Árbók Hins íslenzka fornleifafélags - 01.01.1943, Blaðsíða 126

126
26 smábein úr hendi, báðir sköflungar og 28 bein úr fæti. 10. 10.
’38 kom á safnið 4. lendarliður og 13. 11. ’38 hægri lærleggur, sem
vafalítið eiga hér heima.
Beinin eru úr konu um 35 ára að aldri og 155 sm að hæð. Hún
hefur verið langhöfði (lengdar-breiddar-vísitalan 74,8), með meðal-
stórt, lágt höfuð. Andlitið hefur verið breitt í hlutfalli við lengdina,
og svo er um nefstæðið, en augntóftirnar eru háar í hlutfalli við
breiddina og kringluleitar. Nefbeinin eru íhvolf. Gómurinn frekar
lágur, án gómgarðs, og neðri kjálki lítill og nettur með vott af kjálka-
garði.
Tennur eru talsvert farnar að slitna, en óskemmdar. Framtennur
í neðri góm eru dálítið skakkar. Tanngarður efri kjálka veit talsvert
fram á við og andlitshornið er frekar lítið (81°), svo að konan hefur
verið frammynnt.
Ganglimirnir hafa verið stuttir, miðað við handleggina, einkum
hafa lærleggirnir verið hlutfallslega stuttir. 5. brjóstliður er með
fleygmyndaðan bol og er niðurflötur hans og uppflötur næsta bols
fyrir neðan allur hrjúfur, eins og étinn. Trúlega hefur hér verið mein-
semd í liðþófanum milli þessara bola, sem sennilega hefur byrjað í
bol 5. brjóstliðs. Ég tel sennilegast, að hér hafi berklar verið að verki,
að minnsta kosti myndu það verða dæmdar berklabreytingar nú, ef
Röntgenmynd sýndi þannig útlítandi hrygg. Þetta hefur sennilega
verið banamein konunnar.
Þessi kona hefur verið mjög frábrugðin að útliti konunni í 1. kuml-
inu. Hún hefur verið í meðallagi há, með frekar stutta fætur og langa
handleggi, sérstaklega hafa lærin verið hlutfallslega stutt. Þar sem
ennið er mjótt og neðri kjálki lítill, hefur konan trúlega verið kringlu-
leit, með stubbaralegt söðulnef, sennilega ,,kartöflunef,“ og dálítið
frammynnt. Augun hafa trúlega verið stór og opin.
A. Eftirtalin bein eru fundin 1947 skammt frá 1. kumlinu, og eru
vafalítið öll úr sama manni: 11 hryggjarliðir, 9 brot úr rifjum, hluti
úr báðum herðablöðum, vinstra viðbein og upphandleggsbein, hægri
hverfileggur, 16 smábein úr hendi, bæði mjaðmarbeinin, báðir sköfl-
ungar, báðir sperrileggirnir og 15 bein úr fótum. 10. 10. ’38 komu
á safnið hægra upphandleggsbein og vinstri lærleggur, sem vafalítið
eiga hér heima. 30. 7. ’48 kom á safnið hægri lærleggur, sem einnig
á hér heima. Beinin eru úr fullorðnum karlmanni, 167V2 sm að hæð,
og hefðu þau vel getað verið úr 5. kumlinu. Hann hefur verið herða-
breiður og vel limaður. Miklar gigtarbreytingar eru í hægri axlarlið