Ársrit Ræktunarfélags Norðurlands - 01.01.1965, Blaðsíða 27
27
Jóhannes Eyjólfsson, Brekku,
Tómas Jónsson, Brekkukoti,
Sigurður Hafsteinsson, Öxl,
Jón Þorsteinsson, Hnjúki,
Helgi Helgason, Miðhúsum,
Þorsteinn Guðmundsson, Vatnsdalshólum.
Fundargerð getur ekki um hve margir sóttu Steinness-
fundinn, eða hverjir gömlu félaganna urðu með. Á fund-
inum gengu 6 nýir menn í félagið og 1 bættist við síðar á
árinu. Samkvæmt þessu hefðu félagsmenn hins endurreista
félags átt að geta orðið 13, en bækur félagsins bera það með
sér, að einungis 10 félagsmenn hafa goldið félagsgjald fyrir
árið 1876, svo að eitthvað hefir helzt úr lestinni af gömlu
félögunum.
Á Steinnessfundinum var kosin þriggja manna nefnd, til
að semja ný lög fyrir félagið, og voru þau samþykkt á félags-
fundi 12. júní 1876. Á þeim fundi var einnig kosin félags-
stjórn: Sr. Eiríkur Briem í Steinnesi, Sigurður Hafsteinsson
í Öxl og Jón Ólafsson á Sveinsstöðum. Þessi nýju lög voru
ekki færð til bókar, og eru þau því glötuð. Við vitum samt,
að veigamiklar breytingar hafa orðið á félagslögunum.
Stjórnarnefndarmönnum er fækkað úr 5 í 3 og ákvæðin um
fasta, óskerðanlega sjóðseign munu hafa verið felld niður,
því að verulegum hluta sjóðsins er varið til prjónavélar-
kaupa haustið 1876.
Því miður kemur nú önnur eyða. Engin fundargerð eða
önnur gögn um starfsemi félagsins eru til frá árunum 1877—
1883. Það er ekki fyrr en 1884 að hægt er að rekja óslitið
starfsemi félagsins. Lá þá starfsemi félagsins alveg niðri
þessi árin? Miklar líkur eru til þess. Þegar árinu 1867 slepp-
ir er ekki árlegt reikningshald um tekjur og gjöld félagsins
fyrr en árið 1884, og sá reikningur er í raun og veru fyrir
allt tímabilið 1876—84. Þar er fyrst reikningsfærð prjóna-
vélin, sem keypt var haustið 1876, og einu tillögin, sem
færð eru til tekna eru „tillög félagsmanna borguð af Sig-
urði í Öxl í des. 1876“. Engin félagsmannatillög hafa verið
innheimt öll árin 1877—83, hvorki árstillög eða inntöku-