Ársrit Ræktunarfélags Norðurlands - 01.01.1965, Qupperneq 18

18
3. Ingunn Jónsdóttir Þingeyrum ekkja Runólfs M. Ólsen,
sem þar bjó í 19 ár á undan henni.
Af búandi giftum konum héldu þessar 7 áfram búskap
eftir að þær urðu ekkjur:
1. Guðrún Jónsdóttir kona Tómasar Jónssonar síðast í
Brekkukoti bjó þar ekkja í 5 ár.
2. Guðrún Einarsdóttir kona Sigurðar Hafsteinssonar í
Öxl bjó þar ekkja í 4 ár.
3. Anna Björnsdóttir kona Jósefs Skaftasonar læknis í
Hnausum bjó þar 1 ár ekkja.
4. Margrét Stefánsdóttir kona Sigurðar Guðmundssonar
Másstöðum bjó þar ekkja í 1 ár.
5. Jórunn Magnúsdóttir kona Frímanns Ólafssonar
Helgavatni bjó þar ekkja í 18 ár.
6. Engilráð Stefánsdóttir kona Jóns Þorsteinssonar
Hnjúki bjó þar ekkja í 3 ár.
7. Þóranna Guðmundsdóttir kona Ólafs Guðmundssonar
í Haga bjó þar ekkja í 7 ár.
Fyrstu starfsárin.
Búnaðarfélaginu vegnaði vel fyrstu árin, þó að nokkrum
fölskva virðist fljótlega hafa slegið á áhugaeldinn, því að á
haustfundi 1865 gengu 3 menn úr félaginu, og árið 1866
virðast fundarhöld hafa alveg fallið niður. Frá árinu 1867
eru aftur á móti til tvær fundargerðir, en svo ekki úr því
til 1876. Með árinu 1868 virðist því starfsemi félagsins hafa
lagzt niður um nokkurra ára skeið.
Verður nú horfið að því að rekja hina stuttu sögu búnað-
arfélagsins undir stjórn Ólafs á Sveinsstöðum.
Aðalstörf félagsins voru að sjálfsögðu á búnaðarmálasvið-
inu. Það lét fara fram fóðurbirgðaskoðanir og mælingar
jarðabóta, hét verðlaunum fyrir framúrskarandi skepnu-
hirðingu og dugnað í jarðabótum og var byrjað að veita
þau.
Auk þessara mála komu til umræðu á fundum félagsins