Ársrit Ræktunarfélags Norðurlands - 01.01.1965, Qupperneq 5

5
jafnvel komið í veg fyrir sjúkdóma, sem stafa af efnaskorti.
Með þessum hlutum verður að fylgjast frá ári til árs. Og til
þess svo megi verða er knýjandi nauðsyn, að efnarannsókn-
arstofur fái starfað í sem nánustum tengslum við bændurna
sjálfa. En einmitt það er markmið Rannsóknarstofu Norð-
urlands. Starfssvið hennar er ekki stærra en svo, að hún get-
ur verið í nánu samstarfi við bændurna á félagssvæði Rækt-
unarfélagsins. Með rekstri hennar tekur Ræktunarfélagið á
ný að starfa í anda Páls Briem, og færa vísindin inn á heim-
ili bóndans.
Það er athyglisvert, hversu vel norðlenzkir bændur hafa
tekið stofnun Rannsóknarstofunnar. Þau viðbrögð sýna, að
þeim verður nú æ ljósara, að ef landbúnaðurinn á að stand-
ast, dugar ekkert handahóf. Brjóstvitið eitt nægir ekki í
tækniþróuðum landbúnaði. En framtíð Rannsóknarstofu
Norðurlands hvílir á því, að þessi skilningur haldist og efl-
ist, og honum fylgi sá fórnarvilji, sem nú þegar hefir kom-
ið í ljós við stofnun Rannsóknarstofunnar.
„Elálfnað er verk þá hafið er,“ segir máltækið, en þótt
starf sé nú hafið er enn mikils um vant við framhaldið.
Rannsóknarstofan verður ekki rekin án utanaðkomandi
styrks. Þjónustu sína verður hún að selja undir kostnaðar-
verði, svo dýr er rekstur hennar allur, þótt gætt sé hinnar
mestu hagsýni. Það fé, sem Ræktunarfélagið getur lagt af
mörkum árlega, nær skammt til að halda rekstrinum uppi.
Búnaðarsamböndin hafa að vísu heitið henni stuðningi sín-
um, en fjárhagsgeta þeirra er einnig takmörkuð. Þess vegna
verður ríkisstyrkur að koma til viðbótar. Af þessum sökum
hefur verið sótt um rekstrarstyrk til Alþingis. Veitti Alþingi
til stofunnar 150 þús. kr. rekstrarstyrk fyrir árið 1966. Er
það að vísu allmiklu minna, en stjórn félagsins taldi þurfa.
Verður að vænta þess, að í framtíðinni sjái fjárveitingar-
valdið sér fært að veita rannsóknarstofunni þann rekstrar-
styrk, sem henni er nauðsynlegur. Einkum mættum vér
vænta þess af því, að stofnuninni er algerlega komið upp
með frjálsum framlögum og að minnsta kosti hálfur rekstr-
arkostnaður kemur hér heiman úr Norðlendingafjórðungi.