Dagblaðið Vísir - DV - 04.06.1984, Blaðsíða 9

DV.MANUDAGUR 4. JÚNI1984.
9
Útlönd Útlönd Útlönd Útlönd

Umheimurinn spyrst nú fyrir um örlög Andrei Sakharovs og mótmæli fara fram
víða um heim vegna meðferðar sovéskra yfirvalda á honum. Myndin var tekin við
athöfn í háskólanum í Pennsylvaníu fyrir nokkru er Sakharov var sæmdur heið-
ursdoktorsgráðu þar. En stóll hans er auður því að sjálfsögðu var hann ekki
viðstaddur athöfnina.
Afganskir skæruliðar
missa Panjsher-dalinn
Tímaritið Newsweek skýrði frá
þvi i gær að för eins af fréttamönnum
blaðsins í þyrlu yfir Panjsherdalinn í
Afganistan virtist staðfesta þá
fullyrðingu Babrak Karmals, forseta
landsins, að stjórnarherinn hefði unnið
sigur á skæruliðum þar.
Sovéski herinn og afganskir
stjórnarhermenn hófu mikla sókn í
apríl siöastliðnum inn í Pansjher-dal
sem löngum hefur verið höfuðvígi
skæruliðaílandinu.
Rússar fullyrða
að Sakharov sé
við góða heilsu
Sovésk yfirvöld fullyrða að vísinda-
og andófsmaðurinn Andrei Sakharov
sé á lífi og hafi hætt hungurverkfalli
sínu. Frá þessu skýrði Jose Federico
de Carvajal, forseti spænska þingsins,
er hann sneri heim frá Moskvu í gær-
kvöldi.
,,Sovésk yfirvöld hafa gefið mér
tryggingu fyrir því að Sakharov sé við
bestu heilsu,” sagði hann.
Carvajal spuröist fyrir um
Sakharov á sunnudagsmorguninn, á
síðasta degi vikulangrar opinberrar
heimsóknar hans til Sovétríkjanna.
„Ég hafði samband við sovésk yfir-
völd þegar ég heyrði sögusagnirnar
um að Sakharov væri látinn,” sagði
Carvajal.
„Háttsett sovésk stjórnvöld fullviss-
uðu mig um að hann væri á lífi og það
var augljóst að þau höfðu kannað
málið áður en þau létu mér þessar upp-
lýsingar í t.hætti hann viö.
Breskt dagblað hafði það eftir „á-
reiöanlegum heimildum” um helgina
aö Sakharov væri látinn. Dóttir
Sakharovhjónanna sagði i sjónvarps-
viðtali í gærkvöldi að hún vissi ekki
hvort það væri rétt enda væri ó-
mögulegt aö komast að hinu sanna í
málinu.
Forkosningum Demókrata-
f lokksins lýkur á morgun
Fréttamaður Newsweek sagði eftir
könnunarferð yfir dalinn að hersveitir
Karmals virtust hafa þar fulla stjóm.
Fréttamaðurinn hafði spurt Karmal
hvers vegna útlendir fréttamenn
fengju ekki að sjá með eigin augum
hvort fullyrðingar stjórnarinnar um
sigur á skæruliðum ættu við rök að
styðjast. Var fréttamanninum þá boðið
í þyrluferð yfir dalinn og varð niður-
staöan hans sú sem áður er getið.
Forkosningum Demókrataflokksins
í Bandaríkjunum lýkur á morgun.
Verður þá kosið í fimm fylkjum,
Kaliforníu, New Jersey, New Mexico,
South Dakota og Virginíu. Kosið
verður um 486 fulltrúa. Mikilvægastar
eru kosningarnar í Kaliforníu og New
Jersey því þar verður kosið um 413
fulltrúa samanlagt.
Frambjóðendurnir þrír sem bestum
árangri hafa náð — Walter Mondale,
Gary Hart og Jesse Jackson — komu
fram í sjónvarpi í gær og ræddu þeir
aðallega um afvopnunarmál og horfur
í alþjóöamálum. Voru fram-
bjóðendurnir sammála um eitt atriði
og það var aö Bandaríkin ættu aö
setjast aö samningaborði með Sovét-
mönnum og stööva vopnakapphlaupið.
Mondale kvaö þaö skoöun sína aö
koma ætti á árlegum fundi meö
leiðtogum Bandaríkjanna og Sovét-
ríkjanna og mætti meö því móti eyða
tortryggni sem ríkjandi væri í sam-
skiptum ríkjanna.
Hart var mjög harðorður í garö
Reagans og kvaö hann hættulegan á
forsetastóli. Hann kvaðst vera hrædd-
ur viö aö þriöja heimsstyrjöldin kynni
aö veröa aö raunveruleika fyrir mis-
skilning og tortryggnin á milli stór-
veldanna væri stórhættuleg.
Jackson skar sig nokkuö úr í um-
ræðunum, meðal annars vegna þess aö
hann ságöi stefnu Bandaríkjanna í
málefnum Miö-Austurlanda alranga
og Bandaríkin legðu of mikla áherslu
á stuöning viö Israel.
Mondale hefur nú afgerandi forystu
í forkosningunum. Hefur hann nú þeg-
ar tryggt sér um 1600 fulltrúa á flokks- tryggt sér atkvæöi um 900 fulltrúa og
þinginu en hann þarf atkvæöi 1967 Jackson hefur nú rúmlega 300 fulltrúa
fulltrúa til að ná kjöri. Hart hefur aðbakisér.
Hart, Mondale og Jackson. Lokaslagur þeirra er á morgun. Þá er kosið i fimm síð-
ustu fylkjunum.
Duarte kveðst van-
trúaður á friðar-
vilja skæruliðanna
Jose Napoleon Duarte, forseti E1
Salvador, kveöst vantrúaöur á aö
skæruliðar í E1 Salvador vilji frið.
Lét forsetinn þessi ummæli falla á
sinum fyrsta blaöamannafundi en
hann var formlega settur í embætti á
föstudaginn.
Duarte sagöi aö þeir sem réöu í
herbúöum skæruliöa væru ekki til-
búnir til aö fallast á neinar mála-
miðlanir og þeir heföu ekki áhuga á
neinu ööru en áframhaldandi bar-
dögum. Fyrir viku var lesin upp í út-
varpi skæruliöa tilkynning þess efnis
aö skæruliöar væru reiðubúnir til aö
setjast aö samningaborði.
MYNDBANDALEIGA
Til sölu, rótgróin á besta stað í Reykjavík.
Lítil útborgun.
Þeir sem hafa áhuga sendi nafn og síma til DV, Þverholti 11,
fyrir næsta laugardag merkt
„Myndbandaleiga 1234".