Ársrit Ræktunarfélags Norðurlands - 01.01.1969, Blaðsíða 44

46
Öll plæging sem nemur meira en 20 sm til dýptar verður
að teljast djúp plœging, en að jafnaði er ekki talað um
„djúpplœgingu“ og að djúpplægja land nema að plægt sé
að minnsta kosti til 40 sm dýptar og oft miklu dýpra en
það.
Með einskera brotplóg, eins og t. d. Kyllingstaðplóg
Oddson, með 16”—18” skera, er auðvelt að plægja til 25—30
sm dýptar, og nota til dráttar heimilistraktor „venjulegan"
að stærð og afli. Slíka plóga þekkja stöku bændur og nota.
Að brjóta mýrlendi með þessum hætti getur þannig verið
heima-vinna, enda sætti bóndinn sig við þau afköst sem
fást með þessum tækjum.
I þessu sambandi ber mér að minnast á ummæli Jónasar
Jónssonar jarðræktarráðunauts, í Handbók bænda 1968,
bls. 161. Þar segir ráðunauturinn svo, í sama mund og
hann dæmir Skerpiplóginn úr leik „til umferðarvinnslu,“
þar sem hann eigi „svo óvíða við“:
„Slétt eða smáþýft land er bezt að plægja með venjuleg-
um plógum og dráttarvélum. Mjög góðum afköstum má
ná með lyftutengdum brotplógum, ein- eða tvískerum, eftir
stærð dráttarvélar.“
Við þetta er fleira að athuga. Jónas nefnir í sömu and-
ránni að plægja með „venjulegum plógum“ og með „lyftu-
tengdum brotplógum, ein- eða tvískerum." En hér er um
tvennt mjög ólíkt að ræða, því að með „venjulegum plóg-
um“ er að jafnaði átt við akurplóga, sem nú tíðkast ávalt
sem tvískerar eða með fleiri skerum. Brotplóga þekki ég
ekki nema sem einskera, tvískera brotplógar eru að minnsta
kosti óþekktir hér á landi, og svo er einnig í Noregi, en
þaðan munu þeir helzt hafa verið keyptir þessir örfáu
traktorplógar, sem inn hafa verið fluttir, á síðari árum.
Ef til vill skiptir þessi misskilningur eða missögn, eða
hvað það nú er, ekki miklu máli, ef ekki kæmi annað til.
Slík umræða og ráðlegging að plægja með tvískera brot-
plógum, vekur því miður þann leiða grun, að hin verklega
þekking og kunnátta, sem er æskileg undirstaða, þegar leið-
beina skal bændum um ræktunarstörf og vinnuhætti, sé