Dagblaðið Vísir - DV - 04.06.1984, Blaðsíða 4

4
DV.MÁNUDAGUR 4. JONI1984.
Búrfellsgöngin hafa staðist Þjórsá í fimmtán ár:
„Þaö reyndist allt
vera í besta lagi”
Eftir fimmtán ára þjónustu eru
aðrennslisgöngin að Búrfellsvirkjun i
góðu lagi. Það leiddi skoðun Lands-
virkjunarmanna í ljós.
í fyrsta sinn frá því Þjórsá var hleypt
um göngin haustið 1969 fóru menn inn
í efri hluta þeirra um helgina. Neðri
hluti þeirra hefur oft verið kannaður
enda það verk mun einfaldara. í miðjum
göngunum í Sámsstaðamúla, þar sem
fallgöngin lóðréttu byrja, eru nefnilega
lokur og því hægur leikur að skrúfa
fyrir vatnið.
Meira verk er að skoða efri hlutann.
Það hófst síðastliðinn fimmtudags-
morgun er Þjórsá var allri hleypt í sinn
gamla farveg um Tröllkonuhlaup og
Þjófafoss austan Búrfells. Við það hætti
að renna í Bjarnalón, hið ferkilómetra
stóra, tilbúna miðlunarlón virkjun-
arinnar.
Smám saman taemdist lónið og hinn
tröllslegi aðrennslisskurður að inntaks-
mannvirkjunum við Sámsstaðamúla.
Um kaffileytið á föstudag var lónið
tómt en talsvert jarðvatn rann enn um
skurðinn og inn í göngin. Vatnsrennslið
var þó ekki meira en svo að hægt var að
vaða um í gúmmístígvélum.
Sérfræðingar Landsvirkjunar fóru
inn í göngin til að mæla og skoða hvort
þau hefðu eitthvað breyst við að fá í
gegnum sig 220 rúmmetra vatns á sek-
úndu í hálfan annan áratug.
„Það reyndist allt í góðu lagi. Ekki
var að sjá neinar skemmdir á göng-
unum. Steypulag reyndist í besta lagiþ
sagði Gísli Gíslason, fyrrverandi
stöðvarstjóri virkjunarinnar.
Tækifærið var einnig notað til þess að
ná upp ristum við inntakið. Þær höfðu
legið þar skemmdar líklega frá árinu
1970 þegar ísjakar fóru illa með þær.
Nýjar ristar verða settar niður í haust.
Þær hafa það hlutverk að hindra ísjaka
og drasl í ánni frá því að komast inn.
Slíkt gæti skemmt allvélarnar sex, sem
alls framleiða 210 megavött.
Landsvirkjunarmenn luku skoðun
sinni á laugardag. Vatni var hleypt á þá
um kvöldið. í gærkvöldi hóf Búrfells-
virkjun aftur raforkuframleiðslu eftir
fjögurra daga stöðvun.
Ahrif stöðvunarinnar á þjóðarbú-
skapinn voru í lágmarki. Orkunotkun í
landinu er lítil á þessum tíma árs en
vatnsrennsli í ám i hámarki. Aðrar
virkjanir gátu því bætt upp missi Búr-
fells.
—KMU
DV-myndir: Bj. Bj. og KMU.
Séð úr göngunum út um inntakið. Göngin eru tíu metrar á hæð og tiu metrar á breidd,
Starfsmenn Landsvirkjunar tóku rístarnar upp. ísjakar höfðu skemmt þær fyrir
meira en áratug.
Gengið um aðrennslisskurðinn. Mann-
virkin eru engin smásmíði. Venjulega er
vatnið i skurðinum 25 metra djúpt.
Fyrstu mennirnir í 15 ár fóru niður í
göngin um kaffileytið á föstudag. Þeir
voru látnir síga 30 metra niður að
gangamunnanum.
j dag mælir Dagfari______________j dag mælir Dagfari___________j dag mælir Pagfari
Voðalegar skoðanakannanir
1 hvert skipti sem DV fram-
kvsmir skoðanakannanir taka
taugar pólitikusa að titra. Skoðana-
kannanir eru nefnilega með því
marki brenndar að þær segja til um
viðhorf kjósenda til stjórnmála-
flokka og ríkisstjórna án þess að
flokkarnir komi þar nokkrum
vörnum við. Það er næsta óvanalegt
í landi þar sem flokkapólitíkin
ræður eða að minnsta kosti vill ráða
öllu því sem lifir og hrærist í kjör-
dæmunum. Þess vegna er stjórn-
málaflokkum illa við skoðanakann-
anir og vilja helst banna þær með
lögum sem þýðir á mæltu máli að
fólki skuli bannað að hafa skoðanir.
