríkur Magnússon gaf bækur sínar. Guttormur
prestur í Stöð, Guttormsson, átti að minnsta kosti »Herjúlfsögu«, sem
mun hafa verið þáttur í »Jöklu«. Björg, dóttir séra Guttoms, seldi
Eiríki bækur þær, er hún fékk í arf eftir föður sinn. — Hofstóftin
Jökuldælinga er vel glögg í Goðanesi.
Þá á Fljótsdalshérað sín fornhelginöfn.
3. Ragnaborg heitir fell eitt inni á Múlanum, sem skiptir Fljóts-
dal að innan í Norður- og Suður-dal. Það fell er mikið um sig.
— Þangað hljóp Glúmur frá Glúmsstöðum langa leið, að tilbiðja
goðin; sá hinn sami, sem fórst í bænum, þegar skriðan hljóp á hann,
sem Fljótsdæla segir frá. — Rögn eru goð, og er því nafnið sömu
merkingar og Goðaborg. Þaðan er víðsýnt mjög, enda sést Ragna-
borg víða að.
4. Goda-borg eða -hof heitir klettur á norðurbrún Hallbjarnar-
staðatinds, sem er hátt fjall innarlega að sunnanverðu við Suðurdal
í Skriðdal. Er það hæst fjall,* næst Skúmhetti litlu austar. Klettur
þessi er til að sjá, neðan af þjóðveginum, sem stórt hús. Enda trúðu
menn fyr-meir, að hann væri goðahof Hallbjarnar; er þar byggði