Ársrit Ræktunarfélags Norðurlands - 01.01.1969, Page 58

60
an var lögfest sem iðngrein. Garðyrkjuskólinn er nú sériðn-
skóli fyrir skrúðgarðyrkjuna fyrir utan það að veita mennt-
un í almennri garðyrkju og gróðurhúsagarðyrkju. I því
sambandi hefur verið gerð breyting á reglugerðinni og tek-
in upp aukin kennsla fyrir skrúðgarðyrkjunemana, í þeim
fögum, sem sérstaklega hafa þýðingu fyrir þá. Á sama hátt
hefur verið tekin upp sérkennsla fyrir gróðurhúsagarðyrkju-
nemana í þeim fögum sem sérstaklega hafa þýðingu í gróð-
urhúsaræktinni.
Námstíminn er nú 3 ár, 12 mánaða bóknám, sem skiptist
á 3 vetur, 4 mánuði í senn frá 1. nóv. til 1. marz. Ennfremur
er 3ja mánaða skylduverknám við skólann, en annars fer
verknámið fram við skólann eða hjá garðyrkjumönnum og
á viðurkenndum garðyrkjubúum, undir handleiðslu garð-
yrkjumanns, eða ef um skrúðgarðyrkjunema er að ræða, hjá
skrúðgarðyrkj umeistara.
Auk hinnar reglubundnu kennslu, er fyrr um getur, má
halda allt að 4 mánaða námskeið við skólann, þar sem fram
fari tilsögn í ræktun algengra matjurta og garðagróðurs.
Heimilt er einnig að halda önnur námskeið við skólann,
jægar ástæður leyfa, t. d. í matreiðslu grænmetis, niðursuðu
og geymslu, jurtasjúkdómum, jarðvegs- og áburðarfræði,
verkfærafræði, gróðurlýsingu, byggingu og upphitun gróð-
urhúsa o. fl.
Einnig almenn námskeið fyrir garðyrkjumenn, þar sem
veitt er í fyrirlestrum og á umræðufundum fræðsla um ýms-
ar greinar garðyrkjunnar. Eins og áður er sagt, voru gróð-
urhús skólans 700 ferm., er hann tók til starfa og nokkur
garðlönd. Árið 1947 eru gróðurhúsin orðin 16, til samans
2600 ferm., og auk þess ylreitir og sólreitir ca. 1000 ferm..
Árið 1955 voru gróðurhús skólans orðin um 5000 ferm. og
nú eru þau ca. 6500 ferm. og auk þess gróðurreitir.
I gróðurhúsum skólans hefur farið fram og fer fram ýmis
konar ræktun í sambandi við kennslu, og hefur skólinn haft
forgöngu með ræktun ýmissa nýrra tegunda. Af matjurtum
og ávöxtum mætti nefna: Tómata, agúrkur, melónur, vín-
ber, ferskjur, banana, papriku, púrrur, selju, steinselju,