Ársrit Ræktunarfélags Norðurlands - 01.01.1965, Síða 100

101
sóknarstfunnar af almannafé á fjárlögum ársins 1966. Þá
bezt er vitað hefur engin fjárveiting verið ætluð á fjárlög-
um í þessu skyni.
Litlar umræður urðu um skýrslu stjórnarinnar.
3. Reikningar:
Ólafur Jónsson las upp og ræddi reikninga félagsins fyrir
árið 1964. Drap hann á útgáfu ársritsins og gat þess að halli
á útgáfu þess á árinu hefði orðið með minsta móti eða rétt
um kr. 16.000.00.
Þessir tóku til máls um reikningana: Þórarinn Haralds-
son, Jóhannes Sigvaldason, Jón Rögnvaldsson og Hermóður
Guðmundsson. Voru reikningarnir síðan samþykktir með
samhljóða atkvæðum.
4. Fjárhagsáætlun fyrir árið 1966:
Ólafur Jónsson las upp og skýrði tillögur frá stjórninni
um fjárhagsáætlun fyrir árið 1966.
Þessir tóku til máls: Jón Rögnvaldsson, Þórarinn Haralds-
son og Ólafur Jónsson.
Þá var kosin fjárhagsnefnd. Þessir hlutu kosningu: Þórar-
inn Haraldsson, Teitur Björnsson, Sigurður Líndal, Ár-
mann Dalmannsson og Egill Bjarnason. Kl. var þá langt
gengin 12 og fundi frestað. Áður en setzt var að hádegis-
verði var Efnarannsóknarstofa Norðurlands skoðuð í boði
forstöðumanns.
Kl. 1.15 var fundur settur að nýju. Fjárhagsnefnd hafði
þá lokið störfum. Ármann Dalmannsson hafði framsögu fyr-
ir hönd nefndarinnar. Nefndin hafði athugað tillögur stjórn-
arinnar um fjárhagsáætlun fyrir árið 1966. Nefndin lagði
til að 3. liður tekjumegin, framlög frá búnaðarsamböndum,
yrði hækkaður úr 2500 kr. í 12.500 kr. og verði þá framlög
búnaðarsambandanna 5 kr. á bónda í stað einnar kr. áður.
Jafnframt verði 4. liður gjaldamegin, óviss gjöld, hækkaður
um kr. 10.000. Fundurinn samþykkti breytingartillögur