Árbók Hins íslenzka fornleifafélags - 01.01.1975, Side 144

148
ÁRBÓK FORNLEIFAFÉLAGSINS
Bygg&asöfn.
Á árinu voru veittar kr. 2300 þús. til byggðasafna sem skiptist í
byggingastyrk og gæslustyrk, kr. 2015 þús. í byggingastyrk en af-
gangurinn fór til að greiða hluta ríkisins í gæslu við söfnin.
Byggingastyrkur skiptist þannig: Byggðasafn Akraness og nær-
sveita, kr. 200 þús.; Byggðasafn Borgarfjarðar, kr. 100 þús.;
Byggðasafn Snæfellinga, kr. 400 þús.; Safn Egils Ólafssonar á Hnjóti,
kr. 40 þús.; Auðkúlukirkja, kr. 100 þús.; Byggðasafn Þingeyinga,
kr. 200 þús.; Safnastofnun Austurlands, kr. 200 þús.; til viðgerðar
Gömlu búðar á Eskifirði, kr. 150 þús.; Byggðasafn Rangæinga og
Vestur-Skaftfellinga, kr. 100 þús.; Byggðasafn Árnessýslu, v. sjó-
minjasafns, kr. 100 þús.; til húss Bjarna Sívertsens, Hafnarfirði,
kr. 300 þús.; Samband húnvetnskra kvenna, til heimilisiðnaðarsafns,
kr. 25 þús.; Þingeyrakirkja, kr. 100 þús.
Að auki fékk Byggðasafn Akraness og nærsveita aukafjárstyrk,
kr. 250 þús., til viðgerðar kútters Sigurfara sem safnið eignaðist þá
um sumarið.
Af þessum stofnunum er Þingeyrakirkja ný á skrá, en þessi merka
kirkja, sem senn er 100 ára, þarfnast talsverðrar viðgerðar á næstu
árum. Nýlega hefur þakið verið endurbætt mjög, sem reyndar er
nýlegt koparþak sem skemmst hafði í ofviðri, en lagfæra þarf raf-
leiðslur allar í kirkjunni og lýsingu, setja upphitun í hana, en nú
eru í henni kosangastæki sem eru mjög varasöm, og yfirfara þarf
kirkjuna alla að öðru leyti. En hér er sömu sögu að segja og víðast
annars staðar, að kirkjan er nánast eignalaus og söfnuðurinn svo fá-
mennur að hann fær ekki staðið undir neinum verulegum kostnaði.
Talað hefur verið um að kirkjan verði tekin á fornleifaskrá, sem
vera má að sé hið rétta í framtíðinni.
Á Akranesi voru fyrstu húsin tvö af fimm, sem í ráði er að myndi
sýningarhúsnæði safnsins, tekin í notkun við hátíðlega athöfn hinn
4. júlí, en þá hófust þjóðhátíðarhöld Skagamanna. Var margt fólk
viðstatt hátíðina og voru forsetahjónin heiðursgestir. Forsetinn flutti
ávarp af þessu tilefni og einnig mælti þjóðminjavörður nokkur orð
í tilefni atburðarins.
Safninu á Akranesi bættist óvenjulegur safngripur um sumarið,
kútter Sigurfari, sem smíðaður var í Englandi síðla á síðustu öld og
keyptur hingað til lands nokkru síðar, en var síðar seldur til Fær-
eyja. Nú var hætt að nota hann en að frumkvæði Kiwanisklúbbsins