Dagblaðið Vísir - DV - 18.03.1995, Blaðsíða 36

44
LAUGARDAGUR 18. MARS 1995
Sviðsljós
Juliette Lewis
hræðist ekkert
Juliette Lewis er enn ekki búin að jafna sig eftir skilnaðinn við Brad Pitt.
„Juliette Lewis óttast ekkert. Ég
held aö þaö sé þaö sem gerir hana
svo sérstaka," segir leikstjórinn
Lasse Hallström um kvikmyndaleik-
konuna sem er löngu orðin fræg þó
hún sé ekki eldri en 22 ára.
Juliette er dóttir Glennis Batley,
grafískrar listakonu, og Geoffrey
Lewis sem leikið hefur í nokkrum
Chnt Eastwood myndum. Þau skildu
þegar Juliette var tveggja ára og
dvaldi hún til skiptis hjá foreldrun-
um en var þó heldur meira meö fóö-
ur sínum.
Hún vissi fljótt hvaö hún vildi og
tólf ára gömul var hún farin aö leika
í sjónvarpsmyndaflokki. „Þetta er
aldurinn þegar maður er að velta því
fyrir sér hvaö maður ætlar að verða.
Maöur er í skóla en hefur samt mik-
inn frítíma. Hvaö á maður aö gera
við frítímann? Bara hangsa? Mig
langaöi til aö gera eitthvað strax. Og
foreldrar mínir studdu mig.“ Juliette
flutti aö heiman flórtán ára gömul
og fékk aö búa í gestaherbergi leik-
konunnar Karen Black.
Þaö er haft eftir leikstjóranum Ro-
bert Markowitz að í senu í myndinni
Too Young to Die, sem flallar um
flórtán ára stúlku sem hefur veriö
misnotuö kynferðislega, hafi Juliette
hrópað: „Móðir min fleygði mér frá
sér.“ „Þessi orð, sem voru ekki í
handritinu, hrópaði hún þegar sam-
býlismaður hennar í myndinm sagði
henni að flytja heim aftur. Ég veit
ekki hvort foreldrar hennar fóru illa
með hana en það er eitthvað að þegar
flórtán ára unglingur flytur að heim-
an.“
Vegna góðrar frammistöðu í Too
Young to Die fékk Juliette hlutverk
á móti Robert de Niro í Cape Fear.
Hún stal senunni aðeins 17 ára göm-
ul og var tilnefnd til óskarsverð-
launa. Næsta hlutverk hennar var í
mynd Woodys Allens, Husbands and
Wives. Hún lék undir stjóm Lasses
Hallströms í What’s Eating Gilbert
Grape? og ekki er langt síðan kvik-
myndahússgestir sáu hana á tjaldinu
í Natural Born Killers.
Juliette segist ekki vera í neinu
ástarsambandi þessa dagana en
flölmiðlar hafa orðað hana við Leon-
ardo Di Caprio og Adam Sandler.
Hún segist hafa lært lexíu sína eftir
sambúðina með Brad Pitt en þau
léku saman í Too Young to Die og
urðu ástfangin. Sambúð þeirra var-
aði í flögur ár og er um það bil eitt
ár síðan þau skildu. Juliette á enn
erfltt með að tala um það. „En ég get
ekki fullyrt að ég verði aldrei aftur
ástfangin."
Elena Spánarprinsessa og Jaime de Marichalar áttu í leynilegu ástarsam-
bandl i (imm ár.
Spánarprins-
essa upp
að altarinu
í dag gengur Elena de Borbón, elsta
dóttir Jóhanns Karls Spánarkonungs
og Sofflu drottningar, upp að altar-
inu í dómkirkjunni í Sevilla. Hinn
hamingjusami brúðgumi' er Jaime
de Marichalar sem starfar sem hag-
fræðingur í banka í París. Jaime er
sonur Amalio de Marichalar, greifa
af Rapilda, sem lést fyrir 15 árum.
Brúðhjónin, sem bæði eru 31 árs,
kynntust 1987 þegar prinsessan las
franskar bókmenntir við Sorbonne.
Ástin kviknaði 1989 í ferðalagi sem
þau fóru í með vinum til Indlands,
Nepal og Bútan.
Síðustu mánuðina áður en trúlof-
unin var tilkynnt í nóvember fór
Elena nær vikulega til Parísar. Gefið
var í skyn að erindið væri eingöngu
þátttaka í reiðkeppni. Jaime tók
reyndar sjálfur þátt nokkrum sinn-
um en vinir þeirra höfðu lofaö því
að segja engum frá þvi að þau væru
par og hefðu verið þaö í fimm ár.
Tilkynningin um trúlofunina kom
því Spánverjum alveg á óvart.
Um þrettán hundruð gestir veröa
viðstaddir athöfnina í dómkirkjunni
í Sevilla. Veislan verður haldin í
Alcazar, gamalli konungshöll. Mikið
hefur verið um að vera í Sevilla alla
vikuna í tilefni brúðkaupsins. Hús
hafa verið skreytt og mikil flugelda-
sýning undirbúin.
Ekki hefur verið haldin stór kon-
ungleg brúðkaupsveisla á Spáni síð-
an 1906 þegar Alfonso XIII gekk að
eiga Viktoríu Eugeniu, sem var eitt
af barnabörnum Viktoriu Bretlands-
drottningar. Eftir stofnun lýðveldis
1931 hafa flest brúðkaup í konungs-
fíölskyldunni verið haldin utan
Spánar. Jóhann Karl konungur og
Soffía drottning gengu til dæmis í
hjónaband í Aþenu 1962. Konung-
dæmið var endurreist eftir fráfall
Francos 1975.
Ólygirm
sagði...
.. .að andlitslyftingin sem Silvía
Svíadrottning fór i fyrir jólin hefði
vist mistekist. Augn- og háls-
hrukkur eru að koma í Ijós aftur
og þykir það ansi stuttur tími.
Hvort Silvla ætlar í mál við lýta-
lækninn eða fara i aðra aðgerð
skal ósagt iátið en vist er að hún
yngdist mikið víð aðgerðina.
.. .að búist væri við miklu fjöl-
menni 1. júlí þegar Páll, krón-
prins af Grikklandi, gengur að
eiga bandariska stúlku af borg-
araættum. Það þótti miklð
hneyksli þegar prinsinn trúlofað-
ist henni en faðir hennar er bara
amerískur margmilljónari. Svo
virðist sem breytingar eigi sér
stað i konungshöllunum hvað
þetta varðar - unga fólkið leitar
sér maka sem ekki eru konung-
bornir.
.. .aö Chippendales-kropparnir
hefðu nú fækkað fötum fyrir
framan fjórar milljónir kvenna
um allan heim. Vöðvabúntin
koma frá Bandaríkjunum og orð-
rómur segir að mánaðarlaun
Deirra séu nær milljón á mánuði.
.. .að Richard Gere og Julia
Roberts myndu hittast á ný við
tökur á Pretty Wooman númer
2. Tímaritið Hollywood Reporter
greinir frá því að leikstjórinn
Garry Marshall sé að ráðgera
framhald á myndinni sem halaði
inn 350 milljónir dollara.
.. Julia Ormond hefði nýlega
lýst þvi yfir að henni hefði aldrei
dottið í hug að einhverjir aðrir
en nágrannar hennar myndu
þekkja hana í sjón. Julia vekur
athygli mlklu fleiri þvi hún leikur
í þremur stórum Hollywood-
myndum þessa dagana, Leg-
ends of Ihe Fall, First Knight og
Sabrina.