Árbók Hins íslenzka fornleifafélags - 01.01.1970, Side 141

SKÝRSLA UM ÞJÓÐMINJASAFNIÐ 1969
145
það að mörgu leyti hentað sem sýningarhús, auk þess sem húsið
sjálft er mikill dýrgripur og mundi, ef af slíkum kaupum yrði, verða
merkasti gripur safnsins. Einnig lagði þjóðminjavörður til, að reynt
yrði að ná samstöðu við Dalamenn um sameiginlegt safn í Stykkis-
hólmi. Ekki komust þessi mál þó á neinn rekspöl á árinu, því að
„Norska húsið“ reyndist ekki falt nema á miklu verði og Dalamenn
lýstu sig ekki reiðubúna til samvinnu um safn í Stykkishólmi.
Magnús Gestsson kennari, sem safnaði munum í Dalasýslu árið
1968, fór söfnunarferð um allmikinn hluta Snæfellsnessýslu á veg-
um byggðasafnsnefndarinnar þar og varð talsvert ágengt um söfn-
unina.
Nokkur áhugi er að vakna með Austfirðingum um safn sitt á
Skriðuklaustri. Það hefur verið lokað undanfarin ár og hlutirnir í
geymslu, en Menningarsamtök Héraðsbúa hafa sýnt safninu áhuga
og þau keyptu fyrir um tveimur árum gamla baðstofu á Brekku í
Hróarstungu, sem þau hyggjast láta setja upp á Skriðuklaustri
þegar efni og aðstæður leyfa. í september fóru þeir Gísli Gestsson
og Halldór J. Jónsson austur að Brekku og tóku ofan baðstofuna,
merktu og skráðu alla viði hennar og fluttu þá að Skriðuklaustri.
Þetta er sama aðferð og höfð var um baðstofu og stofu, sem nú
eru í safninu á Reykjum, og tókst þarna að ná í prýðisgott sýnis-
horn af austfirzkri fjósbaðstofu, en undir baðstofunni er fjós og
stofa, sem hvort tveggja var tekið með til safnsins. Mun þetta
sóma sér vel þegar búið verður að koma því fyrir í safninu.
Við safnið í Skógum setti Þórður Tómasson safnvörður þar upp
gamla og merkilega skemmu frá Varmahlíð undir Eyjafjöllum, og
er síðan ætlun hans að setja þar upp fleiri hús, svo sem baðstofuna
frá Arnarhóli, sem getið var í siðustu skýrslu. En vegna hinna
stöðugu rigninga varð því ekki við komið þetta árið.
Önnur byggðasöfn störfuðu á svipaðan hátt og áður og varð að-
sókn að þeim heldur með meira móti, einkum norðanlands.
Þjóöminjalög.
Alþingi samþykkti hinn 16. maí ný þjóðminjalög sem staðfest
voru síðan af forseta Islands hinn 19. maí. Lagafrumvarpsins var
getið í síðustu skýrslu og er ekki miklu við það að bæta, enda var
það samþykkt án verulegra breytinga í meðförum þingsins. Þótt
lög þessi leggi starfsliði safnsins allauknar skyldur á herðar, er þó
mikils um vert að hafa fast land undir fótum hvað fornleifavörzluna
áhrærir. Húsafriðunin, sem er hvað mest nýmæli í lögunum, komst
10