Ársrit Ræktunarfélags Norðurlands - 01.01.1969, Side 12

14
standi stntt. Oða verður stöðugt meðan frostið stendur,
en verði það of langur tími má reikna með, að ísingin
verði of mikil og þung fyrir blöðin.
Enn er ónefnd mikilvæg, en óbein vörn gegn næturfrost-
um, en það er skynsamlegt val garðstæða, sem minnzt verð-
ur lauslega á síðar.
Það kom fram hér að framan, að vindhraði hefur áhrif
á myndun hitahvarfa og þar með á næturfrost. Áhrifum
vindsins verður hér bezt lýst með dæmi um fjölda frost-
nátta að Sóllandi, þar sem mælt er í grasreitum bæði á ber-
svæði og í lokuðu skjólbelti, sem er rimlagrindverk með
40% opi:
Á tímabilinu 21. maí til 14. október 1967 fór hiti aldrei
undir frostmark í Reykjavík í 2 m hœð, en á sama tímabili
var fjöldi frostnátta við jörð (5 cm hæð) sem hér segir: Á
bersvæði vorn 40 jrostnœtur en f skjóli 57 frostnœtur, eða
17 fleiri en á bersvæði. Frosthætta er þannig meiri í lokuðu
skjólbelti en á bersvæði. Einkum virðist skjólið auka líkur
á næturfrosti seinni part sumars. Á móti þessu kemur auð-
vitað mun hærri daghiti í skjólbeltinu. Til gamans má einn-
ig nefna, að skuggi frá skjólbeltinu hefur verndað kartöflu-
gras gegn frostskaða, því að komið hefur fyrir, að gras hefur
skemmzt að Sóllandi á bersvæði vegna þess, að morgunsól
skein á frosin blöðin, en í skjólbeltinu voru bliiðin óskemmd
þrátt fyrir meira frost. Þessi áhrif eru þó auðvitað aðeins
við austurjaðar reitanna.
c. Jarðvegurinn.
Þegar hefur verið minnzt á mikilvægi yfirborðsins í bú-
veðurfræði, en þó má ekki gleyma því, sem undir býr. Jarð-
vegurinn er sjálfur mikilvægur, því að hitafar hans og raki
fara að miklu leyti eftir veðri, og öfugt getur gerð jarðvegs-
ins ráðið nokkru um lofthita við jörð. Á Sóllandi og á öll-
um tilraunastöðvum ríkisins er jarðvegshiti nú mældur allt
niður í eins metra dýpt, og mælingar næst yfirborði eru
framkvæmdar víðar.