Eimreiðin - 01.01.1912, Qupperneq 59

59
Magnús Brynjólfsson var sjálfframi (self made man). En hann
stærði sig aldrei af því. Hann var ekki einn af þeim mönnum,
sem gera mikið úr þeim erfiðleikum, er þeir sigrast á, svo að
menn skuli fá meira traust á þeim fyrir þá baráttu, er þeir hafi
átt í. En hann var meðlimur stórrar fjölskyldu, sem flutt hafði
til þessa nýja lands, reist sér smábú á ýmsum stöðum og aukið
þau og bætt eftir föngum. Gæöi þessa heims fossuðu ekki inn á
þessi bjargálna frumbýlingsheimili, og þessi ágætis borgari, sem
vér nýskeð höfum átt á bak að sjá, átti við margt misjafnt að
stríða, meðan hann var að búa sig undir lífsstarf sitt. Hann gerði
hverjum degi sín skil, en hafði ekki í hámæli, hvað hann hafði
fyrir stafni. Lúinn var hlutskifti hans og hörkuvinna, það sem
hann átti í vændum með morgundeginum. En hann hélt ótrauður
áfram, og smátt og smátt hafði hann sig fram úr öllum þreytu-
störfunum, svo að bera tók á honum, og smámsaman í fyrstu,
en því næst hröðum fetum, kom svo viðurkenningin, sem hann
hafði svo margfaldlega til unnið. Um fertugt var hann kominn í
feikiálit hjá þjóðinni.
Eað var svo mikið af sönnu manngildi í lífi Magnúsar Bryn-
jólfssonar, en yfirlætisleysið þó svo frámunalegt. Pað var svo
mikið af hreinni og ósvikinni göfgi í öllu hans lífi, og það svo
laust við allan tvíveðrungsskap, að lát þessa aðalsmanns virðist
miklu fremur geta heitið ríkistjón, en héraðsbrestur eða missir fyr-
ir heimafylki það, er unni honum svo heitt.
Áhrifin af lífi Magnúsar Brynjólfssonar munu vara um ókom-
in ár, og kenna þeim af yngri kynslóðinni, er fremst vilja feta.
Hugsanir hans og verk munu bera ávexti hjá komandi kynslóð-
um. Heimurinn hefir grætt á því, að Magnús Brynjólfsson lifði 1
honum.«
Pessi vitnisburður á erindi til fleiri manna en Dakótinga eða
Vestur-Islendinga yfirleitt. Hann á líka erindi til Austur-íslendinga,
til allra, sem íslenzka tungu tala. Pví hvenær sem einhver íslend-
ingur sýnir framúrskarandi hæfileika og vinnur sjálfúm sér álit og
sóma, þá vinnur hann líka þjóð sinni traust og álit, og hefir með
því unnið ættjörð sinni ómetanlegt gagn, hvar sem henn hefir
dvalið í heiminum. Og slíkt gagn hefir Magnús Brynjólfsson unn-
ið Islandi, og þess er skylt að minnast og þakka.
V. G.