Könnun á skoðunum fólks er sögð af
hfnu 'Ua, ólýðræðisleg og stórhættu-
leg vegna þess að niðurstöðumar
geta haft áhrif á skoðanir annarra.
Stjórnmálamenn hafa sem sagt ekki
meira álit á dómgreind kjósenda
sinna en svo að úrslit þeirra geti ráð-
ið því hvort fólk kýs eins og flokkur-
inn vill eða hvort það kýs eins og það
sjálft vill. Þetta er það voðalegasta
sem fánaberar flokksræðisins geta
hugsaö sér og þess vegna á að þeirra
mati að koma lögum yfir kannanir
og banna þær með öllu þegar þær
koma flokkunum illa. Þannig em
þær raddir háværar að skoðanakann-
anir rétt fyrir kosningar geti haft
áhrif á úrslit sjálfra kosninganna.
Spurning fer að verða hvort ekki eigi
hins vegar að banna þá stjórnmála-
menn sem eru hræddir við að kjós-
endur segi álit sitt öðruvisi en með
atkvæði sinu og í það minnsta er það
rökrétt niðurstaða aö banna stjóra-
málamönnum að láta í ljósi skoðanir
eða halda uppi áróðri nokkmm dög-
um fyrir hverjar kosningar. Ef
banna á fólki að láta vilja sinn og við-
horf í ljós í skoðanakönnunum hlýtur
sú regla einnig að gilda um fram-
bjóðendurna. Búið er að banna áróð-
ur á kjörstað, búið er að vara við
skoðanakönnunum rétt fyrir kosn-
ingar, og ef það er hættulegt fyrir
lýðræðið að almenningur láti upp
hug sinn verður að gera þá kröfu til
framvarða lýðræðisins, stjórnmála-
mannanna sjálfra, að þeir umgang-
ist lýðræðiö af sömu varúð.
Sú aðferð er einnig til, sem
Morgunblaðið ætlar að praktisera,
að standa fyrir skoðanakönnunum,
en láta undir höfuð leggjast að birta
niðurstöðurnar. Hagvangur efndi til
skoðanakönnunar í vor á vegum Mbl.
og skilaði niðurstöðum í hendur rit-
stjóraarinnar. Þeim var síðan stung-
ið undir stól. Það var ekki fyrr en
kverolant fyrir austan fór að fetta
fingur út í þessi vinnubrögð, sem
Moggi sá sig tilneyddan til birtingar,
með fyrirslætti um að könnunin hafi
verið of gömul til að vera marktæk.
Þetta er svosum aðferð út af fyrir
sig, en verður þó ekki skilin öðruvLsi
en að þeir einir megi vita, sem
öðrum kemur ekki við. Moggi má
vita, en aðrir ekki og þá er bara að
seinka samantekt og segja svo við
--- ■ _______ DV MIDVIKUDAGUR» MAlim
lýðinn, að niðurstöðurnar séu of
gamlar til að þola birtingu!
Á blaði allra landsmanna er stóri
sannleikur meðhöndlaður með tilliti
til lýðræðisins. Þar er það birt sem
hentar best. Ef úrslit skoðana-
kannana stríöa gegn þeim viöhorfum
sem að mati málgagns lýðræðisins
eru rétt hljóta þau úrslit að vera vit-
laus og eru ómerk. Þess vegna birt-
ast þau ekki. Þetta er og í samræmi
við kenningar flokksþrælanna og
pólitíkusanna sem sífellt eru að vara
við skoðanakönnunum af því þær séu
hættulcgar og skoðanamyndandi.
Það er auðvitað miklu smekklegri og
kurteisari aðferð að framkvæma
skoðanakannanir án þess að birta
niðurstöðurnar heldur en að leggja
sig níður við það skítverk að banna
þær með lögum. Tilganginum er náð
meðan enginn veit neitt nema þeir
einir sem hafa einkarétt á vitinu.
Þannig má framkvæma bönn án
þess að banna. Verst er hvað DV
hefur lítinn skilning á þessari lýð-
ræðisást. Kannski dettur einhverjum
í hug að banna blaðið í nafni lýð-
ræðisins? Eða leyfa blaðið en banna
lesturþess!
Dagfari.