Ársrit Ræktunarfélags Norðurlands - 01.01.1969, Page 60

62
göngu og haft með höndum jarðvegsrannsóknir í þágu
garðyrkjubænda síðan 1954.
Skólinn hafði forgöngu um gervilýsingu jurta á árunum
eftir 1950. Eftir 1960 var byggður djúpfrystiklefi og teknar
upp tilraunir með djúpfrystingu grænmetis, fyrstar sinnar
tegundar hér á landi, og óefað á sú geymsluaðferð mikla
framtíð fyrir sér hér á landi, eins og annars staðar.
Skólinn hefur útskrifað um 200 nemendur, og hefur á
þann hátt tvímælalaust stuðlað mjög að vaxandi framtíð
garðyrkjunnar í landinu.
Unnsteinn Olafsson var skólastjóri frá stofnun skólans
og til dánardægurs, 22. nóv. 1966. Grétar J. Unnsteinsson
var settur skólastjóri frá 1. nóv. 1966 til 1. júlí 1967 að hann
var skipaður skólastjóri.
Fastir kennarar hafa verið, auk þeirra, sem nefndir hafa
verið: Arni Jónsson, tilraunastjóri, Akureyri, Guðmundur
Jónsson, ráðunautur, Akranesi, Axel Magnússon, ráðunaut-
ur, Oli V. Hansson, ráðunautur, Jón H. Björnsson, garð-
yrkjumaður og verknámskennarar Jóhannes Nielsen, nú
kaupmaður í Danmörku og Guðjón H. Björnsson, garð-
yrkjumaður, Hveragerði, og Ole P. Pedersen, garðyrkju-
maður. Auk fastra kennara hafa kennt fjölmargir stunda-
kennarar um lengri og skemmri tíma.
Unnsteinn Ólafsson stefndi að því að gera Garðyrkju-
skólann að Reykjum miðstöð garðyrkjunnar í landinu, enda
mæla flest rök með því. Þannig að við stofnunina væru sér-
menntaðir menn, hver á sínu sviði. Þessi sérfræðingar áttu
að tileinka sér reynslu samkvæmt íslenzkum aðstæðum og
staðháttum og starfa sem kennarar og leiðbeinendur fyrir
nemendur Garðyrkjuskólans. Þeir áttu að miðla þeirri þekk-
ingu til garðyrkjumanna á námskeiðum, með leiðbeiningar-
ritum og á annan hátt.
Aður hefur verið vikið að því að Garðyrkjuskólinn hafi
orðið að ganga í gegnum sinn hreinsunareld, eins og bún-
aðarskólarnir. Eins og Unnsteinn Ólafsson segir sjálfur í
blaðagrein, sem hann ritaði skömmu áður en hann lézt, og
sem lýsir nokkuð þeim erfiðleikum, sem við hafði verið að